عالمی یوم امن

World peace Day 21،سپٹمبر کو ساری دنیا میں  عالمی یوم امن World peace Day منایا جاتا ہے،اسی مناسبت سے بقائے امن وسلامتی سے متعلق اسلامی ہدایات ہدیۂ ناظرین کی جاتی ہیں:<o:p> </o:p> <o:p></o:p> اللہ تعالی نے انسان کی جبلت وفطرت میں انس ومحبت ودیعت فرماکر اس خاکدان گیتی میں خلعت وجود سے سرفراز فرمایا، چنانچہ ہم دیکھتے ہیں کہ انسان فطری طور پر تمدن وتہذیب چاہتا ہے، افراد انسانی ایک دوسرے کے ساتھ رہتے ہیں ، معاشرہ میں ہرانسان کی ضرورت دوسرے سے متعلق ہوتی ہے‘ بقاء شخصی ونوعی اور انسان کی انفرادی واجتماعی زندگی کیلئے جو اہم ترین چیز درکار ہے وہ امن وسلامتی ہے، یہ بقائے انسانیت کا وہ بنیادی واساسی عنصر ہے جو دیگر تمام امور واجزاء پر فوقیت رکھتاہے ،ہردور اور ہر علاقہ میں اسے تمام علل واسباب میں مرکزیت حاصل ہے۔   انسان کی یومیہ مصروفیات، ضروریات کی تکمیل، تعلیم وتربیت، ترقی وبہبود امن ہی سے متعلق ہے‘ اگر امن وسلامتی مفقود ہو تو قدم قدم پر مشکلات پیدا ہوتی ہیں ،اشیاء خورد ونوش کی فراہمی ،اجناس کی حمل ونقل ،طلبہ کی اسکولس وکالجس تک رسائی، ملازمین کا دفاتر جانا، بیماروں کا دواخانہ پہنچنا ،بروقت تیمارداری اور تمام سماجی، معاشی وسیاسی معاملات متاثر ہوتے ہیں اور ترقی یافتہ معاشرہ امن کی عدم موجود گی کے سبب پستی وزوال کی ہلاکت خیز وادی میں گرجاتاہے۔       اسلام امن وسلامتی کادین ہے، مسلمانوں کوسارے جہاں میں سلامتی وآشتی عام کرنے ،محبت ومودت کی راہیں ہموار کرنے کی تاکیدکرتاہے، ایثار وقربانی کی تعلیم دیتا ہے ،رواداری ومدارات کی ترغیب دیتا ہے، نفرت وعداوت سے منع کرتاہے، فتنہ وفساد سے روکتاہے ، خونریزی وغارت گری سے باز رکھتا ہے، بغاوت وسرکشی سے دورکرتا ہے۔ <o:p> </o:p>       اللہ تعالی کا ارشاد ہے :<o:p> </o:p><o:p></o:p> وَلَا تُفْسِدُوا فِي الْأَرْضِ بَعْدَ إِصْلَاحِهَا۔<o:p> </o:p><o:p></o:p>  ترجمہ: زمین میں اس کی اصلاح کے بعد فساد بپا نہ کیا کرو۔ (سورة الأعراف۔56/85)        ارشاد خداوندی ہے:<o:p> </o:p><o:p></o:p>   إِنَّ اللَّهَ لَا يُحِبُّ الْمُفْسِدِينَ۔ <o:p> </o:p><o:p></o:p> ترجمہ :بیشک اللہ فساد بپا کرنے والوں کو پسند نہیں فرماتا۔ (سورۃالقصص،77)       ارشاد الہی ہے:  وَالْفِتْنَةُ أَكْبَرُ مِنَ الْقَتْلِ۔ <o:p> </o:p><o:p></o:p>  ترجمہ :فتنہ و فساد قتل سے بڑھ کر ہے۔ (سورۃالبقرۃ۔217)   اسلامی نظام عبادات‘ امن وسلامتی کامظہر <o:p></o:p><o:p></o:p>        اسلام امن وسلامتی ،صلح وآشتی کا مذہب ہے، اسلام کے آغوش میں رہنے والا ہر شخص دنیا کے لئے پیغام امن کا سفیر ہے، وہ اپنے قول وفعل، حرکت وسکون سے سلامتی کا پیغام دیتا ہے۔ حدیث جبرئیل میں جن تین چیزوں کا ذکر آیا ہے  ’’ اسلام ، ایمان ، احسان ‘‘  ان تینوں الفاظ مبارکہ کا لب لباب اور خلاصہ یہ ہے کہ خالق کی عبادت میں حسن پیدا کیا جائے، مراقبہ کے ذریعہ بارگاہ خداوندی کے قرب کے ساتھ معاملات ومعاشرت میں حسن پیدا کیا جائے اور مخلوق کے ساتھ حسن سلوک ونیک برتاؤ کیا جائے۔       اسلام اپنے تمام احکام کے ذریعہ اہل اسلام کو داخلی وخارجی امن وسکون کی تعلیم دیتا ہے،  نظام عبادات پر نظرڈالی جائے تو یہ بات عیاں ہوتی ہے کہ نماز نظم ونسق کے ساتھ پرسکون طور پر ادا کی جاتی ہے! نظام زکوۃ کے ذریعہ فقراء ومساکین کی مدد کی جاتی ہے!      قربانی کے گوشت وپوست کے ذریعہ ضرورتمندوں کا تعاون کیا جاتاہے اور تنگدستی وناداری میں سسکنے والے افراد کی خوشیوں کا سامان کیا جاتاہے! روزہ کے سبب خواہشات ترک کرنے کی مشق ہوتی ہے، نتیجۃً روزہ دار ایثار وقربانی کا خوگر ہوجاتاہے ! حج وعمرہ کے ذریعہ ایک بین الاقوامی اجتماع ہوتاہے جوبقائے باہم وامن عالم کاعملی نمونہ کہلاتاہے ۔<o:p> </o:p><o:p></o:p> اسلام کے آغوش میں رہنے والا ہر شخص دنیا کے لئے پیغام امن کا سفیر ہے ، وہ اپنے قول وفعل، حرکت وسکون سے سلامتی کا پیغام دیتا ہے۔اسلام ہرفرد مسلم کو ان قوانین کا پابند کرتا ہے کہ ناحق کسی کو قتل نہ کرے ،کسی کے مال کو نقصان نہ پہنچائے ،کسی کی عزت کو داغدار نہ کرے ،کسی کی آبرو پر حملہ نہ کرے ، کسی شخص کی پردہ دری کرنے کے درپے نہ ہو۔ اسلام نے معاشرہ کے ہر فرد کی جان ومال عزت وآبرو کو حرمت والا قراردیا ،ناحق کسی کو قتل کرنا گناہ عظیم ٹہرایا،یہاں تک کہ ایک شخص کا قتل ،ساری انسانیت کوقتل کرنے کے برابر قراردیا ،حضرت نبی اکرم صلی اللہ علیہ وسلم نے ارشاد فرمایا:  المؤمن من امنہ الناس علی دمائہم واموالہم وفی روایۃ علی اموالہم وانفسہم۔  ترجمہ: ایمان والاوہ ہے کہ جس سے دوسرے لوگ اپنی جان ومال کے بارے میں بے خوف ومامون رہیں۔ (مسند امام احمد، مسند ابوہریرہ رضی اللہ عنہ ،حدیث نمبر:8575 مسند فضالۃ بن عبید الانصاری رضی اللہ عنہ ،حدیث نمبر:22833)        اسلام نہ صرف انسانیت کے لئے امن کا ضامن ہے بلکہ حیوانات ونباتات اورعالم کے ‘ذرہ ذرہ کےلئے امن وسلامتی کی ضمانت دیتا ہے ،درختوں اور سبزہ زارون کوہلاکت وتخریب کی مسموم فضاء سے محفوظ رکھتاہے ۔       اگر کوئی مسلمان صاحب معاہدہ غیرمسلم کو قتل کردے جس کے لئے تحفظ فراہم کرنے کا مسلمانوں نے معاہدہ کیا ہے تواس مسلمان شخص کےلئے حضرت نبی اکرم صلی اللہ علیہ والہ وسلم نے وعید بیان فرمائی ہے ،صحیح بخاری شریف میں ہے :  عن عبد اللہ بن عمرو رضی اللہ عنہما عن النبی صلی اللہ علیہ وسلم  قال: من قتل معاہدا لم یرح رائحۃ الجنۃ، وان ریحہا توجد من مسیرۃ اربعین عاما۔          ترجمہ: حضرت عبد اللہ بن عمرو رضی اللہ عنہما حضرت نبی اکرم صلی اللہ علیہ والہ وسلم  سے روایت کرتے ہیں کہ آپ نے ارشاد فرمایا:  جس شخص نے معاہدہ والے غیر مسلم اقلیتی فردکو قتل کیا وہ جنت کی خوشبو نہیں سونگھے گا،حالانکہ اسکی خوشبوچالیس سال کی مسافت سے سونگھی جاتی ہے۔    (صحیح بخاری شریف،کتاب الجزیۃ،باب  اثم من قتل معاہدا بغیر جرم،حدیث نمبر:2930)                      عدل و انصاف کے معاملہ میں اسلام میں دوست و دشمن ،مسلم و غیر مسلم کا فرق درست نہیں،اسلام، دشمنوں کے ساتھ بھی عدل و انصاف کو لازمی قرار دیتا ہے تاکہ اس کی بنیاد پر ایک خوش گوار معاشرہ تشکیل پائے۔ اسلام ایک آفاقی اور عالمی دین ہے ، جو تمام انسانوں کی صلاح و فلاح ،امن و سلامتی کی ضمانت دیتا ہے، اس کا پیغامِ امن و سلامتی تمام انسانیت اور اس کے سبھی طبقات کے لئے ہے، مسلمانوں کا وجود دنیا میں لوگوں کو نفع پہنچانے اور راحت رسانی کے لئے ہے جیسا کہ ارشادِ باری تعالیٰ ہے: كُنْتُمْ خَيْرَ أُمَّةٍ أُخْرِجَتْ لِلنَّاسِ- ترجمہ: تم بہترین امت ہو جو لوگوں کی بھلائی کے لئے لائے گئے ہو-(سورۂ اٰل عمران۔ 110)۔ عدل و انصاف کے معاملے میں اسلام میں دوست و دشمن ،مسلم و غیر مسلم کا فرق درست نہیں،اسلام دشمنوں کے ساتھ بھی عدل و انصاف کو لازمی قرار دیتا ہے تاکہ اس کی بنیاد پر ایک خوش گوار معاشرہ تشکیل پائے۔  ارشادحق تعالی ہے : وَلَا يَجْرِمَنَّكُمْ شَنَآَنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى- ترجمہ: کسی قوم کی دشمنی تمہیں اس بات پر ہرگز نہ اکسائے کہ تم عدل کا دامن ہاتھ سے چھوڑدو ، عدل کرو، عدل تقویٰ سے بہت قریب ہے۔(سورۃالمائدہ :8) مسلمان امن کے لئے خطرہ اور فسادی نہیں ہوتے بلکہ امن کے علمبردار اور سلامتی کے پیکر ہوتے ہیں، مسلمان جہاں بھی گئے امن و سلامتی عدل و انصاف ، صلہ رحمی و احسان کا پیغام لے کر گئے۔ خوف و دہشت ، فتنہ و فسادکی زہر آلود معاشرہ و سماج کو انہوں نے گہوارۂ امن و سلامتی بنا ڈالا- اسلام نے غیر مسلم ابنائے وطن سے معاشرتی تعلقات، کاروباری معاملات ، تجارت، خرید و فروخت، لین دین، رہن، کفالہ، صلح وغیرہ دیگر امور کی اجازت دی ہے اور تمام معاملات و تعلقات میں صداقت و راست بازی کی تاکید کی اور جھوٹ، مکر و فریب اور دھوکہ و خیانت سے اجتناب کاحکم فرمایا ہے-اسلام نے شر و فساد سے مکمل گریز کرنے اور ہر حال میں عدل و انصاف پر جمے رہنے کی تعلیم دی ہے ، ان احکام میں اسلام نے مسلم و غیر مسلم کا امتیاز روا نہیں رکھا۔ ہم امن و سلامتی کے سفیر بنیں ،اور خود کو صرف اپنے محلہ ‘ اپنی بستی اور اپنے ملک کا باشندہ ہی نہ سمجھیں بلکہ پوری دنیا کو اپنی بستی سمجھیں اور دنیا میں رہنے والے ہر ہر فرد کو اپنے گھر کا فرد سمجھیں اور ان سب کے حق میں نفع بخش اور سفیر امن رہیں ۔ حدیث پاک میں ہےکہ مخلوق اللہ تعالی کا کنبہ ہے ،اور لوگوں میں سب سے زیادہ اللہ تعالی کا پیارہ  وہ ہے جو اس مخلوق کے ساتھ حسن سلوک کرے-(معجم طبرانی) کنز العمال میں حدیث پاک ہے: حضور نبی کریم صلی اللہ علیہ وسلم ارشاد فرماتے ہیں: سب سے بہتر انسان وہ ہے جو تمام انسانوں کو نفع پہنچائے۔ از:حضرت ضیاء ملت مولانا مفتی حافظ سید ضیاء الدین نقشبندی دامت برکاتہم العالیہ  شیخ الفقہ جامعہ نظامیہ بانی ابو الحسنات اسلامک ریسرچ سنٹر- www.ziaislamic.com

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Burning Topics

عالمی یوم امن

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Burning Topics

&#1593;&#1575;&#1604;&#1605;&#1740; &#1740;&#1608;&#1605; &#1575;&#1605;&#1606;

عالمی یوم امن