معراج النبی صلی اللہ علیہ وسلم

معراج النبی صلی اللہ علیہ وسلم<o:p></o:p> اسلام میں کا واقعہ گویا محک (کسوٹی) امتحان ہے جس نے اس کا انکار کیا اس کی شقاوت ازلی کا حال کھل گیا۔ اس سے بڑھ کر او رکیا شقاوت ہوگی کہ سب جانتے تھے کہ آنحضرت صلی اللہ علیہ وسلم نے کبھی بیت المقدس کو نہیں دیکھا تھا باوجود اس کے جو جو نشانیاں پوچھتے گئے سب بتلادیں اور راستہ کے قافلہ کا حال پوچھا وہ بھی بیان کردیا جس کی تصدیق بھی ہوگئی پھر بھی تصدیق نہ کی ۔ اور مثل دوسرے معجزات کے اس کو بھی سحر ہی قرار دیا جیسا کہ ان روایات سے ظاہر ہے <o:p></o:p> ﴿واخرج مسلم والنسائی وابن مردویہ عن ابی ھریرۃ رضی اللہ عنہ قال قال رسول اللہ علیہ وسلم لقدرأیتنی فی الحجروقریش تساء لنی عن مسرای فسألوانی عن اشیاء من بیت المقدس لم اثبتھا فکربت کربا ما کربت مثلہ قط فرفعہ اللہ لی انظر الیہ ما سألونی عن شئی الاانبأتھم بہ۔ کذا فی درالمنثور (۱)﴾<o:p></o:p>  یعنی آنحضرت صلی اللہ علیہ وسلم نے فرمایا کہ جب قریش مجھ سے بیت المقدس کے جانیکا حال دریافت کرنے لگے میں حطیم میں تھا بہت سی چیزیں بیت المقدس کی انہوں نے ایسی پوچھیں کہ جو مجھے بخوبی یا دنہ تھیں اس وقت مجھ کو ایسی فکر ہوئی کہ کبھی ہوئی نہ تھی تب حق تعالیٰ نے اس کو میر ے پیش نظرکردیا پھر تووہ جو سوال کرتے میں دیکھ کر فوراً جو اب دے دیتا <o:p></o:p> ﴿ واخرج ابویعلی وابن عساکر عن ام ھانی ثم انتھیت الی عیربنی فلان فی التنعیم یقد مھا جمل اورق وھا ھی ذہ تطلع علیکم من الثنیۃ فقال الولید بن المغیرۃ ساحر فانطلقوا فنظروا فوجدوا کما قال فرموہ بالسحروقالوا صدق الولید فانزل اللہ وما جعلنا الرؤیا التی اریناک الافتنۃ للناس .کذا فی درالمنثور(۲)﴾<o:p></o:p> یعنی سفربیت المقدس کے آخر میں حضرت ﷺ نے یہ بھی فرمایا کہ واپسی کے وقت تنعیم میں مجھے ایک قافلہ ملا جس کے آگے آگے ایک اونٹ ہے جس کا رنگ خاکستری ہے اور وہ یہیں قریب ہے ابھی ثنیہ پر تمھیں نظر آئیگا یہ سن کر ولید نے کہا کہ یہ ساحرہیں اور لوگ قافلہ کی خبر لانے کو گئے چنانچہ جس طور پر حضرتﷺ نے فرمایا تھا سب باتوںکی تصدیق ہوگئی ۔ اس پر سب نے کہا ولید نے جو حضرت کو ساحر کہا تھا وہ سچ ہے تب یہ آیت نازل ہوئی۔ <o:p></o:p> ﴿وَمَا جعلنا الرؤیا الَّتِیْ اریناک اِلَّافِتْنَۃً لِّلنَّاسِ﴾(۳)<o:p></o:p> اب یہاں یہ امر قابل غور ہے کہ جو لوگ کہتے ہیں کہ یہ واقعہ نیند کی حالت میں ہوا تھا یا وہ اعلیٰ درجہ کا کشف تھا جس کے مرزاصاحب قائل ہیں                  (بانی فرقہ قادیان )ان کو کتنے واقعات کا انکار کرنا پڑتا ہے ۔ یہ بات تو ظاہر ہے کہ خواب کیساہی عجیب وغریب ہو اس کے بیان کرنے میں کوئی تامل نہیں ہوتا اورنہ سننے والا اس کا انکار کرتا ہے حالانکہ احادیث سے ثابت ہے کہ اس واقعہ کا بیان کرنا بخوف تکذیب قرین مصلحت نہیں سمجھا گیا تھا۔ جیسا کہ اس روایت سے معلوم ہوتا ہے<o:p></o:p> <o:p> </o:p>  ﴿واخرج الطبرانی وابن مریم عن ام ھانی قالت فقال رسول اللہ صلی اللہ علیہ وسلم وانا اریدان اخرج الی قریش فاخبرھم ما رأیت فاخذت بثوبہ فقلت انی اذکرک اللہ انک تاتی قوما یکذبو نک وینکرون مقالتک فاخاف ان یسطوبک قالت فضرب ثوبہ من یدی ثم خرج الیھم فاتاھم وھم جلوس فاخبرھم۔ الحدیث کذافی الدرمنثور والحدیث مذکور فیہ بطولہ(۴)﴾<o:p></o:p> یہ حدیث بہت طویل ہے یہاں مقصود اسی حصہ سے متعلق ہے جو لکھا گیا ماحصل اس کا یہ کہ آنحضرت صلی اللہ علیہ وسلم نے ام ہانی رضی اللہ تعالیٰ عنہا سے سفربیت المقدس کا واقعہ بیان کرکے فرمایا کہ میں چاہتا ہو ں کہ جو کچھ میں نے رات دیکھا ہے سب قریش سے بیان کردوں ۔ میں نے حضرت کا دامن پکڑلیا اور کہا کہ خدا کے لئے آپ یہ کیا کرتے ہو وہ لوگ تو پہلے ہی سے آپ کی تکذیب اور آپ کی باتوں کا انکار کرتے ہیں مجھے خوف ہے کہ یہ واقعہ سن کر کہیں حملہ نہ کر بیٹھیں ۔ حضرت نے جھٹکا مار کر دامن چھڑالیا ۔ اور ان کے مجمع میں جاکر سب واقعہ بیان فرمایا۔ انتہی۔ ظاہر ہے کہ اگر یہ واقعہ خواب کا ہوتا تو اس کی تکذیب کی کوئی وجہ نہ تھی پھر ام ہانی رضی اللہ عنھا کو اس کے بیان نہ کرنے پر اس قدراصرار کیوں تھا۔ اور احادیث سے ثابت ہے کہ جب کفار نے یہ واقعہ سناتو بہت کچھ خوشیاں منائیں ۔ او ریہ سمجھ لیا کہ اب حضرت کی کسی بات کو فروغ نہ ہوگا چنانچہ اس روایت سے ظاہر ہے<o:p></o:p>  ﴿واخرج ابن ابی شیبۃ واحمد والنسائی والبزار والطبرانی وابن مردویہ وابونعیم فی الدلائل وال۔ضیاء فی المختار وابن عساکر بسند صحیح عن ابن عباس رضی اللہ عنھما قال قال رسول اللہ صلی اللہ علیہ وسلم لما کان لیلۃ اسری بی فاصبحت فی مکۃ قطعت وعرفت ان الناس مکذبی فقعدت معتزلا حزینا فمربہٖ عدواللہ ابو جھل فجاء حتی جلس الیہ فقال لہ کالمستھزیٔ ھل کان من شئی قال نعم قال وما ھو قال انی أسری بی اللیلۃ قال الی این قال الی بیت المقدس قال ثم اصبحت بین ظہر انینا قال نعم فلم یردان یکذبہ مخافۃ ان یجحدہ الحدیث ان دعاقومہ الیہ قال ارأیت ان دعوت قومک اتحدثھم بما حدثتنی قال نعم قال ھیا معشربنی کعب بن لؤی فانقضت الیہ المجالس وجاء واحتی جلسوا الیھما قال حدث قومک بما حدثتنی فقال رسول اللہ صلی اللہ علیہ وسلم انی اسری بی اللیلۃ قالوا الی این ؟قال الی بیت المقدس قالوا ایلیا قال نعم قالوا ثم اصبحت بعد ظھر انینا قال نعم قال فمن بین مصفق و من بین واضع یدہ علی رأسہ متعجبا قالوا وتستطیع ان تنعت المسجد وفی القوم من سافرالیہ قال رسول اللہ صلی اللہ علیہ وسلم فذھبت انعت فمازلت انعت حتی التبس علی بعض النعت فجئی بالمسجد وانا انظر الیہ حتی وضع دون دار عقیل اوعقال وانا انظر الیہ فقال القوم اما النعت فواللہ لقد اصاب کذا فی الدرالمنثور(۵)﴾<o:p></o:p> یعنی رسول اللہ صلی اللہ علیہ وسلم نے فرمایا کہ جس رات میں بیت المقدس جاکر صبح مکہ میں آگیا مجھے یقین ہو ا کہ اس واقعہ میں لو گ میری تکذیب ضرور کریں گے اسی خیال میں میں ایک طرف غمگین بیٹھا تھا کہ دشمن خدا ابوجہل آکر میرے پاس بیٹھ گیا اور بطور استہزا پوچھا کیوں کیا کوئی نئی بات ہے، فرمایا ہاں کہا کیا ہے، فرمایا آج رات مجھے یہاں سے لے گئے تھے کہاکہاں، فرمایا بیت المقدس ، کہا پھر صبح ہم لوگوں میں موجود ہوگئے، فرمایا ہاں ،جب یہ سناتو اس خیال سے کہ کہیں لوگوں کے روبرو انکار نہ کرجائیں تکذیب نہیں کی اورکہا کیا یہ بات آپ لوگوں کے روبروبیان کرو گے ۔ فرمایا ہاں ، یہ سنتے ہی بآوازبلند پکار ااے گروہ بنی کعب بن لوی ، اور فوراًجوق درجوق لوگ وہاں ٹوٹ پڑے پھر حضرت سے کہا کہ جو آپ نے مجھ سے کہا تھا وہ ان لوگوں سے بھی کہئے ، فرمایا: آج رات مجھے یہاں سے لے گئے تھے لوگوں نے پوچھا کہاں، فرمایا بیت المقدس ، کہا کیا ایلیا، فرمایا ہاں کہا پھر صبح آپ ہم لوگوںمیں موجود ہوگئے فرمایا ہاں یہ سنتے ہی لوگوں کی یہ کیفیت ہوئی کہ کوئی تو تالیاں بجانے لگا کوئی تعجب سے سرپر ہاتھ رکھ لیا پھر انہوں نے کہا کیا آپ مسجد کا حال بیان کرسکتے ہیں اوران میں وہ لوگ بھی تھے جو بیت المقدس کا سفر کر چکے تھے حضرتﷺ فرماتے ہیں کہ میں مسجد کا حال بیان کرنے لگا یہاں تک کہ بعض علامتوں میں کچھ اشتباہ ساہوگیا ، ساتھ ہی مسجد میرے سامنے دار عقیل کے درے رکھی گئی جس کو میں دیکھ کربیان کرنے لگا ان لوگوں نے جب پوری علامتیں سن لیں توبے ساختہ کہہ اٹھے کہ واللہ سب علامتیں برابر بتلائیں ، انتہی۔یہاں چند امور قابل یادرکھنے کے ہیں ۱۔یہ حدیث صحاح اور مسندامام احمد اور مختار میں ہے او ربحسب تصریح محدثین ثابت ہے کہ ان کتابوں کی صحت میں کوئی کلام نہیں ۔ ۲۔حضرتﷺ کا یقین کرنا کہ لوگ اس واقعہ کی تکذیب کریں گے دلیل ہے اس بات پر کہ یہ واقعہ خواب کا نہیں کیونکہ خواب میں اکثر عجیب وغریب خلاف عقل واقعات دیکھے جاتے ہیں مگر کسی کو یہ فکر نہیں ہوتی کہ لوگ سن کر اس کی تکذیب کریں گے۔ ۳۔حضرتﷺ بجائے اس کے کہ اس واقعہ معراج شریف سے شاداں وفرحاں رہتے بیان کرنے کے پہلے نہایت غمگین رہے اس وجہ سے کہ کفار اس خلاف عقل واقعہ کی ضرور تکذیب کریں گے ۔ یہاں یہ سوال پیدا ہوتا ہے کہ جب یہی خیال تھا توبیان کرنے کی ضرورت ہی کیا تھی اور اگر ضروری تھا توصرف راسخ الاعتقاد چند مسلمانوں سے بطور راز کہا جاتا بخلاف اس کے ام ہانی رضی اللہ عنہا نے کفار کے روبرو بیان کرنے سے بہت روکا اور خود حضرتﷺ کو بھی کمال درجہ کی فکردامن گیر تھی یہاں تک حزین وغمگین بہت دیر تک بیٹھے رہے ، مگر آخر بیان کرنا پڑا ، ان امور میں غور کرنے سے یہ بات ثابت ہوتی ہے کہ حضرتﷺ اس واقعہ کے بیان کرنے پر من جانب اللہ مامور اور مکلف تھے ، اگرچہ اصل مقصود عجائب قدرت حضرتﷺ کو دکھلانا تھا ۔ مگر اس کے بعد اس مسئلہ کی حیثیت ہی کچھ دوسری ہوگئی ، اور ایک دینی مسئلہ ٹھیر گیا پہلے حضرتﷺ مامور ہوئے کہ کفار اور مسلمانوں میں اس کا اعلان کردیں پھر قرآن شریف میں اس کا ذکر فرما کر قیامت تک کے آنے والوں کو اس کی اطلاع دی گئی ، او رمنجملہ ان مسائل کے ٹھیر ا یاگیا جن پر ایمان لانا ضروری ہے گو خلاف عقل ہوں جیسے مسائل بعث ونشر ومقدورات الہی وغیرہ ، چنانچہ ارشاد ہے <o:p></o:p> قولہ تعالیٰ ﴿سُبْحَانَ الَّذِیْ اَسْرٰی بِعَبْدِہٖ لَیلا مِّنَ الْمَسْجِدِ الْحَرَامِ اِلٰی الْمَسْجِدِ الْاَقْصٰی اَلَّذِیْ بَارَکْنَا حَوْلَہٗ لِنُرِیہٗ مِنْ اٰےیٰتِنَا الایۃ(۶) ﴾<o:p></o:p> یعنی وہ خداپاک ہے جو اپنے بندے محمد مصطفی صلی اللہ علیہ وسلم کو راتوں رات مسجد حرام یعنی خانہ کعبہ سے مسجد اقصی یعنی بیت المقدس لے گیا، جسکے اردگردہم نے برکتیں دیں، اور اس لے جانے سے مقصود یہ تھا کہ ہم ان کو اپنی قدرت کے چندنمونے معائنہ کرائیں ۔ انتہی۔ او راس واقعہ کے بعض اغراض اس طرح بیان کئے<o:p></o:p>  قولہ تعالی ﴿وَمَا جَعَلْنَا الرُّؤیاالَّتِیْ اَرَینٰکَ اِلَّافِتْنَۃً لِّلنَّاسْ﴾<o:p></o:p> (۷) یعنی یہ جو تم کو دکھا یاگیا، اے محمدصلی اللہ علیہ وسلم اس واسطے تھا کہ لوگو ں کی آزمائش ہوجائے چنانچہ آزمائش اور فتنہ کا حال بھی ابھی معلوم ہوگیا کہ بعض مسلما ن کا فرومرتد ہوگئے اور کافروں کا کفر وانکار اور بڑھ گیا۔ ۴۔کفارنے جب پوچھا کہ کیا آپ رات بیت المقدس کو جاکر صبح ہم میں موجود ہو گئے تو آپ نے اس کی تصدیق کی اس سے صاف ظاہر ہے کہ جسم کے ساتھ حالت بیداری میں تشریف لے گئے تھے ورنہ جواب میں فرماتے کہ یہ واقعہ تو خواب کا تھا میں جسم کے ساتھ یہاں سے گیا ہی کب تھا ، جو پوچھا جاتا ہے کہ ﴿ثُمَّ اَصْبَحْتُ بَینَ ظَھْرَانَینَا﴾یعنی صبح یہاں موجودہوگئے۔ معراج حالت بیداری میں ہوئی ۵۔ ایسے موقع میں تالیاں بجانا اپنی کامیابی اور خصم کی ذلت کی علامت ہے اور کامیابی اپنی وہ اسی میں سمجھتے تھے کہ جھوٹ ثابت کریں اور ظاہر ہے کہ خلاف عقل خواب سننے سے یہ جوش طبائع میں ہر گزنہیں پیداہوتا۔ اس میں توہین مقصود ہوتو زیادہ یہ کہا جاتاہے کہ یہ اضغاث احلام یعنی پر یشان خواب ہیں جو قابل اعتبار نہیں ہوسکتے ۔ حالانکہ کسی روایت سے یہ ثابت نہ کیا جائے گا کہ کسی مخالف نے واقعہ کو سن کر پر یشان خواب کہاہو۔ ۶۔مقامی علامتیں بطورامتحان دریافت کرنا خواب کے واقعہ میں نہیں ہواکرتا۔ اس لئے کہ خواب کے بیان کرنے والے کو یہ دعوے ہی نہیں ہوتاکہ جو دیکھا ہے وہ واقعہ کے مطابق ہے ۔ اسی وجہ سے اس میں تعبیر کی ضرورت ہوتی ہے اگریہ ذہن نشین کرایا جاتا کہ یہ واقعہ خواب میں دیکھا گیا ہے تونہ ان کو علامات پوچھنے کا موقع ملتا نہ حضرتﷺ کو جواب دینے کی ضرورت ہوتی اور نہ فکر وکرب طبع غیورکولاحق ہوتی۔ ۷۔امتحان کے وقت نقشہ مسجد کا پیش نظر ہونے سے ظاہر ہے کہ کشف اس موقع میں ہوا تھا جس کی تصریح فرمادی اگر پورا واقعہ کشفی ہوتا تو اسی طرح صراحتاً فرمادیتے کہ رات بیت المقدس وغیرہ میرے پیش نظرہوگئے تھے۔ الحاصل حدیث موصوف میں غور کرنے سے یہ بات یقینی طور پر ثابت ہوتی ہے کہ یہ واقعہ حالت بیداری میں ہواہے۔ کفارنے جب حضرتﷺ سے یہ واقعہ سنا توان کو یقین ہوگیا کہ یہ خبر ایسی کھلی جھوٹ ہے کہ جو سنے گا عقل میں نہ آنے کی وجہ سے اس کی تکذیب کردے گا۔ اس لئے انہوں نے پہلے یہ خیال کیا کہ حضرت صدیق اکبر رضی اللہ تعالی عنہ کو فتنہ میں ڈالیں ۔ جب نعوذ باللہ وہ حضرتﷺ سے پھر جائینگے تو پھر کوئی حضرتﷺ کی رفاقت نہ دے گا اس لئے فوراً وہ صدیق اکبر رضی اللہ عنہ کے مکان پر پہونچے، اور کہا کہ لیجئے آپ کے رفیق اب یہ دعویٰ کرتے ہیں کہ آج رات بیت المقدس جاکر آگئے ۔ کیا اس کی بھی تصدیق کی جائیگی ۔ مگروہاں شان صدیقی جلوہ گرتھی ، ایسے بادہوائی شبہات سے کب جنبش ہو سکتی تھی ۔ آپ نے فرمایا اس کی تصدیق میں کوئی تامل نہیں بشر طیکہ حضرتﷺ نے فرمایا ہو، جیسا کہ اس حدیث شریف سے ظاہر ہے ۔<o:p></o:p>  واخرج الحاکم وصححہ وابن مردویہ والبیھقی فی الدلائل عن عائشۃ رضی اللہ عنہا قالت لما اسری بالنبی صلی اللہ علیہ وسلم الی المسجد الاقصی اصبح یحدث الناس بذلک فارتد نا س ممن کانوا امنوابہ وصدقوہ وسعوا بذلک الی ابی بکر فقالوا ہل لک فی صاحبک یزعم انہ اسری بہ اللیلۃ الی بیت المقدس قال او قال ذلک قالوا نعم قال لئن قال ذلک لقد صدق قالو فتصدق انہ ذھب اللیلۃ الی بیت المقدس وجاء قبل الصبح قال نعم انی لأصدقہ بما ہو ابعد من ذلک اصدقہ بخبر السماء فی غدوۃ اوروحۃ فلذ لک سمی ابا بکر الصدیق ، کذافی الدر المنثور(۸):۔<o:p></o:p> یعنی عائشہ رضی اللہ عنہا فرماتی ہیں کہ جس رات نبی صلی اللہ علیہ وسلم بیت المقدس جاکر واپس تشریف لائے اس کی صبح وہ واقعہ لوگوں سے بیان فرمایا، جس سے بہت لوگ جو حضرتﷺ پر ایمان لا کر ہر طرح کی تصدیق کرچکے تھے مرتد ہوگئے پھر کفار ابوبکر رضی اللہ عنہ کے پاس آکر کہنے لگے کہ کیا اب بھی آپ اپنے رفیق یعنی آنحضرت صلی اللہ علیہ وسلم کی تصدیق کروگے ۔ لیجئے وہ تویہ کہہ رہے ہیں کہ آج رات وہ بیت المقدس جاکر آگئے کہا: کیا حضرت نے یہ فرمایا ، کہا ہاں ، کہا اگر فرمایا ہے تو یقینا سچ ہے ، کہا کیا تم اس کی تصدیق کرتے ہو کہ وہ رات بیت المقدس تک گئے اور صبح سے پہلے واپس آگئے ، فرمایا ہا ں میں تو بیت المقدس سے دور کی باتوں کی تصدیق کرتا ہو ں یعنی جو صبح وشام آسمان کی خبر یں بیان فرماتے ہیں ان کو صحیح جانتاہوں ، عائشہ رضی اللہ عنہا فرماتی ہیں کہ اسی وجہ سے ان کا نام صدیق رکھا گیا۔

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Scholarly Articles

معراج النبی صلی اللہ علیہ وسلم

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Scholarly Articles

&#1605;&#1593;&#1585;&#1575;&#1580; &#1575;&#1604;&#1606;&#1576;&#1740; &#1589;&#1604;&#1740; &#1575;&#1604;&#1604;&#1729; &#1593;&#1604;&#1740;&#1729; &#1608;&#1587;&#1604;&#1605;

معراج النبی صلی اللہ علیہ وسلم