عقیدۂ ختم نبوت قرآن کریم کی روشنی میں

دینِ اسلام کا یہ مسلَّمہ عقیدہ ہے کہ رب العالمین نے اپنے حبیب سید المرسلین صلی اللہ علیہ وسلم کو خاتم النبیین بناکر مبعوث فرمایا ، حضور پاک علیہ الصلوۃ والسلام کے بعد اب کوئی رسول اور کسی بھی قسم کا نبی دنیا میں آنے والا نہیں ،ہمیشہ کے لئے آپ ہی کی نبوت ورسالت قائم رہے گی۔        واضح رہے کہ ان دنوں فتنۂ قادیانیت زور پکڑرہاہے ،اور اسلام کے نام پر عام مسلمانوں کے عقیدۂ ختم نبوت کو برباد کرنے کی ناپاک کوشش کی جارہی ہے ، یہ قادیانی فرقہ کی جانب سے ایک گہری سازش ہے ، یہ لوگ اپنے کو ’’احمدی ‘‘کہتے ہیں اور مسلمانوں جیسا لباس پہنتے ہیں اورنام بھی مسلمانوں جیسا رکھتے ہیں،لیکن ختم نبوت کے بارے میں قرآن کریم واحادیث شریفہ کی روشنی میں عطاکردہ عقیدہ نہیں رکھتے اور حضور اکرم صلی اللہ علیہ وسلم کو آخری نبی نہیں مانتے، بلکہ کہتے ہیں کہ حضور اکرم صلی اللہ علیہ وسلم کی امت میں ظِلِّی وبُرُوْزِی نبی ہوسکتا ہے جس کو’’ امتی نبی ‘‘کہتے ہیں۔ (معاذاللہ)        اسی بنیاد پر مرزاغلام احمد قادیانی نے نبوت کا دعوی کیا تھا ‘یہ لوگ اس کونبی مانتے ہیں ، جب کہ ہر مسلمان کے نزدیک ختم نبوت ایک ایسا بنیادی عقیدہ ہے کہ اس میں ذرہ برابر بھی فرق آنے سے آدمی دائرۂ اسلام سے خارج ہوجاتا ہے ،یہ فرقہ مختلف ممالک اور دیہاتوں میں آج بھی فتنہ پرورسازشوں میں مصروف ہے ۔   غلام احمد قادیانی کے جھوٹے دعوے اور کفریات        مرزا غلام احمد قادیانی نے اپنی کتابوں میں مختلف باطل دعوے کئے : دعوی مجددیت، محدّثیت ،مثلیت عیسی علیہ السلام ،عیسویت ،بالآخر اس نے نبوت کا دعوی کردیا۔(نعوذباللہ من ذٰلک)        چنانچہ وہ اپنی کتاب "ازالۃ الاوہام" ،حصہ دوم ص221 میں لکھتاہے :’’اسی لئے خدائے تعالی نے براہین احمدیہ میں بھی اس عاجز کانام امتی بھی رکھااور نبی بھی‘‘۔(نعوذباللہ من ذلک)         اس نے الہام خداوندی کا نام لے کر (العیاذ باللہ )اپنے باطل دعوی کو اللہ تعالی کی طرف منسوب کرتے ہوئے اپنے آپ کو انبیاء کرام کا مثیل قرار دیا اور حضور ختمی مرتبت صلی اللہ علیہ وسلم کے ہمسر ہونے کا بھی دعوی کیا ہے ، جیسا کہ وہ لکھتاہے :’’اور پھر آخرمثیل ٹہرانے کی یہاں تک نوبت پہنچی کہ باربار یااحمد کے خطاب سے مخاطب کرکے ظلی طورپرمثیل سیدالانبیاء وامام الاصفیاء حضرت مقدس محمد مصطفی صلی اللہ علیہ وسلم قراردیا‘‘۔ (ازالۃ الاوہام ،حصہ اول ص105)(نعوذباللہ من ذلک)        کذَّاب ودَجَّال غلام احمد قادیانی کے باطل دعووں کاجواب دینے کیلئے سیدی شیخ الاسلام ‘عارف باللہ ‘امام محمد انواراللہ فاروقی بانی جامعہ نظامیہ علیہ الرحمۃ والرضوان نے دوضخیم جلدوں پر مشتمل کتاب ’’افادۃالافہام ‘‘تصنیف فرمائی ،اس میں آپ نے اس کا حرفاً حرفاً ردکیا  و نیز’’انوار الحق ‘‘نامی ایک کتاب تصنیف فرمائی ،جس کے ذریعہ اس کے باطل نظریات کا دندان شکن جواب دیا اور اس کو دائرۂ اسلام سے خارج قرار دیا۔        ’’اِفَادَۃُالافہام ‘‘کی ابتداء میں حضرت شیخ الاسلام  رحمۃ اللہ تعالی علیہ نے ’’مَفَاتِیْحُ الْاَعْلَام ‘‘کے نام سے ایک فہرست مرتب فرمائی ،جس میں اس کی اُن عبارتوں کو جمع کیا جن سے گمراہی وضلالت اور کفروارتداد واضح ہو تا ہے۔        اس قسم کی بہت سی عبارتیں قادیانیوں کی کتابوں میں موجود ہیں، جن سے اس کا  دَجْل ومکراور نبوت کا دعوی کرنا واضح طور پر ثابت ہوتاہے جبکہ مسلمانوں کا بنیادی عقیدہ ہے کہ حضرت سیدنا محمد مصطفی صلی اللہ علیہ والہ وسلم  ہی خاتم النبیین ہیں ، آپ کے بعد کسی قسم کا کوئی نبی ظلی ،بروزی یا جزوی طور پر آنے والانہیں، آپ کی ذات اقدس پر سلسلۂ نبوت ختم کردیا گیا ہے ، آپ کے بعد نہ نبوت تامہ ہے اور نہ ناقصہ ۔         جب غلا م احمد قادیانی نے اپنی کتابوں میں نبوت کا دعوی کیا ہے جیسا کہ ابھی اس کی عبارتوں سے معلوم ہوا، ان صراحتوں کے باوجود بھی قادیانیوں کا کہنا ہے کہ ’’اس نے نبوت کا دعوی نہیں کیا‘‘ اور وہ یہ کہتے ہیں کہ اہل اسلام نے خلاف واقعہ بات ،دروغ گوئی اور حقیقت کے خلاف بات کہی ہے ، لیکن مسلمہ حقیقت تو یہی ہے کہ حضرت نبی اکرم صلی اللہ علیہ وسلم کو خاتم النبیین مانتے ہوئے بھی آپ کے بعد کسی اور کو کسی اعتبار سے نبی تسلیم کرنا نص قطعی کے خلاف اور کفر وارتداد ہے ۔   عقیدۂ ختم نبوت نص قطعی سے ثابت        اللہ تعالی کا ارشاد ہے:   مَا کَانَ مُحَمَّدٌ أَبَا أَحَدٍ مِّنْ رِّجَالِکُمْ وَلٰکِنْ رَّسُولَ اللّٰهِ وَخَاتَمَ النَّبِيِّينَ وَکَانَ اللّٰهُ بِکُلِّ شَیْءٍ عَلِيْمًا -    ترجمہ : محمد مصطفی  صلی اللہ علیہ وسلم تمہارے مَردوں میں سے کسی کے والد نہیں ،لیکن آپ اللہ تعالی کے برگزيدہ رسول اورسب انبیاء کے سلسلہ نبوت کوختم کرنے والے ہیں اوراللہ تعالی ہر چیز کو جاننے والا ہے۔ (سورۃ الاحزاب۔40)        قرآن کریم کی اس آیت کریمہ سے یہ حقیقت واضح ہوگئی کہ فخرموجودات ‘وجہ تخلیق کائنات حضرت سیدنا محمد مصطفی صلی اللہ علیہ والہ وسلم ہی آخری نبی ہیں،آپ کے بعد کوئی نبی یا رسول آنے والے نہیں ، سلسلۂ نبوت ورسالت آپ کی ذات اقدس پر ختم کردیا گیا، آپ کے بعد کسی نبی کا آنا محال وناممکن ہے ،قصر نبوت میں ایسی کوئی جگہ ہی باقی نہیں کہ آپ کے بعد کوئی نبی اس کو پُر کرسکے ،رسالت ونبو ت آپ ہی پر تمام ہوگئی ۔   حضرت ضياء ملت  مولانا مفتی حافظ سید ضیاء الدین نقشبندی دامت برکاتہم العالیہ شیخ الفقہ جامعہ نظامیہ وبانی ابو الحسنات اسلامک ریسرچ سنٹر <a href="../../../../">www.ziaislamic.com</a>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Scholarly Articles

عقیدۂ ختم نبوت قرآن کریم کی روشنی میں

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Scholarly Articles

&#1593;&#1602;&#1740;&#1583;&#1730; &#1582;&#1578;&#1605; &#1606;&#1576;&#1608;&#1578; &#1602;&#1585;&#1570;&#1606; &#1705;&#1585;&#1740;&#1605; &#1705;&#1740; &#1585;&#1608;&#1588;&#1606;&#1740; &#1605;&#1740;&#1722;

عقیدۂ ختم نبوت قرآن کریم کی روشنی میں