علم 'فضیلت واہمیت

تعلیم ہر بلندی کا زینہ اور ہر ترقی کا ذریعہ ہے ،ہر دور میں وہی قوم اور وہی جماعت کامیاب رہی جس نے اپنے آپ کو تعلیم سے وابستہ رکھا ،درحقیقت ظاہری ترقی اور باطنی عروج علم ہی سے متعلق ہے۔تعلیم سے خود علم حاصل کرنے والا ترقی کرتا ہے اور معاشرہ کے لئے بھی ترقی کی راہیں کھلتی ہیں۔ تعلیم کے ذریعہ انسان ترقی و عروج کی منزلیں طئے کرتاہوا اوجِ ثریا پر پہنچتا ہے تعلیم کے ذریعہ ہر میدان میں شہسواری کرتا ہے ہوائی جہاز و راکٹ کی ظاہری پرواز بھی تعلیم کے بغیر نہیں ہوسکتی اور روحانی و حقیقی پرواز کے لئے بھی تعلیم ضروری ہے ،تعلیم انبیاء کرام علیہم الصلوٰۃ والسلام کی میراث اور ان کا پیغام ہے ،تعلیم ایک ایسا انقلاب ہے جس کے ذریعہ افراد اور اقوام کی تقدیر سنورتی ہے، تعلیم کی وجہ سے تہذیب و تمدن کا وجود ہے ،اس کے ذریعہ طبیعت شائستہ ہوتی ہے، جذبات واحساسات پاکیزہ ہوتے ہیں اور مزاج سنجیدہ ہوتا ہے ،اُسی کے اثر سے ابلیسی قوتیں، شیطانی طاقتیں اور طاغوتی خیالات نیست ونابود ہوتے ہیں۔ <o:p></o:p>        دین اسلام نے دینی اور عصری تمام قسم کے علوم حاصل کرنے کی حد درجہ تاکید فرمائی ہے، اسلام علم کی راہ میں کسی ایک مقام پر رکے رہنے کی اجازت نہیں دیتا بلکہ لمحہ بہ لمحہ اس میں ازدیاد و اضافہ چاہنے کا حکم دیتا ہے۔ چنانچہ اللہ تعالی نے علم میں اضافہ و ترقیٔ مزید کی دعا کرنے کا حکم فرمایا:<o:p></o:p> <o:p></o:p>  وَقُلْ رَبِّ زِدْنِی عِلْمًا ۔<o:p></o:p> <o:p></o:p>      ترجمہ:اور آپ عرض کیجئے:ائے میرے پروردگار! میرے علم میں اضافہ فرما۔<o:p></o:p> <o:p></o:p>       (سورۃ طٰہٰ۔ 114) <o:p></o:p> <o:p></o:p> پہلی وحی‘تحصیل علم سے متعلق<o:p></o:p> <o:p></o:p>      دین اسلام میں تعلیم کونہایت درجہ اہمیت دی گئی ہے،سب سے پہلی وحی علم حاصل کرنے سے متعلق نازل ہوئی،ارشادالٰہی ہے :<o:p></o:p> <o:p></o:p>   اقْرَأْ بِاسْمِ رَبِّکَ  الَّذِی خَلَقَ  <o:p></o:p> <o:p></o:p> <o:p> </o:p> <o:p> </o:p> ترجمہ: پڑھئے اپنے رب کے نام سے جس نے پیدا کیا۔ <o:p></o:p> <o:p></o:p>      (سورۃ العلق ۔1) <o:p></o:p> <o:p></o:p>        اس آیت کریمہ پر غور فرمائیں!یہاں پڑھنے کا تو حکم ہے لیکن کیا پڑھا جائے اس کا متعین طور پر ذکر نہیں فرمایا اسی طرح پیدا کرنے کا تو ذکر ہے لیکن کس کو پیدا کیا  اس پہلی آیت میں اس کی تصریح نہیں فرمائی۔ نہ ’’اِقْرَأ‘‘ کا مفعول مذکور ہے اورنہ ’’خَلَقَ‘‘ کا مفعول مذکور ،اس اسلوب کلام سے اس حقیقت کی طرف اشارہ کرنا مقصود ہے کہ اللہ تعالیٰ ہی ارض و سماء ،شمس و قمر ،کواکب وانجم ،کل کائنات کا خالق ہے۔ لہٰذا علم و قراء ت تحقیق وریسرچ کا موضوع بھی کائنات پست و بالا کی ہر ہر شیء کو بنایا جائے گویا انسان کو یہ اشارہ دے دیا گیا کہ وہ طلب علم کی راہ میں ہر موضوع پر دسترس حاصل کرنے کی سعی مسلسل کرتا رہے تاکہ معرفت خداوندی کی نعمت لازوال سے بہرہ مند ہوسکے ،محض اشیاء و آثار میں کھوکر خالق و مالک سے غافل نہ ہوجائے، بقول شاعر  <o:p></o:p> <o:p></o:p> ڈھونڈنے والا ستاروں کی گزر گاہوں کا<o:p></o:p> اپنے افکار کی دنیا میں سفر کر نہ سکا <o:p></o:p> <o:p></o:p>   جس نے سورج کی شعاعوں کو گرفتار کیا<o:p></o:p> زندگی کی شب تاریک سحر کر نہ سکا<o:p></o:p> <o:p></o:p> قرآن کریم سیکھنے کی فضیلت<o:p></o:p> <o:p></o:p>      قرآن کریم وہ مقدس کتاب ہے جسے اللہ تعالی نے اپنے حبیب کریم صلی اللہ علیہ والہ وسلم کے قلب اطہر پر نازل فرمایا،جس کی ہر آیت اور ہر حرف میں مخلوق کے لئے ہدایت ہے،اس کلام مبارک کے ہر حرف کی تلاوت پر دس دس نیکیوں کی بشارت دی گئی،نیز سب سے بہتر شخص اسی کو قرار دیا گیا جو قرآن کریم سیکھے اور دوسروں کو سکھائے،جیساکہ صحیح بخاری میں حدیث شریف ہے:<o:p></o:p> <o:p></o:p>        عَنْ عُثْمَانَ رَضِی اللہُ عَنْہُ  عَنِ  النَّبِیِّ صَلَّی اللہُ عَلَیْہِ وَسَلَّمَ  قَالَ : خَیْرُکُمْ مَنْ تَعَلَّمَ الْقُرْآنَ وَعَلَّمَہُ   <o:p></o:p> <o:p></o:p>      ترجمہ:حضرت عثمان رضی اللہ تعالی عنہ حضرت نبی اکرم صلی اللہ علیہ والہ وسلم سے روایت کرتے ہیں کہ آپ نے ارشاد فرمایا:تم میں بہترین شخص وہ ہے جو قرآن کریم سیکھے اور دوسروں کو سکھائے۔ <o:p></o:p> <o:p></o:p>      (صحیح البخاری،کتاب فضائل القرآن ،باب خیرکم من تعلم القرآن وعلمہ . حدیث نمبر5027)<o:p></o:p> <o:p></o:p>      قرآن کریم سیکھنے اور سکھانے کی برکت صرف دنیا کی حد تک محدود نہیں بلکہ آخرت میں بھی بندہ اس کی برکت سے مالامال کیا جاتا ہے،قبر میں بھی اس کے ساتھ عزت واکرام کا معاملہ کیا جاتاہے ،جیساکہ حدیث شریف میں وارد ہے:<o:p></o:p> <o:p></o:p>         عَنْ أَبِیْ ہُرَیْرَۃَ قَالَ قَالَ لِیْ  رَسُوْلُ اللہِ صَلَّی اللہُ عَلَیْہِ   وَسَلَّمَ:یَا أَبَا ہُرَیْرَۃَ عَلِّمِ النَّاسَ الْقُرْانَ وَتَعَلَمّْہُ فَإِنَّکَ اِنْ مُتَّ   وَأَنْتَ کَذَلِکَ زَارَتِ الْمَلَائِکَۃُ قَبْرَکَ کَمَا یُزَارُ   الْبَیْتُ الْعَتِیْقْ۔<o:p></o:p> <o:p></o:p>      ترجمہ:حضرت ابو ہریرہ رضی اللہ تعالی عنہ سے روایت  ہے،آپ نے فرمایا کہ حضرت رسول اللہ صلی اللہ علیہ والہ وسلم نے  مجھ سے ارشاد فرمایا:اے ابو ہریرہ!لوگوں کو قرآن سکھاتے رہو اور سیکھتے رہو،کیونکہ اسی حال میں اگر تمہیں موت آجائے تو فرشتے تمہاری قبر کی اس طرح زیارت کریں گے جیسے کعبۃ اللہ شریف کی زیارت کی جاتی ہے۔ <o:p></o:p> <o:p></o:p>      (جامع الاحادیث للسیوطی،مسند أبی ہریرۃ،حدیث نمبر: 4265۔کنز العمال فی سنن الأقوال والأفعال ،حرف العین کتاب العلم من قسم الأفعال،باب فی فضلہ والتحریض علیہ،حدیث نمبر:29377)<o:p></o:p> <o:p></o:p> حافظ قرآن کی فضیلت<o:p></o:p> <o:p></o:p>      حافظ قرآن کے فضائل میں کئی ایک احادیث شریفہ وارد ہیں دسویں صدی ہجری کے محدث جلیل علامہ علی متقی ہندی رحمۃ اللہ علیہ نے اپنی معروف کتاب ’’کنزل العمال ‘‘میں حافظ قرآن کی فضیلت سے متعلق متعدد احادیث وروایات نقل کی ہیں:<o:p></o:p> <o:p></o:p>        حامل القرآن حامل رایۃ الإسلام ومن اکرمہ فقد اکرم اللہ ومن اہانہ علیہ لعنۃ اللہ۔ (فر عن ابی امامۃ)۔<o:p></o:p> <o:p></o:p>      ترجمہ:حافظ قرآن اسلام کے جھنڈے کو اٹھانے والا ہے اور جس شخص نے اس کی تعظیم کی یقینا اس نے اللہ تعالیٰ کی تعظیم کی اور جس نے اس کی توہین کی اس پر اللہ تعالیٰ کی لعنت ہے۔ <o:p></o:p> <o:p></o:p>      (کنز العمال الباب السابع: فی تلاوۃ القرآن وفضائلہ الفصل الاول: فی فضائلہ فی فضائل تلاوۃ القرآن حدیث نمبر:2294)<o:p></o:p> <o:p></o:p>      نیزمسند امام احمد میں حدیث پاک ہے :<o:p></o:p> <o:p></o:p>         حَدَّثَنَا عَبْدُ الرَّحْمَنِ عَنْ  سُفْیَانَ عَنْ عَاصِمٍ عَنْ زِرٍّ عَنْ عَبْدِ اللَّہِ بْنِ عَمْرٍو عَنْ النَّبِیِّ  صَلَّی اللَّہُ عَلَیْہِ وَسَلَّمَ قَالَ  یُقَالُ لِصَاحِبِ الْقُرْآنِ اقْرَاْ  وَارْقَ وَرَتِّلْ کَمَا کُنْتَ تُرَتِّلُ  فِی الدُّنْیَا فَإِنَّ مَنْزِلَتَکَ عِنْدَ  آخِرِ آیَۃٍ تَقْرَؤُہَا۔<o:p></o:p> <o:p></o:p>      ترجمہ:سیدنا عبداللہ بن عمرو رضی اللہ عنہما حضرت نبی  اکرم صلی اللہ علیہ والہ وسلم سے روایت کرتے ہیں آپ صلی اللہ علیہ وسلم نے ارشاد فرمایا: حافظ قرآن سے کہا جائے گا: قرآن کریم پڑھتا جا اور درجہ بہ درجہ چڑھتا جا اور ترتیل کے ساتھ تلاوت کر جس طرح تو دنیا میں تلاوت کرتا تھا کیونکہ تیرا مقام آخری آیت کے پاس ہے جس کو تو پڑھے گا۔ <o:p></o:p> <o:p></o:p>      (مسند الامام احمد،حدیث نمبر، 6508)<o:p></o:p> <o:p></o:p> تجھے کتاب سے ممکن نہیں فراغ کہ تو<o:p></o:p> <o:p></o:p> کتاب خواں ہے مگر صاحب کتاب نہیں<o:p></o:p> <o:p></o:p>                            (علامہ اقبال ؔ)<o:p></o:p> <o:p></o:p> علم حدیث حاصل کرنے کی برکت<o:p></o:p> <o:p></o:p>       قرآن کریم اورحدیث شریف قانون اسلام کی بنیاد و اساس ہیں، قرآن کریم ایک جامع قانون اور دستور الہی ہے،جس کی تفصیل ،تشریح وتوضیح احادیث مبارکہ کے ذریعہ ملتی ہے ، قرآن کریم میں نماز قائم کرنے اور زکوۃ ادا کرنے کا حکم ہے ، روزوں کی فرضیت کا ذکر ہے ،حج کا حکم دیا گیا ہے لیکن واضح طور پر نمازوں کی تعداد و اوقات ،رکعتوں کا تعین ،زکوۃ کے نصاب کی مقدار ،روزے کے مستحبات ومباحات‘ مکروہات ومفسدات نیز مناسک حج وعمرہ بیان نہیں کئے گئے بلکہ یہ ساری تفصیلات اللہ تعالی نے اپنے حبیب اکرم صلی اللہ علیہ وسلم کے حوالہ فرمادی۔<o:p></o:p> <o:p></o:p>      آپ کے فرامین وارشادات قانون کی حیثیت رکھتے ہیں،آپ کا ہر قول وفعل شریعت کا درجہ رکھتا ہے،حدیث شریف کی خدمت کرنے والوں کے حق میں حضور اکرم صلی اللہ علیہ والہ وسلم نے خصوصی دعا فرمائی جیساکہ سنن ابن ماجہ میں حدیث شریف ہے:<o:p></o:p> <o:p></o:p>   عَنْ عَبْدِ الرَّحْمَنِ بْنِ عَبْدِ اللَّہِ عَنْ أَبِیہِ أَنَّ النَّبِیَّ صَلَّی اللہُ عَلَیْہِ وَسَلَّمَ قَالَ نَضَّرَ اللَّہُ امْرَأً سَمِعَ مِنَّا حَدِیثًا فَبَلَّغَہُ۔<o:p></o:p> <o:p></o:p>       ترجمہ:حضرت عبد الرحمن بن عبد اللہ رضی اللہ تعالی عنہما سے روایت ہے،وہ اپنے والد سے روایت کرتے ہیں کہ حضرت نبی اکرم صلی اللہ علیہ والہ وسلم نے ارشاد فرمایا:اللہ تعالی خوش حال رکھے اس شخص کو جو ہماری کوئی حدیث سنے اور اسے دوسروں تک پہنچادے۔<o:p></o:p> <o:p></o:p>       (سنن ابن ماجہ،مقدمۃ،باب من بلغ علما،حدیث نمبر238)<o:p></o:p> <o:p></o:p>      خدمت حدیث میں مشغول رہنے والے حضرات کو یہ خصوصی شرف حاصل ہے کہ حضور اکرم صلی اللہ علیہ والہ وسلم نے انہیں اپنا خلیفہ وجانشین قرار دیا ہے جیساکہ حدیث شریف میں وارد ہے:<o:p></o:p> <o:p></o:p>  عَنْ عَلِیٍّ قَالَ: خَرَجَ عَلَیْنَا  رَسُوْلُ اللہِ صَلَّی اللہُ عَلَیْہِ  وَسَلَّمَ فَقَالَ: "اَللَّہُمَّ ارْحَمْ  خُلَفَائِیْ ثَلَاثَ مَرَّاتٍ قِیْلَ یَا  رَسُوْلَ اللہِ: وَمَنْ خُلَفَاؤُکَ؟  قَالَ: اَلَّذِیْنَ یَأتُوْنَ مِنْ بَعْدِیْ  وَیَرْوُوْنَ أَحَادِیْثِیْ وَیُعَلِّمُوْنَہَا  النَّاسْ " . "طس۔ <o:p></o:p> <o:p></o:p>      ترجمہ:سیدنا علی مرتضی رضی اللہ تعالی عنہ سے روایت ہے،آپ نے فرمایا کہ حضرت رسول اللہ صلی اللہ علیہ والہ وسلم ہم میں جلوہ گر ہوئے اور آپ نے تین مرتبہ فرمایا: ائے اللہ!میرے جانشینوں پر رحم فرما!صحابہ کرام نے عرض کیا :یارسول اللہ صلی اللہ علیہ وسلم! آپ کے جانشین وخلفاء کون ہیں؟حضور اکرم صلی اللہ علیہ وسلم نے ارشاد فرمایا:میرے جانشین وہ ہیں جو میرے بعد آئینگے اور میری احادیث کی روایت کرینگے اور لوگوں کو اس سے روشناس کرائینگے۔<o:p></o:p> <o:p></o:p>      (کنز العمال ، کتاب العلم باب فی آداب العلم والعلماء ،حدیث نمبر:29488)<o:p></o:p> <o:p></o:p> چالیس احادیث یاد کرنے پر شفاعت کی بشارت <o:p></o:p> <o:p></o:p>      حضرت نبی اکرم صلی اللہ علیہ وسلم نے چالیس احادیث یاد کرنے والے شخص کے لئے خصوصی بشارت عطا فرمائی ہے ‘ جیساکہ امام جلال الدین سیوطی رحمۃ اللہ تعالی علیہ نے روایت نقل کی ہے:<o:p></o:p> <o:p></o:p>      من حفظ علی أمتی أربعین حدیثًا من السنۃ کنت لہ شفیعًا وشہیدًا یوم القیامۃ (ابن عدی ، وابن النجار ، والرافعی عن ابن عباس . ابن الجوزی فی العلل عن ابن عمر)<o:p></o:p> <o:p></o:p>      ترجمہ:سیدنا عبد اللہ بن عباس رضی اللہ تعالی عنہما سے روایت  کہ حضرت رسول اللہ صلی اللہ علیہ والہ وسلم نے ارشاد فرمایا:میری امت کا جو فرد میرے معمولات میں سے چالیس حدیثیں یادکر ے تو بروز قیامت میں اس کی شفاعت کرنے والا اور اللہ تعالی کے دربار میں اس کے ایمان کی گواہی دینے والا رہوں گا۔<o:p></o:p>        (جامع الأحادیث للسیوطی،حرف المیم،حدیث نمبر22048)<o:p></o:p> <o:p></o:p>      اسی طرح کی ایک اور روایت امام بیہقی نے شعب الایمان میں نقل کی ہے:<o:p></o:p> <o:p></o:p>        عَنْ أَبِیْ ہُرَیْرَۃَ ، قَالَ : قَالَ رَسُوْلُ اللہِ صَلَّی اللہُ عَلَیْہِ وَسَلَّمَ : مَنْ حَفِظَ عَلَی أُمَّتِیْ أَرْبَعِیْنَ حَدِیْثًا فِیْمَا یَنْفَعُہُمْ مِنْ أَمْرِ دِیْنِہِمْ بُعِثَ یَوْمَ الْقِیَامَۃِ مِنَ الْعُلَمَاء، وَفَضْلُ الْعَالِمِ عَلَی الْعَابِدِ سَبْعِیْنَ دَرَجَۃً ، اَللہُ أَعْلَمُ بِمَا بَیْنَ کُلِّ دَرَجَتَیْنْ  . <o:p></o:p>       ترجمہ:حضرت ابو ہریرہ رضی اللہ تعالی عنہ سے روایت  ہے ،آپ نے فرمایا کہ حضرت رسول اللہ صلی اللہ علیہ والہ وسلم نے ارشاد فرمایا:میری امت کے جس شخص نے چالیس احادیث یاد کی جو انہیں ان کے دین کے معاملہ میں نفع دینے والی ہوں تو ایسا شخص قیامت کے دن علماء کے ساتھ اٹھایا جائے گا،اور عالم کی فضیلت عابد(عبادت کرنے والے)پر ستر درجہ زیادہ ہے،اللہ تعالی ہی بہتر جانتا ہے کہ ہر درجہ کے درمیان کتنی بلندی ہے۔<o:p></o:p> <o:p></o:p>      ( شعب الإیمان للبیھقی، السابع عشر من شعب الإیمان وہو باب فی طلب العلم حدیث نمبر1684)<o:p></o:p> <o:p></o:p> علم فقہ سیکھنے کی برکت<o:p></o:p> <o:p></o:p>      علم فقہ کوئی نیا علم نہیں ہے بلکہ قرآن وحدیث کے مجموعہ اور دین کی سمجھ بوجھ کا نام ہے،اس کی ہر مسلمان کو ضرورت ہے،اللہ تعالی کا ارشاد ہے:<o:p></o:p> <o:p></o:p> لِیَتَفَقَّہُوا فِی الدِّین۔<o:p></o:p> <o:p></o:p>  ترجمہ:چاہئے کہ وہ دین میں سمجھ بوجھ حاصل کریں۔<o:p></o:p> <o:p></o:p>      (سورۃ التوبۃ،122)<o:p></o:p> <o:p></o:p>      اللہ تعالی علم فقہ کی دولت سے انہی بندوں کو نوازتا ہے جن کے ساتھ اللہ تعالی خصوصی بھلائی کا ارادہ فرماتاہے،جیساکہ صحیح بخاری میں حدیث شریف ہے:<o:p></o:p> <o:p></o:p> مَنْ یُرِدِ اللَّہُ بِہِ خَیْرًا یُفَقِّہْہُ فِی الدِّینِ ، وَإِنَّمَا أَنَا قَاسِمٌ وَاللَّہُ یُعْطِی۔ <o:p></o:p> <o:p></o:p> ترجمہ:حضور اکرم صلی اللہ علیہ والہ وسلم نے ارشاد فرمایا:اللہ تعالی جس شخص کے ساتھ خیر وبھلائی کا ارادہ فرماتا ہے اسے دین میں سمجھ بوجھ عطا فرماتا ہے،اور اس کے سوا نہیں کہ میں ہی تقسیم کرنے والا ہوں اور اللہ تعالی عطا فرماتا ہے۔<o:p></o:p> <o:p></o:p>        (صحیح البخاری،کتاب العلم،باب من یرد اللہ بہ خیرا یفقہہ فی الدین،حدیث نمبر71)<o:p></o:p> <o:p></o:p> امام اعظم اور طلب علم کا اشتیاق<o:p></o:p> <o:p></o:p>      آج علم حاصل کرنے کے لئے ہمیں کافی سہولتیں میسرآئی  ہیں،کتابیں طبع شدہ ہیں،مدارس وجامعات قائم ہیں،اس کے برخلاف گزشتہ صدیوں میں اتنی سہولتیںاورآسانیاں نہیں تھیں،تحصیل علم کے لئے ایک ملک سے دوسرے ملک کا سفر کیاجاتا تھا،اگر کسی کو معلوم ہوجاتا کہ فلاں صاحب کے پاس حدیث شریف ہے تو مہینوں سفر کی صعوبتیں برداشت کرکے اسے حاصل کرتے۔<o:p></o:p> <o:p></o:p>      امام اعظم ابو حنیفہ رحمۃ اللہ تعالی علیہ سولہ سال کی عمر میں اپنے والد محترم کے ساتھ حج بیت اللہ کے لئے گئے،وہاں آپ نے ایک صحابی کو دیکھا کہ وہ حدیث شریف بیان فرمارہے ہیں،تو آپ نے فوراً اپنے والد محترم سے درخواست کی کہ آپ کو ان کی خدمت میں پیش کریں،کثیر مجمع کے باوجود امام اعظم رحمۃ اللہ تعالی علیہ حصول علم اور صحابی جلیل کے چہرۂ مبارک کے دیدار کے اشتیاق میں آگے بڑھے اور ان کی خدمت میں حاضر ہوکر براہ راست ان سے حدیث شریف سننے کی سعادت حاصل کی جیسا کہ مسند ابو حنیفہ میں روایت ہے :<o:p></o:p> <o:p></o:p>        عن أبی یوسف قال : سمعت أبا حنیفۃ رحمہ اللہ یقول : حججت مع أبی سنۃ ثلاث وتسعین ولی ست عشرۃ سنۃ فإذا شیخ قد اجتمع الناس علیہ  فقلت لأبی : من ہذا الشیخ ؟ فقال : ہذا رجل قد صحب النبی صلی اللہ علیہ وسلم یقال لہ عبد اللہ بن الحارث بن جزء ، فقلت لأبی : فأی شیء عندہ ؟ قال : أحادیث سمعہا من رسول اللہ صلی اللہ علیہ وسلم فقلت لأبی : قدمنی إلیہ حتی أسمع منہ، فتقدم بین یدی وجعل یفرج الناس حتی دنوت منہ فسمعتہ یقول : قال رسول اللہ صلی اللہ علیہ وسلم : من تفقہ فی دین اللہ کفاہ اللہ ہمہ ورزقہ من حیث لا یحتسب  قال أبو عمر : ذکر محمد بن سعد کاتب الواقدی أن أبا حنیفۃ رأی أنس بن مالک ، وعبد اللہ بن الحارث بن جزء الزبیدی  ۔<o:p></o:p> <o:p></o:p>       ترجمہ:امام ابو یوسف رحمۃ اللہ تعالی علیہ سے روایت ہے ،آپ نے فرمایا کہ میں حضرت امام اعظم ابو حنیفہ رحمۃ اللہ تعالی علیہ کو فرماتے ہوئے سنا:میں نے سنہ  ترانوے"93 "ھ میں اپنے والد کے ساتھ حج کی سعادت حاصل کی اور اس وقت میری عمر سولہ" 16 "سال تھی،میں نے کیا دیکھا کہ ایک بزرگ شخصیت تشریف فرما ہیں ، جن کے اردگرد لوگ حاضر ہیں ،یہ دیکھ کر میں نے اپنے والد محترم سے عرض کیا کہ یہ بزرگ صاحب کون ہیں؟انہوں نے فرمایا:یہ وہ مرد مؤمن ہیں جنہوں نے حضرت نبی اکرم صلی اللہ علیہ والہ وسلم کی صحبت کا شرف پایا ہے،انہیں "عبد اللہ بن حارث بن جزء رضی اللہ تعالی عنہ"کہا جاتا ہے۔تو میں نے اپنے والد سے کہا:ان کے پاس کیا ذخیرہ ہے؟انہوں نے فرمایا:ان کے پاس وہ احادیث ہیں جن کو انہوں نے خود حضور اکرم صلی اللہ علیہ والہ وسلم سے سنا ہے،تو میں نے اپنے والد بزرگوار سے عرض کیا:مجھے ان کی خدمت میں پیش کیجئے تاکہ میں ان سے کچھ سنوں،تووہ آگے بڑھے اور لوگوں کے درمیان راستہ بنانے لگے یہاں تک کہ میں ان سے قریب ہوگیا اور میں نے ان کو فرماتے ہوئے سنا:"حضرت رسول اللہ صلی اللہ علیہ والہ وسلم نے ارشاد فرمایا:جو شخص دین میں سمجھ حاصل کرے تو اللہ تعالی اس کی فکرومصیبت کو دور کردیتاہے اور اس کو ایسے مقام سے رزق عطافرماتا ہے جہاں سے وہ گمان بھی نہیں کرتا ہے"حضرت ابو عمر رحمۃ اللہ تعالی علیہ فرماتے ہیں:حضرت محمد بن سعد رحمۃ اللہ تعالی علیہ جو امام واقدی کے کاتب ہیں انہوں نے بیان کیا ہے کہ بیشک امام ابو حنیفہ رحمۃ اللہ تعالی علیہ نے حضرت انس بن مالک رضی اللہ عنہ اور حضرت عبد اللہ بن حارث بن جز زبیدی رضی اللہ عنہ کو دیکھا ہے۔ <o:p></o:p> <o:p></o:p>      (مسند أبی حنیفۃ،روایتہ عن عبد اللہ بن الحارث بن جزء الزبیدی ،حدیث نمبر1)<o:p></o:p> <o:p></o:p> فضیلت علم پر مشتمل جامع فرمان عالی شان<o:p></o:p> <o:p></o:p>      حضور اکرم صلی اللہ علیہ والہ وسلم نے اپنے فرامین عالیہ کے ذریعہ بے شمار مقامات پر علم کی فضیلت کو اجاگر فرمایا،ایک روایت میں آپ نے علم کے تقریبا پینتیس "35" فوائد بیان فرمائے ہیں،آپ کا وہ فرمان عالی شان ملاحظہ ہو :<o:p></o:p> <o:p></o:p>  وَقَالَ صَلَّی اللهُ عَلَيْهِ وَسَلَّمَ: تَعَلَّمُوْا الْعِلْمَ فَإِنَّ تَعَلُّمَهُ لِلّهِ حَسَنَةٌ وَطَلَبَهُ عِبَادَةٌ وَمُذَاکَرَتَهُ تَسْبِيْحٌ وَالْبَحْثَ عَنْهُ جِهَادٌ وَتَعْلِيْمَهُ لِمَنْ لَّا يَعْلَمُهُ صَدَقَةٌ وَبَذْلَهُ لِاَهْلِهِ قُرْبَةٌ لِاَنَّهُ مَعَالِمُ الْحَلَالِ وَالْحَرَامِ وَمَنَارُ سَبِيْلِ اَهْلِ الْجَنَّةِ وَهُوَ الْاَنِيْسُ فِیْ الْوَحْشَةِ وَالصَّاحِبُ فِیْ الْغُرْبَةِ وَالْمُحَدِّثُ فِیْ الْخَلْوَةِ وَالدَّلِيْلُ عَلَی السَّرَّاءِ وَالْمُعِيْنُ عَلَی الضَّرَّاءِ وَالسِّلَاحُ عَلَی الْأَعْدَاءِ وَالزَّيْنُ عِنْدَ الْأَخِلَّاءِ يَرْفَعُ اللهُ بِهِ اَقْوَامًا فَيَجْعَلُهُمْ لِلْخَيْرِ قَادَةً وَاَئِمَّةً يُقْتَفٰی آثَارُهُمْ وَيُقْتَدَی بِاَفْعَالِهِمْ وَيُنْتَهَی إِلَی رَاْيِهِمْ تَرْغَبُ الْمَلَائِکَةُ فِیْ خُلُقِهِمْ وَتَمْسَحُهُمْ بِاَجْنِحَتِهَا يَسْتَغْفِرُ لَهُمْ کُلُّ رَطْبٍ وَيَابِسٍ وَحِيْتَانُ الْبَحْرِ وَهَوَامُّهُ وَسِبَاعُ الْبَرِّ وَاَنْعَامُهُ لِاَنَّ الْعِلْمَ حَيَاةُ الْقُلُوْبِ مِنَ الْجَهْلِ وَمَصَابِيْحُ الْاَبْصَارِ مِنَ الظُّلْمِ يَبْلُغُ الْعَبْدُ مِنَ الْعِلْمِ مَنَازِلَ الْاَخْيَارِ وَالدَّرَجَاتِ الْعُلَا فِیْ الدُّنْيَا وَالْآخِرَةِ وَالتَّفَکُّرُ فِيْهِ يَعْدِلُ الصِّيَامَ وَمُدَارَسَتُهُ تَعْدِلُ الْقِيَامَ۔بِه تُوْصَلُ الْاَرْحَامُ وَبِه يُعْرَفُ الْحَلَالُ وَالْحَرَامُ وَهُوَ إِمَامُ الْعَمَلِ وَتَابِعُهُ يُلْهِمُهُ السُّعَدَاءُ وَيَحْرمُهُ الْأَشْقِيَاءُ.<o:p></o:p> <o:p></o:p> <o:p></o:p>      ترجمہ:اورحضور اکرم صلی اللہ علیہ والہ وسلم نے ارشاد فرمایا:علم سیکھا کرو؛کیونکہ اللہ تعالی کی رضا کی خاطر علم سیکھنا نیکی ہے،اس کا حاصل کرنا عبادت ہے ،آپس میں علمی گفتگو کرنا اللہ تعالی کی تسبیح کرنے کے درجہ میں ہے،علم میں تحقیق کرنا جہاد کے برابر ثواب رکھاہے ،بے علم شخص کو تعلیم دینا نیکی اور صدقہ ہے،اور علم کو اس کے اہل پر خرچ کرنا قرب الہی کا ذریعہ ہے کیونکہ علم حلال وحرام سے واقفیت کا وسیلہ ہے،وہ اہل جنت کے راستہ کا مینار ہے،اور علم وحشت وتنہائی میں مونس وغمگسار ہے،سفر میں بہترین ساتھی ہے،تنہائی میں گفتگو کرنے والا ہے،وہ خوش حالی میں رہنما اور تنگدستی میں مددگارہے،دشمنوں کے خلاف ہتھیار ہے اور دوستوں کے حق میں زینت ہے۔علم کے سبب اللہ تعالی کچھ افراد کو رفعت وبلندی عطا فرماتا ہے اور انہیں خیر وبھلائی کے کاموں میں ایسا قائد وامام بناتا ہے کہ ان کے نقش قدم پر چلاجاتا ہے،ان کے طریقہ کو اپنایا جاتا ہے،اور ان کی رائے کو قول فیصل مانا جاتا ہے۔فرشتے ان کے اخلاق کو پسند کرتے ہیں اور اپنے پروں کو ان کے لئے بچھاتے ہیں،ہر خشک و تران کے حق میں بخشش کی دعا کرتے ہیں،سمندر کی مچھلیاں اور جانوراورخشکی کے درندے اور چوپائے ان کی مغفرت کے لئے دعا کرتے ہیں؛کیونکہ علم جہالت میں رہنے والوں کے حق میں دلوں کو زندگی بخشنے والا ہے،تاریکی میں رہنے والوں کے لئے نگاہوں کا چراغ ہے۔بندہ علم کی برکت سے نیکوکاروں کے مقامات پر پہنچتاہے اور دنیا وآخرت میں بلند درجات پر فائز ہوجاتا ہے،اور علم کے اندر غور وفکر کرنا روزہ رکھنے کے برابر ہے،آپس میں بیٹھ کر پڑھنا رات میں قیام کرنے کے برابر ہے،اسی کے ذریعہ رشتوں کو جوڑا جاتا ہے،اسی کے ذریعہ حلال وحرام کو جانا جاتاہے،اور وہ عمل کی طرف لے جانے والا اور اس کے ساتھ رہنے والا ہے،وہ نیک بختوں کو عطا کیا جاتا ہے اور بدبختوں کو اس سے محروم رکھا جاتا ہے۔<o:p></o:p> <o:p></o:p>      (نزہۃ المجالس ومنتخب النفائس،باب فضل العلم وأہلہ) <o:p></o:p> <o:p></o:p> <o:p> </o:p> تحصیل علم کا مقصد<o:p></o:p> <o:p></o:p>      بندۂ مؤمن کا عمل اللہ تعالی کے دربار میں اسی وقت شرف قبولیت حاصل کرتا ہے جبکہ وہ عمل خالصۃً اللہ تعالی کی رضا وخوشنودی کے لئے انجام دیا گیا ہو،کیونکہ اعمال کا دارومدار نیت پر موقوف ہے،جس طرح نیت ہوگی اس طرح ثواب ملے گا،اسی طرح علم حاصل کرنے کا یہ مقصد ہونا چاہئے کہ ہم اللہ تعالی اور اس کے رسول صلی اللہ علیہ والہ وسلم کی رضا وخوشنودی کے لئے علم حاصل کررہے ہیں،ہم اپنے علم کے مطابق عمل کریں گے اور اس علم کو دوسروںتک پہنچائیں گے ،حق کے پیام کو عام کریں گے،سنجیدہ طریقہ سے باطل کو ختم کرنے کی مکمل کوشش کریں گے۔<o:p></o:p> <o:p></o:p>      علوم دینیہ ہو کہ علوم عصریہ ہر ایک سے مقصود خدمت خلق کے ساتھ معرفت حق تعالی ہے، ارشادخداوندی ہے:<o:p></o:p> <o:p></o:p>   فَاعْلَمْ أَنَّہُ لَا إِلَہَ إِلَّا اللَّہُ ۔<o:p></o:p> <o:p></o:p> ترجمہ:پھرجان لوکہ اللہ کے سواکوئی معبودنہیں۔ <o:p></o:p> <o:p></o:p>      (سورۃ محمد۔ 19)<o:p></o:p> <o:p></o:p>       نیزاللہ جل شانہ کا ارشادہے :<o:p></o:p> <o:p></o:p>         فَلَوْلَا نَفَرَ مِنْ کُلِّ فِرْقَۃٍ مِنْہُمْ  طَائِفَۃٌ لِیَتَفَقَّہُوا فِی الدِّینِ  وَلِیُنْذِرُوا قَوْمَہُمْ إِذَا رَجَعُوا إِلَیْہِمْ لَعَلَّہُمْ یَحْذَرُونَ۔<o:p></o:p> <o:p></o:p>      ترجمہ:ایسا کیوں نہیں ہوا کہ ان کی ہر بڑی جماعت سے ایک چھوٹی جماعت نکلتی تاکہ وہ دین میں تفقہ (سوجھ بوجھ) حاصل کرتی اور اپنی قوم کو ڈراتی جب وہ اس کے پاس لوٹتی تاکہ وہ لوگ ڈرنے والے ہوجاتے۔<o:p></o:p> (سورۃ التوبۃ۔122)<o:p></o:p> <o:p></o:p>       مذکورہ آیت کریمہ کی تفسیرمیں علامہ آلوسی رحمۃ اللہ علیہ فرماتے ہیں :<o:p></o:p> <o:p></o:p>  ینبغی ان یکون غرض المعلم الارشاد والانذاروغرض المتعلم اکتساب الخشیۃ لا التبسط والاستکبار۔<o:p></o:p> <o:p></o:p> ترجمہ:معلم کا بنیادی مقصدیہ ہونا چاہئے کہ طالب علم کوہدایت ورہنمائی کا راستہ بتلائے بداعتقادیوں اوربداعمالیوں سے ڈرائے اورطالب علم کا کلیدی مقصدیہ ہوکہ ہمیشہ خداوندتعالی کا خوف اپنے دل میںرکھے،اس کا مقصودنہ سیروتفریح ہواورنہ بڑائی کا حصول۔ <o:p></o:p> <o:p></o:p>      (روح المعانی ،سورۃ التوبۃ۔122) <o:p></o:p> <o:p></o:p>        تحصیل علم کا اولین مقصداورانتہائی غرض یہی ہونی چاہئے کہ انسان دل کی سیپی میں خوف خدا کا موتی سموئے ہوئے رضائے الٰہی کا طلب گاراورخوشنودیٔ یزدانی کا خواستگار رہے ،ارشاد الٰہی ہے :<o:p></o:p> <o:p></o:p>  إِنَّمَا یَخْشَی اللّٰہَ مِنْ عِبَادِہِ العُلَمَاء۔<o:p></o:p> <o:p></o:p>  ترجمہ:یقینااللہ تعالی سے اس کے بندوں میں علم والے ہی ڈرتے ہیں۔ <o:p></o:p> <o:p></o:p>      (سورۃ الفاطر۔28) <o:p></o:p> <o:p></o:p>      علم حاصل کرنے والا اپنے علم کے ذریعہ نہ شہرت وعزت طلب کرے اور نہ نام ونمودکی خواہش رکھے ،نہ کوئی اورفاسد وکاسدمقصدپیش نظررکھے ‘حضرت نبی اکرم صلی اللہ علیہ واٰلہ وسلم نے فاسد اغراض کے لئے علم حاصل کرنے سے منع فرمایا،چنانچہ ترمذی میں حدیث پاک ہے  :<o:p></o:p> <o:p></o:p> حَدَّثَنِی ابْنُ کَعْبِ بْنِ مَالِکٍ عَنْ أَبِیہِ قَالَ سَمِعْتُ رَسُولَ اللَّہِ صَلَّی اللہُ عَلَیْہِ وَسَلَّمَ یَقُولُ : مَنْ طَلَبَ الْعِلْمَ لِیُجَارِیَ بِہِ الْعُلَمَائَ أَوْ لِیُمَارِیَ بِہِ السُّفَہَائَ أَوْ یَصْرِفَ بِہِ وُجُوہَ النَّاسِ إِلَیْہِ أَدْخَلَہُ اللَّہُ النَّارَ ۔<o:p></o:p> <o:p></o:p>      ترجمہ:حضرت کعب بن مالک رضی اللہ عنہ سے روایت ہے اُنہوں نے فرمایا میں نے حضرت رسول اللہ صلی علیہ وسلم کو ارشاد فرماتے ہوئے سنا :جس شخص نے اس غرض سے علم طلب کیا کہ اُس کے ذریعہ علماء کا مقابلہ کرے یا جاہلوں کے ساتھ جھگڑا کرے یا اپنے علم کے ذریعہ لوگوں کو اپنی جانب متوجہ کرلے تو ایسے شخص کو اللہ تعالیٰ دوزخ میں داخل کرے گا۔<o:p></o:p> <o:p></o:p> (جامع الترمذی،ابواب العلم، باب ما جاء فیمن یطلب بعلمہ الدنیا.حدیث نمبر2866)<o:p></o:p> <o:p></o:p>      نیز جامع ترمذی میں حدیث شریف ہے:حضرت شُفَی اصبحی رحمۃ اللہ تعالی علیہ فرماتے ہیں کہ میں نے حضرت ابو ہریرہ رضی اللہ تعالی عنہ کی خدمت میں حاضر ہوکر  حدیث پاک بیان کرنے کی درخواست کی،جب آپ نے حدیث شریف بیان کرنا شروع کیا تو آپ پر ایسی رقت طاری ہوئی کہ آپ سسکیاں لیتے ہوئے بے ہوش ہوگئے،جب آپ کو افاقہ ہوا تو فرمایا:میں تمہیں وہ حدیث شریف بیان کرتا ہوں جسے میں نے اس مقام پر حضرت رسول اللہ صلی اللہ علیہ والہ وسلم سے سنی ہے،آپ پر متعدد مرتبہ غشی طاری ہوتی رہی، جب افاقہ ہوا تو فرمایا:بروز قیامت تین اشخاص کو دربار الہی میں پیش کیا جائے گا،(1)وہ شخص جسے قرآن کا علم دیا گیا،(2)وہ شخص جو خدا کی راہ میں شہید کیا گیا،اور (3)مالدار شخص۔پھراللہ تعالی قاری قرآن سے فرمائے گا: أَلَمْ أُعَلِّمْکَ مَا أَنْزَلْتُ عَلَی رَسُولِی قَالَ بَلَی یَا رَبِّ.کیا میں نے تمہیں وہ کلام نہیں سکھایا جسے میں نے اپنے رسول صلی اللہ علیہ والہ وسلم پرنازل کیا،وہ عرض کریگا، کیوں نہیں!ارشاد ہوگا:تو نے اپنے علم کے مطابق کیا عمل کیا؟وہ کہے گا: کُنْتُ أَقُومُ بِہِ آنَاءَ اللَّیْلِ وَآنَاءَ النَّہَارِ.میں شب وروز اس کی تلاوت کرتا رہا،ارشاد ہوگا:تو نے جھوٹ کہا،فرشتے بھی کہیں گے:تو جھوٹا ہے،اللہ تعالی ارشاد فرمائے گا:تو چاہتا تھا کہ یہ کہا جائے"فلاں شخص قاری ہے"وہ تو تجھے کہہ دیا گیا۔مالدار سے کہا جائے گا:میں نے تجھے فراخی وخوشحالی نہیں دی تھی یہاں تک کہ تجھے کسی کا محتاج نہ رکھا،وہ کہے گا:کیوں نہیں!ارشاد ہوگا:میری عطا کی ہوئی دولت سے تونے کیا عمل کیا؟کہے گا:میں رشتہ داروں سے صلہ رحمی کرتا رہا،اور صدقہ کرتا رہا،اللہ تعالی ارشاد فرمائے گا :تو نے جھوٹ کہا ہے،فرشتے بھی کہیں گے کہ تو جھوٹا ہے،ارشاد ہوگا،تو یہ چاہتا تھا کہ کہا جائے"فلاں بڑا سخی ہے"اور وہ تو کہا جاچکا ہے،پھر شہید کو لایا جائے گا ،پوچھاجائے گا کہ تو کس لئے قتل کیا گیا؟وہ کہے گا:تو نے مجھے اپنے راستہ میں جہاد کا حکم دیا ہے،اس لئے میں نے جہاد کیا:یہاں تک کہ میں شہید ہوگیا،اللہ تعالی ارشادفرمائے گا:تو نے جھوٹ کہا ہے،فرشتے بھی کہیں گے تو نے جھوٹ کہا ہے،اللہ تعالی فرمائے گا:تیری نیت یہ تھی کہ لوگ کہیں "فلاں بہت بہادر ہے"اور یہ بات کہی جاچکی ہے،پھر حضور اکر م صلی اللہ علیہ والہ وسلم نے ارشاد فرمایا:ائے ابو ہریرہ !مخلوق خدا میں سب سے پہلے ان ہی تین اشخاص سے جہنم کو بھڑکایا جائے گا۔<o:p></o:p> <o:p></o:p> (جامع الترمذی ،ابواب الزہد، باب ما جاء فی الریاء والسمعۃ.حدیث نمبر۔2557)<o:p></o:p> <o:p></o:p>      طلبہ جو علم حاصل کرنے کا جذبہ رکھتے ہیں ‘ اپنے اوقات کو حصول علم کے لئے صرف کرتے ہیں وہ بطورخاص اخلاقی اقدارکے حامل ہوں ،ہرخوبی کے خوگرہوں اورہربری صفت ومذموم عادت سے گریزاں ہوں ،طلبہ کوزیور علم سے اس لئے آراستہ نہیں کیاجاتا کہ وہ اعلی سندیں حاصل کریں اورلوگ انہیں تعلیم یافتہ کہیں ،بلکہ تعلیم اورتدریس کا مقصدیہ ہے کہ دنیاان کی گفتاروکردار اور طریقۂ کار کودیکھ کراخلاق کا درس حاصل کرے ،وہ مخلوق خداکے لئے راہ اخلاق میں سنگ میل بنیں ،ان کا اخلاقی معیارسب کے لئے کسوٹی کی حیثیت رکھتاہو۔ <o:p></o:p> <o:p></o:p> تعلیم نسواں اور اسلامی نظریہ<o:p></o:p> <o:p></o:p>      انسانی زندگی صرف مرد کے وجود سے مکمل نہیں جب تک کہ اس کے ساتھ عورت شامل نہ ہو،عورت معاشرہ کا ایک اہم جزء ہے ،عائلی ،معاشرتی اور گھریلو، تربیتی مسائل خواتین سے وابستہ ہیں اگرصرف مرد کی تعلیم کی طرف توجہ کی جائے اوراس معاملہ میں عورت کو نظرانداز کردیاجائے تویہ نہ صرف عورت پرظلم ہوگابلکہ معاشرہ کاایک بڑاحصہ ناخواندگی میں مبتلا ‘حصول تعلیم سے محروم اور مقاصد تعلیم سے بے بہرہ ہوجائے گا،اس لئے اسلام نے عورت کی تعلیم کو بھی ضروری قراردیاہے ۔<o:p></o:p> <o:p></o:p>       دختران ملت دینی تعلیم اوردنیوی تعلیم ہردومیں حصہ لیکر باکردار خواتین کی حیثیت سے معاشرہ کے ظہر و  بطن کی اصلاح کرسکتی ہیں ،خواتین کی اصلاح کرنا، انہیں دینی، تعلیمی، اصلاحی ذمہ داریوں کا احساس دلانا ،بچوں کی تربیت کا شعورپیداکرنا،انہیں تعلیم یافتہ ،باشعور بنانا اور اخلاقی خوبیوں سے آراستہ کرنا نہایت ضروری ہے ،اس میں خواتین بھی اہم کردار ادا کرسکتی ہیں پردہ کا مکمل اہتمام کرتے ہوئے اورحدودشرعی میں رہ کرسماجی خدمات بھی انجام دے سکتی ہیں،چنانچہ صحیح بخاری شریف میں حدیث پاک ہے:<o:p></o:p> <o:p></o:p> عَنِ الرُّبَیِّعِ بِنْتِ مُعَوِّذٍ قَالَتْ کُنَّا مَعَ النَّبِیِّ صلی اللہ علیہ وسلم  نَسْقِی ، وَنُدَاوِی الْجَرْحَی ، وَنَرُدُّ الْقَتْلَی إِلَی الْمَدِینَۃِ .<o:p></o:p> <o:p></o:p>      ترجمہ:حضرت ربیع بنت معوذ رضی اللہ عنہا سے روایت ہے، وہ فرماتی ہیں کہ ہم حضرت نبی اکرم صلی اللہ علیہ وسلم کی معیت میں پانی پلاتیں‘ زخمیوں کی مرہم پٹی کرتیں اور شہداء کو مدینہ طیبہ کی جانب لے جاتیں۔ <o:p></o:p> <o:p></o:p>      (صحیح البخاری ، ج:1، کتاب الجھاد ،باب مداواۃ النساء الجرحی فی الغزو، ص:403،حدیث نمبر:2882)۔<o:p></o:p> <o:p></o:p>      عہد نبوی میں باعظمت صحابیات زخمیوں کی تیمارداری کرتی تھیں معرکوں میں پانی پلاتی تھیں اور مختلف امور انجام دیا کرتی تھیں۔  <o:p></o:p> <o:p></o:p>      الحاصل عفت مآب دختران اور پاکدامن خواتین حجاب کو اپناتے ہوئے عصری علوم بھی حاصل کریں اوراندرونی وبیرونی ،معاشی ومعاشرتی، صنعتی فنون سے آراستہ ہوں اوربالواسطہ وبلاواسطہ حسب ضرورت خدمات انجام دیں، اور علم طب کے شعبہ نسوانی امراض میں تخصص حاصل کریں اور اس کی اسپیشلسٹ بن جائیں۔ <o:p></o:p> <o:p></o:p>  تعطیلات سے استفادہ کریں<o:p></o:p> <o:p></o:p>      انسان اپنی زندگی میںروزانہ کی مصروفیات کے باوجود کچھ فرصت بھی پاتا ہے ان فرصت کے لمحات میں اُسے کوئی ذمہ داری نہیں ہوتی ایسے وقت آدمی چاہتا ہے کہ اُسے بہتر سے بہتر کام میں گذارے بعض افراد اپنا وقت بے فائدہ کاموں میں گذارتے ہیں عارضی طور پر شوق کی تسکین اور خواہش کی تکمیل ہوتی ہے لیکن اس کی وجہ سے اُن کی صحت فکر اور طبیعت پر بُرا اثر مرتب ہوتا ہے سنیما بینی لہو ولعب ہنسی مذاق مخرب اخلاق مناظر میں یہ اپنا بیش قیمت وقت صرف کرتے ہیں اور اپنے لئے نقصان بھی مول لیتے ہیں جو امور شرعی طور پر ممنوع ہیں اُن کی قباحت تو واضح ہے غیر ممنوع اور مباح کھیل بھی اس قدر کھیلنا کہ ورزش کی حد سے بڑھ جائے اور آدمی کو غفلت میں مبتلا کردے ایک طالب علم کو اُس سے بھی اجتناب و گریز کرنا چاہئے۔ ارشاد نبوی ہے:مِنْ حُسْنِ إِسْلاَمِ الْمَرْءِ تَرْکُہُ مَا لاَ یَعْنِیہِ۔ ترجمہ: بہترین مسلمان وہ ہے جو لایعنی عمل چھوڑدے۔ (جامع الترمذی،ابواب الزہد، باب فیمن تکلم بکلمۃ یضحک بہا الناس ،باب ۔ ۔ ۔ حدیث نمبر2487) <o:p></o:p> <o:p></o:p> وقت کی دولت جس نے گنوائی <o:p></o:p> <o:p></o:p> اس نے عزت کہیں نہ پائی <o:p></o:p> <o:p></o:p>      جس وقت تعلیم حاصل کی جارہی ہے اس زمانہ طالبعلمی میں جوفرصت وتعطیلات کے اوقات میسرآئیں ان کو بہتر طور پر گذارنے کے لئے اپنے آپ کو تعلیمی مشاغل میں مصروف رکھاجائے۔ جیسے گرمائی تعطیلات میں مختصر مدتی اسلامک اسٹڈیز کورسس کمپیوٹر کورسس اسپوکن انگلش کورسس اسپوکن عربک کورسس وغیرہ۔طالب علم مستقبل میں اپنے مقررہ کاموں سے فارغ ہوکرجولمحاتِ فرصت پائے انہیں بہتر طور پر گذارے جیسے قراء ت قرآن کریم ،قرآن فہمی اورمعلومات عامہ میں ازدیاد و اضافہ کرنے والے تعلیمی پروگرام وغیرہ سے استفادہ کرے۔ <o:p></o:p> <o:p></o:p> ضمیر لالہ میں روشن چراغ آرزو کردے <o:p></o:p> <o:p></o:p> چمن کے ذرے ذرے کو شہید جستجو کردے <o:p></o:p> <o:p></o:p>      اللہ سبحانہ وتعالی سے دعا ہے کہ معلم کتاب وحکمت ،قاسم علم ونعمت حضرت رسول اللہ صلی اللہ علیہ والہ وسلم کے توسل سے ہمیں علم نافع کی دولت سے مالامال فرمائے اور جو کچھ ہم نے سیکھا ہے اس کے مطابق عمل کرنے کی توفیق عطا فرمائے۔<o:p></o:p> <o:p></o:p>        آمِیْن بِجَاہِ سَیِّدِنَا طٰہٰ وَیٰسٓ صَلَّی اللہُ تَعَالٰی وَبَارَکَ وَسَلَّّمَ عَلَیْہِ وَعَلٰی آلِہ وَصَحْبِہ اَجْمَعِیْنَ وَاٰخِرُ دَعْوَانَا اَنِ الْحَمْدُ لِلّہِ رَبِّ الْعَالَمِیْنَ۔  <o:p></o:p>        از: مولانا مفتی سید ضياء الدین نقشبندی دامت برکاتہم<o:p></o:p> شیخ الفقہ جامعہ نظامیہ وبانی ابو الحسنات اسلامک ریسرچ سنٹر<o:p></o:p> <a href="http://www.ziaislamic.com/">www.ziaislamic.com</a><o:p></o:p> <o:p> </o:p> <o:p> </o:p> <o:p> </o:p>  <o:p></o:p>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

علم 'فضیلت واہمیت

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

&#1593;&#1604;&#1605; '&#1601;&#1590;&#1740;&#1604;&#1578; &#1608;&#1575;&#1729;&#1605;&#1740;&#1578;

علم 'فضیلت واہمیت