مناسک عمرہ مع ادعیۂ ماثورہ

عمرہ سنت ہے، عمرہ کے لئے کوئی خاص وقت مقرر نہيں ،ایا م حج  "9،10،11،12،13،"ذی الحجہ کے سوا کسی بھی وقت  عمرہ ادا کیا جاسکتا ہے- عمرہ کی فضیلت:<o:p></o:p> جامع ترمذی ،سنن ابن ماجہ اور سنن نسائی میں حدیث مبارک ہے:<o:p></o:p> عن عبد الله بن مسعود قال : قال رسول الله صلى الله عليه و سلم: تابعوا بين الحج والعمرة فإنهما ينفيان الفقر والذنوب كما ينفي الكير خبث الحديد والذهب والفضة-<o:p></o:p> ترجمہ:سیدنا عبد اللہ ابن مسعود رضی اللہ عنہ سے روایت ہے ،آپ نے فرمایا کہ  حضور نبی اکرم صلی اللہ علیہ والہ وسلم نے ارشاد فرمایا :تم پے درپے حج وعمرہ کیا کرو کیونکہ حج وعمرہ فقر اور  گناہوں کو ایسے ہی دفع کرتے ہیں جیسے بھٹی لوہا اور سونا چاندی  کے میل کچیل کو دور کردیتی ہے-<o:p></o:p> (جامع ترمذی ، باب ما جاء في ثواب الحج والعمرة، حدیث نمبر:810- سنن نسائی ، فضل المتابعة بين الحج والعمرة ، حدیث نمبر: 2630- سنن ابن ماجہ،  باب فضل الحج والعمرة، حدیث نمبر: 2887-)<o:p></o:p> صحیح بخاری اور صحیح مسلم میں روایت ہے :<o:p></o:p> عَنْ أَبِى هُرَيْرَةَ رضى الله عنه  أَنَّ رَسُولَ اللَّهِ صلى الله عليه وسلم قَالَ  الْعُمْرَةُ إِلَى الْعُمْرَةِ كَفَّارَةٌ لِمَا بَيْنَهُمَا ، وَالْحَجُّ الْمَبْرُورُ لَيْسَ لَهُ جَزَاءٌ إِلاَّ الْجَنَّةُ –<o:p></o:p> ترجمہ: حضرت ابوہریرہ رضی اللہ عنہ سے روایت ہے کہ حضرت رسول اللہ صلی اللہ علیہ والہ وسلم نے ارشاد فرمایا : ایک عمرہ دوسرے عمرہ تک درمیان کے گناہوں کا کفارہ ہے اور حج مقبول کا بدلہ صرف جنت ہے ۔<o:p></o:p> ( صحیح بخاری ، باب وجوب العمرة وفضلها، حدیث نمبر:1773- صحیح مسلم، باب فى فضل الحج والعمرة ويوم عرفة، حدیث نمبر:3355)<o:p></o:p> سنن ابن ماجہ شریف میں حدیث مبارک ہے:<o:p></o:p> عَنْ أَبِى هُرَيْرَةَ عَنْ رَسُولِ اللَّهِ صلى الله عليه وسلم أَنَّهُ قَالَ : الْحُجَّاجُ وَالْعُمَّارُ وَفْدُ اللَّهِ إِنْ دَعَوْهُ أَجَابَهُمْ وَإِنِ اسْتَغْفَرُوهُ غَفَرَ لَهُمْ –<o:p></o:p> ترجمہ: حضرت ابوہریرہ رضی اللہ عنہ سے روایت ہے کہ حضرت رسول اللہ صلی اللہ علیہ والہ وسلم نے ارشاد فرمایا :حج اور عمرہ کرنے والے اللہ تعالی کے مہمان ہیں, اگر وہ اللہ تعالی سے کوئی دعامانگتے ہیں تو وہ قبول فرماتا ہیں اور اگروہ مغفرت طلب کرتے ہیں تو اللہ تعالی ان کو بخش دیتا ہے-<o:p></o:p> (سنن ابن ماجہ، باب فضل دعاء الحج، حدیث نمبر:3004)<o:p></o:p> رمضان میں عمرہ کی فضيلت:<o:p></o:p> صحیح مسلم شریف ‘ج1،ص 904 ‘ میں حدیث مبارک ہے :<o:p></o:p> عَنِ ابْنِ عَبَّاسٍ أَنَّ النَّبِىَّ صلى الله عليه وسلم قَالَ لاِمْرَأَةٍ مِنَ الأَنْصَارِ۔۔۔۔۔فَعُمْرَةٌ فِى رَمَضَانَ تَقْضِى حَجَّةً. أَوْ حَجَّةً مَعِى-<o:p></o:p> حضور اکرم صلی اللہ علیہ وسلم نے ارشاد فرمایا: رمضان میں عمرہ کرنا حج کے برابر بلکہ میرے ساتھ حج کرنے کے برابر ہے۔<o:p></o:p> فرائض عمرہ:<o:p></o:p> عمرہ میں دو(2)فرض ہیں –<o:p></o:p> (1) احرام مع نیت عمرہ و تلبیہ -<o:p></o:p> (2) خانہ کعبہ کا  طواف ۔<o:p></o:p> <o:p></o:p> واجبات عمرہ:<o:p></o:p> عمرہ کے دو(2) واجبات ہیں-<o:p></o:p> (1) صفا اور مروہ کے درمیان سعی کرنا –<o:p></o:p> (2) حلق  یا قصر کروانا  ۔<o:p></o:p>      حدود حرم میں رہنے والے افراد حرمی کہلاتے ہیں، حدود حرم میں رہنے والے شخص  کی میقات، حج کے لئے حرم  ہے اور عمرہ کے لئے حل یعنی حدود حرم کے باہر کا حصہ مثلا :مسجد عائشہ رضی اللہ تعالی عنہا ،جعرانہ وغیرہ-<o:p></o:p> حدود حرم کے باہر کا وہ حصہ جو میقات تک پھیلا ہوا ہے اسے حل کہتے ہيں ،میقات اور حل کے درمیان  میں رہنے والے افراد کو حلی کہتے ہیں مثلا ساکنان جدہ وغیرہ ،ان کی میقات حل ہے ،اگر وہ حج یا عمرہ کی نیت سے مکہ مکرمہ آئیں تو وہ اپنے مقام ہی سے احرام باندہ لیں-<o:p></o:p> میقات سے باہر رہنے والےافراد جو حج وعمرہ کا قصد کرکے آئیں ان کو آفاقی کہتے ہیں -<o:p></o:p> حضور نبی اکرم صلی اللہ علیہ والہ وسلم نے اقطاع عالم سے حج وعمرہ  کے لئے آنے والوں کےمواقیت  مقرر فرمائے ہیں ،کہ وہ ان مقامات نے  سے احرام باندہ کرآئيں-<o:p></o:p> صحیح بخاری شریف میں حدیث مبارک ہے:&zwj;<o:p></o:p> عَنِ ابْنِ عَبَّاسٍ  رضى الله عنهما  قَالَ وَقَّتَ رَسُولُ اللَّهِ  صلى الله عليه وسلم  لأَهْلِ الْمَدِينَةِ ذَا الْحُلَيْفَةِ ، وَلأَهْلِ الشَّأْمِ الْجُحْفَةَ ، وَلأَهْلِ نَجْدٍ قَرْنَ الْمَنَازِلِ ، وَلأَهْلِ الْيَمَنِ يَلَمْلَمَ-<o:p></o:p> ترجمہ:سیدنا عبد اللہ ابن عباس رضی اللہ تعالی عنہما سے روایت ہے آپ نے فرمایا کہ حضرت رسول اللہ صلی اللہ علیہ والہ وسلم نے اہل مدینہ منورہ کے لئے ذو الحلیفہ میقات مقرر فرمائی اور اہل شام کے لئے جحفہ اور اہل نجد کے لئے قرن المنازل اور اہل یمن کے لئے یلملم مقرر فرمایا-<o:p></o:p> (صحیح بخاری شریف، باب مهل أهل الشام . حدیث نمبر: 1526)<o:p></o:p> اور صحیح مسلم شریف میں حدیث مبارک ہے:۔۔۔۔ وَمُهَلُّ أَهْلِ الْعِرَاقِ مِنْ ذَاتِ عِرْقٍ-<o:p></o:p> ترجمہ:اہل عراق کے لئے میقات" ذات عرق "ہے-<o:p></o:p> (صحیح مسلم شریف، باب مواقيت الحج والعمرة ،حدیث نمبر: 2867)<o:p></o:p>   کعبۃ اللہ شریف کے چاروں جانب مندرجہ ذیل مواقیت ہیں-<o:p></o:p> (1)" ذو الحلیفہ " مدینہ طیبہ سے آنے والوں کے لئے میقات  ہے-<o:p></o:p> (2) " جحفہ " مصر اور شام  سے آنے والوں کے لئے میقات ہے-<o:p></o:p> (3)" قرن  " نجد  سے آنے والوں کے لئے میقات ہے-<o:p></o:p> (4) " یلملم  "یمن،تہامہ ، ہندوستان،پاکستان اور اس کے محاذات  سے آنے والوں کے لئے میقات ہے-<o:p></o:p> (5) " ذات عرق " عراق وغیرہ سے آنے والوں کے لئے میقات ہے-<o:p></o:p> طریقہ عمرہ مع ادعیہ ماثورہ-<o:p></o:p> احرام کی شرعی  تعریف:<o:p></o:p> احرام کے معنی حرام کرنے کے ہیں، جب محرم عمرہ یا حج کی نیت سے احرام باندھ کر تلبیہ پڑھ لیتا ہے تو چند جائز و حلال چیزیں احرام کےسبب اس پر حرام ہوجاتی ہیں‘ اس لئے اس کو احرام کہتے ہیں-<o:p></o:p> احرام کی عرفی   تعریف:<o:p></o:p> عرف میں  احرام  ان دو چادروں کو کہتے ہیں جن کو عمرہ یا حج کرنے والااستعمال کرتا ہے –ایک بطور تہبند اور دوسری بطور چادر –<o:p></o:p> غسل سے فارغ ہونے کے بعد دو چادر یں  ایک بطور تہبند استعمال کریں اور دوسری بطور چادر اوڑھیں-<o:p></o:p> احرام کی چادریں اگر نئی ہوں تو افضل و بہتر ہے ورنہ استعمال شدہ چادروں کو بھی دھونے کے بعد استعمال کیا جاسکتا ہے‘ فتاوی عالمگیری،کتاب المناسک میں ہے:ويلبس ثوبين ازاراً و رداءًً جديدين غسيلين‘ والجديد افضل- کذافی فتاوی قاضی خان۔<o:p></o:p>   عورت کا احرام:<o:p></o:p> خواتین  کے لئے احرام میں کوئی  خاص لباس متعین  نہیں  بلکہ ان کا روزمرہ کا لباس کافی ہے بشرطیکہ وہ ساتر ہو اور حیا و حجاب کے تقاضوں کو پورا کرتا ہو۔اور عورت کا احرام اس کے چہرے میں ہے-<o:p></o:p> مرد حضرات کو سر اور چہرہ دونوں ڈھانکنا منع  ہے اور خواتین کو صرف چہرہ ڈھانکنا منع ہے ،خواتین غیرمحرم  سے پردہ کرنے کی غرض سے اس طرح کا  نقاب استعمال کرسکتی ہیں  کہ جس میں کپڑا چہرے سے مس نہ ہوتا ہو -<o:p></o:p>  جب احرام باندھنے کا ارادہ کریں تو جسم سے زائد بال دور کریں اور اچھی طرح سےغسل کریں،خواتین اگرچہ کہ وہ ناپاکی کی حالت میں ہوں غسل کرلیں-<o:p></o:p> پھر سر ڈھانک کرغیر مکروہ وقت میں   دو(2)رکعت نفل  اس طور پر اد اکریں کہ پہلی رکعت میں" سورۃ الکافرون"اور دوسری رکعت میں "سورۃ الاخلاص" پڑھیں-<o:p></o:p> نماز سے فارغ ہوکر  سر سے چادر ہٹادیں ،قبلہ رخ ہوکر عمرہ کی نیت کرلیں، نیت دل کے ارادہ کا نام ہے تاہم زبان سے ادا کرنا مستحب ہے -<o:p></o:p> عمرہ کی نیت :<o:p></o:p> اللَّهُمَّ إنِّي أُرِيدُ الْعُمْرَة فَيَسِّرْها لِي وَتَقَبَّلْها مِنِّي-<o:p></o:p> ترجمہ:ائے اللہ! میں عمرہ کی نیت کرتا ہوں ،تو اسے میرے لئے آسان فرمادے اور اسے قبول فرما-<o:p></o:p> عمرہ کی نیت کے ساتھ ہی  ایک مرتبہ تلبیہ پڑھنا واجب ہے اور تین مرتبہ پڑھنا مستحب ہے-مرد حضرات بلند آواز سے پڑھیں اور مستورات آہستہ پڑھیں-<o:p></o:p> تلبیہ یہ ہے:<o:p></o:p> لَبَّيْكَ اللَّهُمَّ لَبَّيْكَ، لَبَّيْكَ لَا شَرِيكَ لَكَ لَبَّيْكَ، إنَّ الْحَمْدَ وَالنِّعْمَةَ لَكَ وَالْمُلْكَ لَا شَرِيكَ لَكَ-<o:p></o:p> تلبیہ پڑھنے کے بعد ذکر وتسبیح ،درود وسلام کا اہتام کریں ،اور تضرع وزاری کے ساتھ دعائیں کریں ،جس زبان میں دعاء یاد ہو کریں  -<o:p></o:p> احرام میں داخل ہونے کے بعد چند چیزیں محرم پر  حرام ہوجاتی ہیں ،ان سے احتراز کریں-<o:p></o:p> ممنوعات احرام<o:p></o:p> اصولی طور پر احرام کی حالت  میں  چھ(6) چیزیں ممنوع ہیں،جن میں سے چار (4) مرد  وعورت دونوں سے متعلق ہیں اور دو(2) مرد حضرات سے متعلق ہیں -<o:p></o:p> (1) بیوی کے ساتھ صحبت کرنا  یا  اس کے مبادیات اور اس کے تمام متعلقات یہاں تک کہ اس عنوان کی کوئی گفتگو وغیرہ-<o:p></o:p> (2) خشکی کےجانوروں کا شکار کرنا یا شکار کی طرف رہبری کرنا-<o:p></o:p> (3) بال کٹوانا یا ناخن ترشوانا-<o:p></o:p> (4) خوشبو کا استعمال کرنا۔<o:p></o:p> یہ  چار ممنوعات مرد و عورت دونوں کے لئے ہیں –<o:p></o:p> اور یہ دو<o:p></o:p> (5) سلا ہوا لباس پہننا-<o:p></o:p> (6) سر اور چہرے کو ڈھانکنا۔<o:p></o:p> صرف مرد حضرات کے لئے ممنوع ہیں-<o:p></o:p> اگر کسی سے بحالت احرام ان چھ  ممنوعات میں سے کوئي ممنوع عمل سرزد ہوجائے تو اس پر حسب ترتیب کفارہ و صدقہ لازم آتا ہے-<o:p></o:p> ٭ پہلی صورت یعنی بیوی سے  مباشرت کرنے  یا شہوت سے بوس وکنار کرنے  کی صورت میں دم واجب ہے،خواہ انزال ہویا نہ ہو-<o:p></o:p> ٭ شکار کرنے کی صورت ميں  دو عادل مسلمان جو اس شکار کی قیمت مقرر کریں  اسے صدقہ کرنا واجب ہے-<o:p></o:p> ٭  سر کے علاوہ بدن کے کچھ مخصوص حصوں سے یا تمام بدن سے ایک ہی مجلس میں بال نکالنے پر ایک دم واجب ہوگا،اگر مختلف مجالس میں علحدہ علحدہ  مختلف مقامات کے بال نکالیں تو علحدہ علحدہ  دم واجب ہوگا-<o:p></o:p> سر ،داڑھی ،گردن ،بغل اور زیر ناف کے بال نکالے جائیں تو دم واجب ہوگا-باقی دیگر اعضاء کے بال نکالنے پر صدقہ واجب ہوگا-<o:p></o:p> اگر حالت احرام میں ہاتھ پیر کے تمام ناخن تراش لے یا کسی ایک ہاتھ یا ایک پیر کے پانچ ناخن تراشے تو اس پر دم واجب ہے، اگر پانچ سے کم ناخن تراشے توہر ناخن پر آدھا صاع یعنی تقریبا ًسواکلو گیہوں یا اس کی قیمت صدقہ کرنا ضروری ہے۔<o:p></o:p> اوراگرناخن اس طرح ٹوٹ جائے کہ ا ب اس کی مزید نشونما نہیں ہوگی تواس کو توڑکر علحدہ کرنے میں کوئی حرج نہیں ۔(عالمگیری، ج1 ،ص244)<o:p></o:p> ٭ اگر خوشبو بدن کے کسی ایک حصہ پر لگائے یا متفرق اعضاء پر اس طرح لگائے کہ اسے جمع کیا جائے تو ایک بڑے  عضو کے بقدر ہو تو ایسی صورت میں دم واجب ہے،اگر اس سے کم ہوتو صدقہ فطر واجب ہوگا-<o:p></o:p>  احرام کی حالت میں مرد حضرات  کے لئے  ایسا جوتا یا چپل پہننا درست نہيں جس سے قدم  کی درمیانی ابھری ہوئي ہڈی چھپ جائے ، البتہ خواتین کے لئے موزے ،جوتا پہننا منع نہيں ہے-  <o:p></o:p> دیگر ممنوعات:<o:p></o:p> (1)فسق و فجور کرناجھگڑنا‘ ساتھ والوں‘ خدمت گاروں اور دنیا کے معاملہ کرنے والوں پر بھی غصہ کرنا منع ہے‘ مگر دین کی بات پر غصہ کرنا اور امر بالمعروف و نہی عن المنکر منع نہیں۔<o:p></o:p>  (2)سر اور منہ پر پٹی باندھنا اگر چہ مرض کی وجہ سے ہو-<o:p></o:p> (3) ایسے رنگین کپڑے پہننا‘ اوڑھنا جو کسم یا زعفران یا ورس یا کسی اور خوشبودار چیز میں رنگا ہو‘ جائز نہیں لیکن اگر رنگنے کے بعد دھو ڈالا ہو یا ایسا مستعمل ہو کہ اس سے خوشبو نہ آتی ہو تو جائز ہے۔<o:p></o:p> (4) خوشبودار چیز کاکھانا جیسے دار چینی‘ الائچی‘ لونگ‘ سونٹھ‘ ایسا کچا کھانا جس میں خوشبو شامل اور اس کی بو غالب ہو اور یہی حال پینے کی چیز کا بھی ہے۔<o:p></o:p> (5)بخور دئیے ہوئے کپڑے کا پہننا اور  اوڑھنا-<o:p></o:p> (6)بالوں یا بدن میں مہندی لگانا‘اور تیل لگانا-<o:p></o:p> (7) بدن کا اس طرح کھجانا کہ اس سے سارے بال ٹوٹ جائے یا جوں مرجائے-<o:p></o:p> (8) جوں کا بدن یا کپڑے سے مارنا یا دور کرنا یا مارنے کے لئے دھوپ میں ڈالنا یا کسی اور  سے کہنا کہ  وہ  بدن یا کپڑے سے جوں کو مارے یا دور کرے-<o:p></o:p> (9) حدود حرم کے درخت کو سوائے اذخر گھانس کے کاٹنا یا چرانا جائز نہیں۔<o:p></o:p> <o:p></o:p> مکروہات احرام:<o:p></o:p> جو چیزیں حالت احرام میں مکروہ ہیں اور ان پر جزا نہیں لازم آتی وہ یہ ہیں ۔<o:p></o:p> (1)بدن سے میل کا دور کرنا-<o:p></o:p> (2) بالوں کا کھولنا-<o:p></o:p> (3) سر کے بالوں یا داڑھی میں کنگھی کرنا-<o:p></o:p> (4)داڑھی یا سر کا یا باقی جسم کا زور سے کھجانا جس سے بال کے ٹوٹنے یا جوں کے مرنے کا خوف ہو-<o:p></o:p> (5)چادر کا گردن پر باندھنا-<o:p></o:p> (6) سر یا منہ کا غلاف کعبہ سے اس طرح چھپانا کہ سر یا منہ پر لگ جائے-<o:p></o:p> (7) عباء‘ قباء جیسے پوستین لبادے وغیرہ کا اوڑھنا-<o:p></o:p> (8)  چادر یا تہمد کے ایک کنارے کو دوسرے کنارہ سے یا دونوں کناروں کو ملاکر کانٹا یا سوئی چھبونا یا ڈوری وغیرہ سے باندھنا-چادر یا تہمد کے دو پاٹ سی کر یا پیوند لگاکر باندھنا یا  اوڑھنا-<o:p></o:p> (9) غیر خوشبودار سیاہ، زرد، نیلا کپڑا پہننا‘ خوشبو سونگھنا یا ہاتھ لگانا‘ بشرطیکہ اس کا جرم (جسامت) ہاتھ میں نہ لگے‘ خوشبودار پھولوں‘ میوؤں اور بوٹیوں کا سونگھنا‘ عطار کے پاس یا اس کی دکان پر خوشبو سونگھنے کے لئے بیٹھنا-<o:p></o:p> (10) سر اور منہ کے سوا کسی اور عضو پر بغیر مرض کے پٹی باندھنا‘ ناک یا ٹھڈی کا کپڑے سے ڈھانکنا یہ سب مکروہ ہے‘ مگر ہاتھ سے ڈھانکنا مکروہ نہیں ہے-<o:p></o:p> (11)جس کھانے کی کچی چیز میں خوشبو مل کر مغلوب ہوگئی ہو گو اس میں سے بو آتی ہو اس کا کھانا‘ پینا اور تکیہ پر پیشانی رکھ کر اوندھا سونا بھی مکروہ ہے۔<o:p></o:p>  <o:p></o:p> (12)پان میں لونگ الائچی اور خوشبودار تمباکو ڈال کر کھانا مکروہ ہے۔وغیرہ<o:p></o:p> <o:p></o:p>   تلبیہ اور درود شریف کا کثرت سے اہتمام کریں ۔جب مسجد حرام شریف میں داخل ہوں مکمل عاجزی  وانکساری کے ساتھ پیکر تواضع بن کر  باادب ، یہ دعاء پڑھتے ہوئے داخل ہوں :<o:p></o:p> " بِسْمِ اللّٰهِ وَ الْحَمْدُ للّٰهِ وَ الصَّلوٰةُ وَ السَّلَامُ عَلٰی رَسُوْلِ اللّٰهِ .اللّٰهُمَّ افْتَحْ لِی اَبْوَابَ رَحْمَتِکَ وَ ادْخِلْنِی فِيهَا اللّٰهُمَّ اِنِّی اَسأَلُکَ فِیْ مَقَامِی هٰذَا اَنْ تُصَلِّیْ عَلٰی سَيدِنَا مُحَمَّدٍ عَبْدِکَ وَ رَسُوْلِکَ وَ اَنْ تَرحَمْنِی وَ تُقَيلَ عَثَرَاتِی وَ تَغْفِرَ ذُنُوْبِی وَ تَضَعَ عَنِّی وِزْرِی۔"<o:p></o:p> ،اور پہلے سیدھا پیر داخل کریں-<o:p></o:p> پھر جب خانہ  کعبہ  پر نظر پڑے ،توقف کریں اور دعائیں کریں کیونکہ یہ خصوصی طور پر  دعاؤں کی قبولیت کا موقع ہے-<o:p></o:p> البحر الرائق میں ہے کہ حضرت امام اعظم ابو حنیفہ رضی اللہ عنہ نے ایک شخص  کو یہ دعاء تعلیم فرمائی کہ رؤیت بیت اللہ کے وقت دعاء کرے کہ ائے اللہ مجھے مستجاب الدعوات بنادے- اس ایک دعاء کے مقبول ہونے سے تمام دعائیں مقبول ہوجائینگیں-<o:p></o:p> وَقَدْ ذَكَرَ فِي الْمَنَاقِبِ أَنَّ أَبَا حَنِيفَةَ أَوْصَى رَجُلًا يُرِيدُ السَّفَرَ إلَى مَكَّةَ بِأَنْ يَدْعُوَ اللَّهَ عِنْدَ مُشَاهَدَةِ الْبَيْتِ بِاسْتِجَابَةِ دُعَائِهِ فَإِنْ اُسْتُجِيبَتْ هَذِهِ الدَّعْوَةُ صَارَ مُسْتَجَابَ الدَّعْوَةِ  -<o:p></o:p> بہتر ہے کہ اس دعاء کے ساتھ یہ بھی کہیں:پروردگار مجھے جائز اور نیک دعائوں کی توفیق عطا فرما!<o:p></o:p> اگر کوئی وقتیہ نماز کا وقت ہوتو پہلے نماز ادا کرلیں، ورنہ اضطباع کرکے مطاف میں آئیں-<o:p></o:p> اضطباع کے معنی یہ  ہیں<o:p></o:p> چادر کے دامن کو داہنی بغل کے نیچے سے نکال کر بائیں کندھے پر ڈالنا, اور رمل کا مطلب یہ ہے کہ دونوں شانوں  کو جنبش دیتے ہوئے‘ سینہ ابھار کر‘ قریب قریب  قدم رکھ کر چلنا  جیسے پہلوان دنگل میں چلتے  ہیں-<o:p></o:p> رمل صرف ابتدائی تین چکروں میں کرنا ہے ،جس طواف کے بعد سعی ہے اس طواف میں رمل واضطباع ہے،خواتین کے لئے نہ رمل ہے اور نہ اضطباع-<o:p></o:p> یہ دعا پڑھتے ہوئے حجر اسود کی طرف بڑھیں:<o:p></o:p> اللَّهُمَّ أَنْتَ السَّلَامُ وَمِنْك السَّلَامُ فَحَيِّنَا رَبَّنَا بِالسَّلَامِ وَ اَدْخِلْناَ دَارَ السَّلَامِ تَبَارَکْتَ رَبَّنَا وَتَعَالَيتَ يا ذَا الجَلَالِ وَ الاِکْرَامِ اللَّهُمَّ زِدْ هَذَا الْبَيْتَ تَشْرِيفًا وَتَعْظِيمًا وَتَكْرِيمًا وَبِرًّا وَمَهَابَةً ، وَزِدْ مِنْ شَرَفِهِ وَكَرَمِهِ مِمَّنْ حَجَّهُ أَوْ اعْتَمَرَهُ تَشْرِيفًا وَتَعْظِيمًا وَتَكْرِيمًا وَبِرًّا-<o:p></o:p> احرام کی نیت کے وقت  سے جو لبیک پڑھتے آرہے تھے اب طواف کے آغاز سےہی اسے موقوف کردیں-<o:p></o:p> پھر اپنا سیدھا مونڈھا حجر اسود کے بائیں کونے  کے بالمقابل ہو اور تمام  حجر اسود داھنی جانب ہو<o:p></o:p> بعد ازاں طواف کی نیت کریں:<o:p></o:p> اللّٰهُمَّ اِنِّی اُرِيدُ طَوَافَ بَيتِکَ الحَرَامِ سَبْعَةَ اَشْوَاطٍ فَيسِّرُه لِی وَ تَقَبَّلُه  مِنِّی۔<o:p></o:p> ترجمہ:ائے اللہ میں تیری رضا وخوشنودی کے لئے تیرے حرمت وتقدس والے گھر کے طواف کی نیت کرتا /کرتی ہوں،تو اسے میرے لئے آسان فرما اور اسے اپنے دربار میں قبول فرما-<o:p></o:p> پھر حجر اسود کے روبرو  آکر<o:p></o:p> بِسْمِ اللّٰهِ وَ اللّٰهُ اَکْبَرُ وَ للّٰهِ الحَمْدُ وَ الصَّلوٰةُ عَلٰی سيدنا رَسُوْلِ اللّٰهِ صلی الله عليه وسلم۔<o:p></o:p>   کہتے ہوئے کانوں تک ہاتھ اٹھاکر چھوڑدیں-اس کے بعداپنے دونوں ہاتھ حجر اسود پر رکھ کر بیچ میں بوسہ دیں‘ اس کو استلام کہتے ہیں اور اس میں مستحب یہ ہے کہ منہ اور پیشانی دونوں کو رکھے اور تین بار بوسہ دیں -<o:p></o:p> حجر اسود چومتے وقت کی دعاء:<o:p></o:p> اللَّهُمَّ إيمَانًا بِك وَتَصْدِيقًا بِكِتَابِك وَوَفَاءً بِعَهْدِك وَاتِّبَاعًا لِسُنَّةِ نَبِيِّك مُحَمَّدٍ صَلَّى اللَّهُ عَلَيْهِ وَسَلَّمَ۔<o:p></o:p> اگر ہجوم اتنا کثیر ہو کہ  بوسہ دینا ممکن نہیں تو اس پر ہاتھ لگاکر چومے‘ اگر یہ بھی ممکن نہ ہو تو لاٹھی وغیرہ کو لگاکر چومے‘ اگر یہ بھی نہ ہوسکے تو دونوں ہاتھ اس طرف<o:p></o:p> اللّٰهُ اَکْبَرُ لَا اِلٰهَ اِلاَّ اللّٰهُ وَ الحَمْدُ للّٰهِ تَعَالٰی وَ الصَّلوٰةُ عَلٰی نَبِيهِ الْمُصْطَفٰی صَلَّى اللَّهُ عَلَيْهِ وَسَلَّمَ ۔<o:p></o:p>   کہتے ہوئے اٹھائیں اور اس یقین کے ساتھ  ہاتھوں کو  چومیں کہ گویا دونوں ہاتھوں سے اس کو چھولیا ہے،اس طرح چومیں کہ آواز نہ آئے-<o:p></o:p>   پھر اضطباع کئے ہوئے رمل کے ساتھ داہنی جانب  چلیں۔<o:p></o:p> دوران طواف جو دعاء یاد ہو کرتے رہیں،اور اسی طرح واپس جب حجر اسود کے پاس آئینگے تو طواف کی ایک چکر مکمل ہوگی،اسی طرح سات چکر لگائیں اور ہر چکر میں حجر اسود کا استلام کریں-<o:p></o:p> جب طواف مکمل ہوجائے تو پھر مقام ابراہیم کی طرف یہ آیتکریمہ پڑھتے ہوئے چلیں:<o:p></o:p> وَاتَّخِذُوا مِنْ مَقَامِ إبْرَاهِيمَ مُصَلًّى –<o:p></o:p> ترجمہ: اور تم مقام ابراہیم کے پاس نماز کی جگہ بناؤ-<o:p></o:p> مقام ابراہیم کے پاس دو  رکعت نماز ادا کریں‘پہلی رکعت میں سورۃ الکافرون ،اور دوسری رکعت میں ،سورۃ الاخلاص پڑھیں-  یہ دو رکعتیں حنفی مذہب میں واجب ہیں-<o:p></o:p> اگر مقام ابراہیم کے پاس ہجوم ہو تو پھر جس مقام پرسہولت ہو مسجد شریف میں ادا کرلیں-اور اگر مکروہ وقت ہو تو یہ دوگانہ نماز، مکروہ وقت ختم ہونے کے بعد ادا کرلیں-<o:p></o:p>   اس کے بعد مُلْتَزَمْ  کے پاس آئیں، دونوں ہاتھوں کو دراز کرکے اپنا سینہ‘ پیٹ اور داہنا  رخسار دیوار کعبہ سے چمٹادیں ،اور دعائیں کرتے رہیں-<o:p></o:p> نوٹ:"ملتزم "کعبۃ اللہ شریف کے دروازے اور حجر اسود کے درمیانی حصہ کو کہتے ہیں-<o:p></o:p> بعد ازاں قبلہ رو کھڑے ہوکر  خوب آب زمزم پئیں،یہ وقت بھی قبولیت دعاء کا ہے،حضور نبی اکرم صلی اللہ علیہ والہ وسلم  نے ارشاد  فرمایا :زمزم جس مقصد کے لئے پیا جائے گا وہ مقصد پورا ہوگا-<o:p></o:p> اس وقت یہ دعاء پڑھیں:<o:p></o:p> اللَّهُمَّ إنِّي أَسْأَلُك عِلْمًا نَافِعًا وَّ رِزْقًا وَاسِعًا وَّ عَمَلاً صَالِحاً وَشِفَاءً مِنْ كُلِّ دَاء ۔<o:p></o:p> اور جب سعی کے لئے صفا   کو جارہے ہوں تو اس سے  قبل حجر اسود کا استلام کرلیں،اس طرح  یہ حجر اسود کا  نواں(9)  استلام ہوگا-<o:p></o:p> مسجد شریف سے نکلتے وقت  دعاء پڑھتے ہوئے اپنا بایاں قدم آگے بڑھائیں<o:p></o:p> اس کے بعد  باب صفا سے صفا کی طرف یہ پڑھتے ہوئے جائیں:<o:p></o:p> اَبَدَاُ بِمَا بَدَأَ اللّٰهُ بِه , بِسْمِ اللّٰهِ الرَّحْمٰنِ الرَّحِيمِ  إِنَّ الصَّفَا وَالْمَرْوَةَ مِن شَعَائِرِ اللّٰهِ فَمَنْ حَجَّ الْبَيْْتَ أَوِ اعْتَمَرَ فَلاَ جُنَاحَ عَلَيهِ أَن يطَّوَّفَ بِهِمَا وَمَن تَطَوَّعَ خَيْراً فَإِنَّ اللّهَ شَاکِرٌ عَلِيمٌ ۔<o:p></o:p> اور  صفا پر چڑھ کر کعبۃ اللہ کی طرف رخ کرکے  ہاتھ کاندھوں تک اٹھائیں اس طرح کہ ہتھیلیاں آسمان کی طرف ہوں اور یہ دعا پڑھیں:<o:p></o:p> اللّٰهُ اَکْبَرُ اللّٰهُ اَکْبَرُ اللّٰهُ اَکْبَرُ وَ لِلّٰهِ الْحَمْدُ۔ اَلْحَمْدُ لِلّٰهِ عَلٰی مَا هَدَانَا اَلْحَمْدُ لِلّٰهِ عَلٰی مَا اَوْلَانَا اَلْحَمْدُ لِلّٰهِ عَلٰی مَا اَلْهَمَنَا اَلْحَمْدُ لِلّٰهِ الَّذِی هَدَانَا وَ مَا کُنَّا لِنَهْتَدِیَ لَوْلَا اَنْ هَدَانَا اللّٰهُ لَا اِلٰهَ اِلَّا اللّٰهُ وَحْدَهُ لَا شَرِيْکَ لَه، لَه الْمُلْکُ وَلَه الْحَمْدُ يحيِیْ وَ يمِيتُ وَ هُوَ حَیٌّ لَا يمُوْتُ بِيدِهِ الْخَيرِ وَهُوَ عَلٰی کُلِّ شَئيٍ قَدِيرٌ۔ لَا اِلٰهَ اِلَّا اللّٰهُ وَحْدَهُ، وَ صَدَقَ وَعْدَه، وَ نَصَرَ عَبْدَه، وَ اَعَزَّ جُنْدَه، وَ هَزَمَ الْاَحْزَابَ وَحْدَه۔ لَا اِلٰهَ اِلَّا اللُّٰه وَ لَا نَعْبُدُ اِلَّا اِيَّاہ، مُخْلِصِينَ لَهُ الدِّينَ وَ لَوْ کَرِهَ الْکَافِرُوْنَ۔ اللّٰهُمَّ اِنَّکَ قُلْتَ وَ قُوْلُکَ الحَقُّ اُدْعُوْنِی اَسْتَجِبْ لَکُمْ وَ اِنَّکَ لَا تُخْلِفُ الْمِيعَادَ وَ اِنِّی اَسْأَلُکَ کَمَا هَدَيتَنِیْ لِلْاِسْلَامِ اَنْ لَّا تَنْزِعَه مِنِّی حَتّٰی تَوَفَّانِیْ وَ اَنَا مُسْلِمٌ. سُبْحَانَ اللّٰهِ وَ الحَمْدُ لِلّٰهِ وَ لَا اِلٰهَ اِلَّا اللّٰهُ وَ اللّٰهُ اَکْبَرُ وَ لَا حَوْلَ وَلَا قُوَّةَ اِلَّا بِاللّٰهِ الْعَلِیِّ العَظِيْمِ۔ اللّٰهُمَّ صَلِّ وَسَلِّمْ عَلٰی سَيّدِنَا مُحَمَّدٍ وَّ عَلٰی آلِه وَ صَحْبِه وَ اَتْبَاعِه اِلٰی يَوْمِ الدِّيْنِ۔ اللّٰهُمَّ اغْفِرْلِیْ وَلِوَالِدَیَّ وَ لِمَشَائِخِیْ وَ لِلْمُسْلِمِيْنَ اَجْمَعِينَ وَ السَّلَامُ عَلَی الْمُرْسَلِينَ وَ الْحَمْدُ لِلّٰهِ رَبِّ الْعَالَمِينَ ۔<o:p></o:p> ونیز جو دعائیں یاد ہوں وہ پڑھتے رہیں کیونکہ یہ بھی  دعا کے مقبول ہونے کا مقام ہے-<o:p></o:p> پھر صفا  سے مروہ کی جانب درمیانی رفتار سے چلیں<o:p></o:p> صفا سے اترتے وقت یہ دعاء پڑہیں:<o:p></o:p> اللَّهُمَّ اسْتَعْمِلْنِي بِسُنَّةِ نَبِيِّك وَتَوَفَّنِي عَلَى مِلَّتِهِ ، وَأَعِذْنِي مِنْ مُضِلَّاتِ الْفِتَنِ بِرَحْمَتِك يَا أَرْحَمَ الرَّاحِمِينَ -( فتح القدير)<o:p></o:p>   اور میلین اخضرین (جس کے درمیان سبز لائٹ نصب ہیں) کے دوران تیزگام  چلیں، خواتین میلین اخضرین کے درمیان  بھی اپنے معمول کے مطابق  ہی چلیں-<o:p></o:p> میلین اخضرین کے دوران پڑھی جانے والی دعاء:<o:p></o:p>   رَبِّ اغْفِرْ وَارْحَمْ وَاعْفُ وَتَكَرمْ وَتَجَاوَزْ عَمَّا تَعْلَمُ ، إنَّك تَعْلَمُ مَا لا نَعْلَمْ. إنَّك أَنْتَ الْأَعَزُّ الْأَكْرَمُ -<o:p></o:p>   اس طرح صفا سے مروہ پر ایک چکر مکمل ہوگی اور پھر مروہ سے صفا جانے پر دوچکر ہونگے-<o:p></o:p> مروہ پہنچ کر کعبۃ اللہ کی طرف رخ کر اسی طرح دعاء کریں جس طرح صفا پر کی تھی ،اور پھر مروہ سے صفا کی جانب آئیں اسی طرح سات چکر مکمل کریں  اور میلین اخضرین کے دوران تیزگام چلیں،ساتویں چکر مروہ پر مکمل ہوگي -<o:p></o:p> جب سعی سے فارغ ہوجائیں تو اس کے بعد حلق کروالیں، عمرہ ہویا حج ہر دو میں  احرام کھولتے وقت حلق کراونا یا بال کتروانا واجب ہے،جس کے خلاف کرنے پر دم دینا واجب ہوجاتا ہے-<o:p></o:p> کل سر کے بال حلق کروانا بہتر ہے اور بال کتروانے کی صورت میں کل  سر کے بال انگلی کی ایک پور سے زائد مقدار میں کتروانا مسنون ہے،  اور سر کے چوتھائی بال کتروانے کی صورت میں واجب تو ادا ہوجاتا ہے تاہم یہ  کراہت سے خالی نہیں ۔<o:p></o:p> اور خواتین اپنے تمام سر کے بالوں  یا چوتھائی سر کے بالوں سے لمبائی میں انگلی کی ایک پور کے برابر بال کاٹ دیں –<o:p></o:p> نوٹ1:خواتین بال کاٹتے وقت اس طرح اپنا سر کھلا نہ رکھیں کہ ان پر  غیر کی نظر پڑے-<o:p></o:p> نوٹ2:حلق یا قصر حدود حرم میں کروانا واجب ہے ،اگر بیرون حرم حلق یا قصر کروائیں تو دم واجب ہوگا-<o:p></o:p> حضور اکرم صلی اللہ علیہ وسلم نے احرام کھولتے وقت حلق کروانے والے حضرات کو خصوصی دعاؤں سے سرفراز فرمایا‘ صحیح بخاری شریف میں حدیث پاک ہے:<o:p></o:p> عن عبدالله بن عمر رضی الله عنهما ان رسول الله صلی الله عليه وسلم قال :اللَّهُمَّ ارْحَمْ الْمُحَلِّقِينَ ، قَالُوا : وَالْمُقَصِّرِينَ يَا رَسُولَ اللَّهِ ، قَالَ : اللَّهُمَّ ارْحَمْ الْمُحَلِّقِينَ .قَالُوا : وَالْمُقَصِّرِينَ يَا رَسُولَ اللَّهِ ، قَالَ وَالْمُقَصِّرِينَ-<o:p></o:p> ترجمہ:حضرت عبداللہ بن عمر رضی اللہ عنہما سے روایت ہے کہ حضرت رسول اللہ صلی اللہ علیہ والہ وسلم  نےفرمایا: اے اللہ حلق کروانے والوں پر رحم فرما! حضرات صحابہ کرام نے عرض کیا:یا رسول اللہ !صلی اللہ علیہ وسلم بال کم کروانے والے؟ آپ نے فرمایا: ائے اللہ! حلق کروانے والوں پر رحم فرما! صحابہ کرام نے عرض کیا:یا رسول اللہ صلی اللہ علیہ وسلم! اور بال کم کروانے والے؟ آپ نے فرمایا: اللہ ان پر بھی رحم فرمائے۔(صحیح بخاری شریف‘ باب الحلق و القصر عند الاحلال‘ حدیث نمبر 1612)<o:p></o:p>      اس طرح عمرہ مکمل ہوچکا ،اب مکہ معظمہ میں جب تک قیام ہو جس قدر چاہیں  طواف کئے جاسکتے ہیں ،اور اگر دوسرا عمرہ کرنے کا ارادہ ہوتو<o:p></o:p> آفاقی بھی  مسجد عائشہ رضی اللہ عنہا،جعرانہ  وغیرہ سے احرام باندھ کر عمرہ کرسکتا ہے-<o:p></o:p> اللہ تعالی اپنے حبیب کریم صلی اللہ علیہ وسلم کے صدقہ وطفیل حج بیت اللہ ،عمرہ شریفہ اور زیارت مقدسہ کی سعادت عطا فرمائے-آمین بجاہ سیدنا طہ ویسن صلی اللہ علیہ والہ واصحابہ وسلم –<o:p></o:p>      از: مولانا مفتی حافظ سید ضياء الدین نقشبندی دامت برکاتہم العالیہ<o:p></o:p>  شیخ الفقہ جامعہ نظامیہ وبانی ابو  الحسنات اسلامک ریسرچ سنٹر<o:p></o:p> <a href="http://www.ziaislamic.com/">www.ziaislamic.com</a><o:p></o:p> <o:p> </o:p>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Scholarly Articles

مناسک عمرہ مع ادعیۂ ماثورہ

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Scholarly Articles

&#1605;&#1606;&#1575;&#1587;&#1705; &#1593;&#1605;&#1585;&#1729; &#1605;&#1593; &#1575;&#1583;&#1593;&#1740;&#1730; &#1605;&#1575;&#1579;&#1608;&#1585;&#1729;

مناسک عمرہ مع ادعیۂ ماثورہ