مناجات در بارگاہِ قاضی حاجات

مناجات در بارگاہِ قاضی حاجات از:صفوۃ المحدثین ابو الحسنات حضرت سید عبد اللہ شاہ نقشبندی مجددی قادری محدث دکن رحمۃ اللہ تعالی علیہ      الٰہی ہم تجھ ہی سے مانگتے ہیں ، تجھ سے نہ مانگیں تو پھر کس سے مانگیں ۔ اے اللہ تو بڑا مہربان ہے ، بہت رحمت کرنے والاہے۔      بے پناہوں کو پناہ دینے والے!      ڈرنے والوں کو امن دینے والے!      او بے سہاروں کے سہارا !      او بے پناہوں کی پناہ!      او ناتوانوں کی پشت وپناہ!      تیرے ہی سے بڑی امید ہے!      تو ہلاکت سے بچانے والا ہے، تو ڈوبتے کو ترانے والا ہے ۔      اوزبردست قدرت والے! ساری دنیا تیرے سامنے سر جھکاتی ہے ، ہم کیا منھ لےکر تیرے سامنے آئیں؟ ہمارے درود اور سلام تیرے نبی تک پہنچا، ان کے سہارے کی امید پر تیرے سامنے آتے ہیں ، تو ہم کو مت دیکھ ؛ تیرے نبی کو دیکھ ، ان ہی کے نام لیوا ہیں ، تیرے غلام ہیں، مگر بھاگے ہوئے غلام ہیں دربدر بہت مارے مارے پھرے " مَنْ يَغْفِرُ الذُّنُوْبَ اِلَّا اللّٰه" تیرے سوا کوئی ایسا نہیں کہ گناہ معاف کرسکے، اِدھر اُدھر پھر کر تیرے در پر آپڑے ہیں ، اب تیرا در چھوڑ کر کہاں جائیں ؟ بھلے ہیں یا برے ہیں جو کچھ ہیں تیرے ہیں ، ہمارے جیسے تیرے سینکڑوں غلام ہیں مگر تیرا جیسا ہمارا کوئی مالک نہیں ، سراپا گنہگار ہیں ، اس شرمندگی سے کہ نیکی ہم سے ہو ہی نہ سکی، سرجھکائے ہوئے ہیں –  الٰہی! ہم اپنی عقل پر روتے ہیں، وہ عقل ہی کیا کہ جس کو اپنے دوست کی طلب نہ ہو -الٰہی کیا کروں؟ دشمن نے عمر کی گٹھڑی لوٹ لی، کیا تدبیر کروں؛ جو تدبیر کرتا ہوں الٹی پڑتی ہے ۔  الٰہی ہم تیرے بہت برے بندے ہیں ، ہم خود کو تیرا بندہ کہتے ہوئے شرم آتی ہے، تجھ جیسے مالک کے بندہ بھی تجھ جیسے ہونا چاہئے؛ نہ کہ مجھ سا گنہ گار ، شرمندہ ہوں۔ پاک خدا کا پاک ہی بندہ ہوتا ہے ، کیا تیرا حلم ہے ، کیا تیری رحمت کا جوش ہے کہ غفلت تو ہماری ایسی ، پھر بھی تو ہم کویاد کرتا ہے ، گناہ ہمارے ایسے پھر بھی تو ہم کو مغفرت کے لئے بلاتا ہے، جیسے ماں بچہ کے عیبوں کو چھپاتی ہے ایسا ہی تو ہمارے گناہوں کو چھپاتا جاتا ہے ، رسوا نہیں ہونے دیتا،قصور پر قصور دیکھتا جاتا ہے پھر برابر رزق پہنچاتا ہے، اگر تو ہمارے ٹکڑے ٹکڑے کرتا تب بھی ہم اسی کے قابل تھے، مگر الٰہی! ہم وہ کام کئے ہیں جو ہمارے لائق ہے، تو وہ کام کر جو تیرے لائق ہے ، تیرے لائق کام یہ ہے کہ گناہوں کو مٹاکر ان کی جگہ نیکی لکھ دے –  تیری ایک رحمت دنیا میں ہے اور (99) رحمتیں آخرت میں ہیں ، گو ہمارے گناہ بہت بڑے بڑے ہیں، مگر آپ کی (99) درجہ والی رحمت کیا کچھ کم ہے ؟ اس لئے ہم کہتے ہیں کہ ہمارے گناہوں کو مٹاکر اس کی جگہ نیکی لکھ دیجئے۔  الٰہی! ہم سب گناہوں سے توبہ کرتے ہیں، پھر کبھی نہیں کریں گے اور توفیق دے کہ پھر کبھی نہ کریں ۔  الٰہی! ہم کو تیرا ایسا خوف دے کہ جس کے سبب ہم سے تیرا کوئی گناہ نہ ہوسکے اور ہم سے اس قدر تیری اطاعت کروا کہ جو ہم کو جنت میں پہنچادے ، تیرے قضا وقدر کا اس قدر ہم کو یقین دے کہ دنیا کی مصیبتیں ہم پر آسان ہوجائیں ۔ الٰہی ! ایسی مصیبت مت دے کہ جس سے ہمارا دین بگڑ جائے-  الٰہی! دنیا کو ہماری نظروں میں ایسا مت بنا کہ ہم سمجھیں کہ جو کچھ ہے دنیا ہے اور آخرت کی پرواہ ہی نہ کریں۔ الٰہی تو وہ پاک ذات ہے کہ تجھ کو کوئی دیکھ نہیں سکتا، کسی کا خیال تیرے تک نہیں پہنچ سکتا ،تو جیسا ہے ویسا کوئی وصف بیان نہیں کرسکتا، حوادثات تجھ کو متغیر نہیں کرسکتے ، سارے عالم کے ذرہ ذرہ سے تو واقف ہے ، تیرے سے کوئی چیز چھپ نہیں سکتی۔ ہمارا یہ معروضہ ہے کہ ہماری عمر کا آخری حصہ ہماری عمر کے پہلے حصہ سے بہتر بنا! ہمارا آخری عمل ہمارے پہلے عمل سے بہتر رہے ۔ سب دنوں سے بہتر وہ دن بنا کہ جس میں ہم تجھ سے ملیں ۔ ہمارے مالک! ہمارا ایک اور معروضہ ہے: تو عجیب شان والا ہے ، تو نیکیوں کو ظاہر کرتا اور برائیوں کو چھپاتا ہے، تو پردہ دری نہیں کرتا، تو بہت بڑا معاف کرنے والا ہے ، تیری مغفرت بہت وسیع ہے ، بچہ کو بلانے کے لئے جیسے کوئی محبت سے ہاتھ پھیلاتا ہے اسی طرح تو رحمت کے لئے ہاتھ پھیلایا ہے ۔  او بھیدوں کے جاننے والے !  او شکایتوں کے دور کرنے والے !  او قصوروں کو در گذر کرنے والے !  او ہمارے استحقاق کے بغیر ہم پر احسان کرنے والے !  ہمارے مالک ، ہمارے مولیٰ ، ہمارے مقصود، ہماری ایک بات سن : ہمارے جسم کو دوزخ کی آگ میں مت بھن!۔        ماں جیسے بے سمجھ بچہ کو سنبھالتی ہے، وہ آگ دیکھتا ہے نہ سانپ نہ بچھو، بس گرا پڑتا ہے، مگر ماں ہر مضر چیز سے روکتی ہے ، ایسا ہی، او لاکھوں ماؤں سے زیادہ محبت کرنے والے! ہم کو ہر اس چیز سے بچاتا رہ کہ جو آخرت میں ضرر دینے والی ہے ۔  الٰہی! دنیا داروں کی آنکھیں جیسے دنیا سے ٹھنڈی ہوتی ہیں ایسا ہی ہماری آنکھیں تیری عبادت سے ٹھنڈی ہوں۔  الٰہی! تیرے دیدار کا شوق دے۔ او بے سہاروں کے سہارے! ہم کو دشمن کے ہاتھ میں مت دے دے کہ نفس و شیطان ہم کو بہکاکر تیرے راستہ سے نہ بھٹکادیں۔  الٰہی! حلال روزی کھلا، ہمیشہ حرام سے بچاتا رہ ۔  الٰہی! جو بے سمجھ ہیں ان کا کیا ذکر ہے ؟ تیرے اُن سمجھ دار بندوں کا صدقہ، جو ہر حال میں تیرا ذکر کیا کرتے ہیں ، کھڑے ، بیٹھے ، لیٹے ، کوئی آن تیری یاد سے غافل نہیں ہیں۔      اے خدا؛ تیرے برگزیدہ اور مقبول مقربانِ بارگاہ کا صدقہ! الٰہی؛ تیری شانِ لا ابالی کا صدقہ!      الٰہی؛ تیری شانِ کبریائی کا صدقہ!      الٰہی؛ تیری عظمت وبڑائی کا صدقہ !      الٰہی؛ تیرے پیارے نبی کے نام نامی کا صدقہ!      اے خدا؛ تیرے عاشقوں کے عشق و محبت کا صدقہ !  تیرے ذاکرین کے ذکر و فکر کا صدقہ!        ہم بے سمجھوں کو سمجھ دے! غفلت ہٹے ، تیرے ذکر و فکر کا چسکا لگ جائے۔        اے بھٹکے ہوؤں کو راہ دکھانے والے !  اے بے دردوں کو دردِ دل دینے والے ! ہمیشہ ہم کو تو اپنی نوکری میں رکھ ، دنیا میں رہنا اور پھر دنیا سے باہر ہمارا شیوہ ہوجائے۔ اے عشق و محبت دینے والے خدا ! تیری اور تیرے رسول کی محبت ہمارے دلوں میں بس جائے ۔        غرض بار الٰہا! ہم آپ کے ہوں اور آپ ہمارے ؂   دل میں مقصود و مدعا نہ رہے تو رہے اور دوسرا نہ رہے   پہلے آپ کی حالت عرض کرتا ہوں ؂   خدا کے در پہ ہیں بندے خدا کے آئے ہوئے دعا کے واسطے ہاتھوں کو ہیں اٹھائے ہوئے   دلوں میں جوشِ تمنا ، لبوں پر یا ربی سروں کو فرطِ خجالت سے ہیں جھکائے ہوئے   اب میری حالت سنئے؂   گنہگار ہوں میں سب سے بڑھ کر قابل رحم اسی لئے ہیں مجھے پیشوا بنائے ہوئے   کہ اس پر رحم اگر ہو تو ہوویں سب مغفور یہ کہہ رہے ہیں آمین گڑگڑائے ہوئے   الٰہی ہم ہیں گنہگار اور تو ستار کرم سے اپنے ہمارے گنہ چھپائے ہوئے   مریں تو خاتمہ یارب ہمارا ہو بالخیر جہاں کو چھوڑیں تو ہوں تجھ سے لو لگائے ہوئے   لحد میں جائیں تو ایمان کے شب چراغ کے ساتھ ہو تیرا دامن عفو و کرم چھپائے ہوئے-   <a href="../../../../">www.ziaislamic.com</a>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

مناجات در بارگاہِ قاضی حاجات

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

&#1605;&#1606;&#1575;&#1580;&#1575;&#1578; &#1583;&#1585; &#1576;&#1575;&#1585;&#1711;&#1575;&#1729;&#1616; &#1602;&#1575;&#1590;&#1740; &#1581;&#1575;&#1580;&#1575;&#1578;

مناجات در بارگاہِ قاضی حاجات