سال نو کا پیغام'عالم انسانیت کے نام

اللہ تعالی نے حضور اکرم صلی اللہ علیہ والہ وسلم  کی نسبت گرامی کے سبب اس امت کو افضلیت و خیریت کی خلعت فاخرہ مرحمت فرمائی،آپ کے ذریعہ امت مسلمہ کو جامع وکامل شریعت عطا فرمائی،زندگی کے کسی بھی پہلو پر  اسے تشنہ نہیں رکھا ہے،قوم مسلم ایک عالی وقار،مقصد کے تحت زندگی گزارنے والی اور مقتدا قوم ہے،باطل رواج ،فرسودہ رسوم اور غیر شائستہ تہذیب وتمدن کو اپنانا اس کا شعار نہیں،سال نو کے  استقبال کےعنوان سے مرد وزن کا بے محابہ اختلاط،مئے نوشی،فلم بینی اور رقص وسرود کی محفلیں سجانا،پارکوں اور کلبوں میں ناچنا غیر اسلامی اور غیر اخلاقی عمل ہے-      انسان کی زندگی نشیب وفراز سے گزرتی رہتی ہے،کبھی خوشحالی وآسودگی رہتی ہے اور کبھی غم و فرسودگی،خوشی کے اوقات ہوں یا غم کے لمحات 'اسلام نے خوشی وغم کے حدود وقیود مقرر کئے ہیں، ہر حال میں احکام اسلام کو ملحوظ رکھنا لازم ہے،اسلامی تعلیمات پر عمل پیرا نہ ہونے کے سبب آج مسلمان خستہ حالی اور مصیبت وپریشانی سے دوچار ہیں،دن لہو ولعب میں گزرجاتا ہے اور رات غفلت کی نذر ہوجاتی ہے-<o:p></o:p> سال نو کے استقبال کے نام پر لوگ مختلف منکرات کے مرتکب ہورہے ہیں،آج نئے سال کا استقبال شراب نوشی،آتش بازی،گانے بجانے اور رقص وسرود کی محفلیں سجا کر کیا جارہا ہے ،فحاشی کے اڈوں پر لوگ جمع ہورہے ہیں ، جذبات سے بے قابو ہوکرغیر شرعی امور کا ارتکاب کررہے ہیں-  <o:p></o:p> زندگی ہمارے لئے اللہ تعالی کی جانب سے نعمت ہے،اس کی قدر کرنا اور اسے منشاء الہی وسنت نبوی کے مطابق بسر کرنا ہماری ذمہ داری ہے، سال نو کے آغاز کے وقت بالخصوص ہم اپنی زندگیوں کا محاسبہ کریں،یہ وقت لہو ولعب میں گزارنے کا نہیں بلکہ اپنے ماضی اور حال کا جائزہ لینے اور مستقبل کو تابناک کرنے کے لئے منصوبہ بنانے کا ہے-<o:p></o:p> آج اذان کی آواز سن کرمساجد کو آنا انسان پر بار ہے ،خیر وبھلائی کے کاموں میں شرکت کیلئے اس کے پاس وقت نہیں لیکن سال نوکی پارٹی میں شرکت کے لئے ایک شہر سے دوسرے شہر جانے اور بے دریغ مال خرچ کرنے میں کوئی چیز مانع وحارج نہیں-<o:p></o:p> عیش وعشرت ،طرب وسرود میں عمر عزیز ضائع کرنا مسلمان کا شیوہ نہیں ہوسکتا، مسلما ن ایک باعظمت ،بلند کردارقوم کا نام ہے، محسن انسانیت صلی اللہ علیہ والہ وسلم نے اسے مکارم اخلاق کی تعلیم دی،اسے پاکیزہ کردار سے نوازا اور شائستہ تہذیب اور عمدہ تمدن سے بہرہ مند فرمایا-<o:p></o:p> مسلمان اپنی عمر رفتہ کے ہر لمحہ کو غنیمت جانیں،زندگی کا محاسبہ کریں،اپنے شب وروز،لیل ونہار کو شریعت مطہرہ کے مطابق  بسر کریں،اوقات ولمحات ،نشست وبرخاست اسلامی تعلیمات کے مطابق گزاریں، کیونکہ اللہ تعالی نے تقوی وطہارت سے معمور زندگی گزارنے اور اپنے آپ کا جائزہ لینے کا حکم فرمایا ہے،ارشاد الہی ہے:<o:p></o:p> يَا أَيُّهَا الَّذِينَ آَمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ -<o:p></o:p> ترجمہ:اے ایمان والو!تم اللہ سے ڈرتے رہو اور ہر شخص جان لے کہ اس نے آنے والے دن کے لئے آگے کیا بھیجاہے،اور تم اللہ سے ڈرتے رہو،بیشک اللہ تعالی تمہارے کاموں سے باخبر ہے-(سورۃ الحشر:18)<o:p></o:p> مسلمان کی حیات نفسانی خواہشات کی تکمیل میں نہیں بلکہ احکام خدا ور رسول کی تعمیل میں گزرتی ہے،وہ دستور دنیا کا نہیں بلکہ اسلامی احکام کا پابند ہے-<o:p></o:p> حیات انسانی میں وقت ایک عظیم دولت اوربیش قیمت نعمت ہے‘ وہی شخص ترقی کی راہ پر گامزن رہتا ہے جو وقت کی قدر کرتا ہے‘ وہی قوم عروج کے زینے چڑھتی ہے جو لمحات کی قدر جانتی ہے‘ جو فرد یا جماعت وقت کو ضائع کرتی ہے وقت کی رفتار اسے ارتقاء کی بلندیوں سے زوال کی پستیوں میں ڈال دیتی ہے۔<o:p></o:p>      دین اسلام ایک فطری دین ہے‘ اس میں عبادات کا نظام وقت کے ساتھ مربوط ہے ،نمازپنجگانہ کی ادائیگی ' وقت ہی سے متعلق ہے ،اسی لئے کتب حدیث وفقہ میں اوقات نماز کی بابت ایک مستقل بیان رکھا گیا ہے ،سحروافطار کے لئے باریک بینی کے ساتھ وقت کا لحاظ رکھنا ضروری ہے ،اس میں کمی بیشی ہوجائے توروزہ رائگاں ہوجاتا ہے، زکوۃ کی فرضیت کے لئے سال گزرنا شرط ہے، حج مخصوص ایام میں ادا کیاجاتاہے، قربانی کیلئے ایام مقرر ہیں، ان تمام عبادات میں وقت اس درجہ اہمیت رکھتا ہے کہ اگر عبادات کی ادائیگی میں ان کے مقررہ اوقات کالحاظ نہ رکھاجائے تونوبت اساء ت وکراہت تک ہی نہیں بلکہ فسادو بطلان تک آجاتی ہے - <o:p></o:p>      عبادات کے نظام میں وقت کا ارتباط وتعلق ،احکام اسلام میں اس کی اثرانگیزی امت مسلمہ کے ہرہرفرد سے وقت کی قدردانی وقدر افزائی کا مطالبہ کررہی ہے۔<o:p></o:p>  اہل اسلام اپنے اوقات کے قدرآشنا ہوں اور آداب وسنن کے ساتھ نظام عبادات پر کاربند ہوں تو شریعت اسلامیہ پر عمل کرنے کی برکت اور اوقات کو ملحوظ رکھنے کی عادت سے ان کے اعمال وافکار میں ایسی پاکیزگی پیدا ہوگی کہ جس راہ چلیں گے ترقی ان کے قدم چومے گی‘ اونچے مراتب واعلی مناصب ان کے منتظر ہوں گے۔<o:p></o:p> <o:p></o:p> عروج آدم خاکی سے انجم سہمے جاتے ہیں<o:p></o:p> <o:p></o:p> کہ یہ ٹوٹا ہوا تارا  مہِ کامل  نہ  بن جائے<o:p></o:p> <o:p></o:p> علامہ اقبالؔ<o:p></o:p> <o:p></o:p> عمر رفتہ کا ہر لمحہ قابل قدر<o:p></o:p> <o:p></o:p>      حضور رحمۃ للعالمین صلی اللہ علیہ وآلہ وسلم نے امت کےلئے اپنے مبارک ارشادات ومقدس فرمودات میں وقت کی اہمیت بیان فرماتے ہوئے اسے نعمت قرار دیاہے، چنانچہ صحیح بخاری شریف میں حدیث پاک ہے: <o:p></o:p> <o:p></o:p> عَنِ ابْنِ عَبَّاسٍ رضي الله عنهما قَالَ قَالَ النَّبِیُّ صلی الله عليه وسلم: نِعْمَتَانِ مَغْبُونٌ فِيهِمَا کَثِيرٌ مِنَ النَّاسِ ، الصِّحَّةُ وَالْفَرَاغُ  .  <o:p></o:p> <o:p></o:p> ترجمہ:سیدنا عبداللہ بن عباس رضی اللہ عنہما سے روایت ہے آپ نے فرمایا کہ حضرت نبی اکرم صلی اللہ علیہ وآلہ وسلم  نے ارشاد فرمایا: دونعمتیں ایسی ہیں کہ اکثر لوگ اس سے غفلت میں رہتے ہیں: (1)تندرستی اور(2) فرصت۔ <o:p></o:p> <o:p></o:p>      (صحیح البخاری ،کتاب الرقاق، باب ما جاء فی الرقاق وأن لا عیش إلا عیش الآخرۃ . حدیث نمبر6412۔ زجاجۃ المصابیح ،ج4،کتاب الرقاق ،ص148)<o:p></o:p> <o:p></o:p>      جن دونعمتوں کی جانب حضرت نبی اکرم صلی اللہ علیہ وآلہ وسلم نے امت کومتوجہ فرمایا ہے وہ اوقات زندگی سے عبارت ہیں۔ <o:p></o:p> <o:p></o:p>      نیزایک روایت کے مطابق حضورپاک صلی اللہ علیہ وآلہ وسلم نے پانچ حالات کوغنیمت جاننے اور ان کی قدردانی کرنے کی تاکیدفرمائی ہے: <o:p></o:p> <o:p></o:p> وَفِيمَا رَوَی عَمْرُو بْنُ مَيْمُونٍ الأَوْدِیُّ ، مُرْسَلا ، قَالَ : قَالَ رَسُولُ اللَّهِ صلی الله عليه وسلم لِرَجُلٍ وَهُوَ يَعِظُهُ: اغْتَنِمْ خَمْسًا قَبْلَ خَمْسٍ : شَبَابَکَ قَبْلَ هَرَمِکَ ، وَصِحَّتَکَ قَبْلَ سَقَمِکَ ، وَغِنَاکَ قَبْلَ فَقْرِکَ ، وَفَرَاغَکَ قَبْلَ شُغْلِکَ ، وَحَيَاتَکَ قَبْلَ مَوْتِکَ ۔ <o:p></o:p> <o:p></o:p> ترجمہ:حضرت عمرو بن میمون اودی رضی اللہ عنہ سے روایت ہے حضرت رسول اللہ صلی اللہ علیہ وسلم نے ایک شخص سے نصیحت کرتے ہوئے فرمایا :تم پانچ چیزوں کو پانچ چیزوں سے پہلے غنیمت جانو! اپنی جوانی کو بڑھاپے سے پہلے ، اپنی تندرستی کو بیماری سے پہلے ، اپنی تونگری کو محتاجی سے پہلے ، اپنی فرصت کو مصروفیت سے پہلے اور اپنی زندگی کو موت سے پہلے۔ <o:p></o:p> <o:p></o:p>      ( الاداب للبیہقی‘ باب من قصر الأمل وبادر بالعمل قبل بلوغ الأجل‘ حدیث نمبر809۔ مشکوۃ المصابیح‘ ص443)<o:p></o:p> <o:p></o:p>      سال گزشتہ کے آغاز کے وقت کتنے لوگ ہماری معیت میں تھے جو' اب ہمارے ساتھ موجود نہیں ہیں،موت کے پنجہ نے انہیں آدبوچا، اللہ تعالی کا صدشکرہے کہ اس نے ہمیں مہلت عطافرمائی ،ہمیں چاہئیے کہ اس فرصت کوغنیمت جانیں ،زندگی کے ان لمحات کے قدرشناس بنیں، عالم شباب کواطاعت الہی میں صرف کریں اس سے پہلے کہ ضعف وکمزوری لاحق ہوجائے ،حالت صحت وتندرستی میں دین کے وہ کام کرلیں جومرض وبیماری کی کیفیت میں صحیح طورپرانجام نہیں دئے جاسکتے۔ <o:p></o:p>      زندگی کے لمحات بیش بہا ،نہایت قیمتی اور قابل قدر ہیں،اپنی عمر رواں کے بقیہ لمحات کو غنیمت جانیں،انہیں لایعنی افعال،بے فائدہ اعمال میں ہرگز صرف نہ کریں،بلکہ انہیں اللہ تعالی کی فرمانبرداری اور اس کے رسول صلی اللہ علیہ والہ وسلم  کی تابعداری میں گزاریں،انسان کو اپنی حیات مستعار کے لمحات وساعات کی اس وقت قدر ہوگی جب وہ اس عالم سے کوچ کررہا ہوتاہے،لیکن اس وقت کا افسوس کرنا بے فائدہ ثابت ہوگا،ارشاد الہی ہے:<o:p></o:p> حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ  لَعَلِّي أَعْمَلُ صَالِحًا فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا-<o:p></o:p> ترجمہ:اور یہاں تک کہ جب ان میں سے کسی کے پاس موت آتی ہے تو وہ اس وقت کہتا ہے:اے میرے رب!مجھے دنیا میں واپس بھیج دے،تاکہ میں جس (دنیا)کو چھوڑکرآیا ہوں اس میں پھر جاکر نیک کا م کروں،ہرگز ایسا نہيں ہوگا،یہ تو اس کی ایک بات ہے جسے وہ کہتا جارہا ہے-(سورۃ المؤمنون"99/100)<o:p></o:p> طاعت الہی سے غافل رہکر جن اوقات کو لایعنی امور میں ضائع کیا جاتا ہے،جہنم میں جانے کے بعد بھی بندہ اس پر افسوس کرتاہے،سورۃ المؤمنون میں ہے:<o:p></o:p> رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ  قَالَ اخْسَئُوا فِيهَا وَلَا تُكَلِّمُونِ -<o:p></o:p> ترجمہ:وہ لوگ کہینگے:اے ہمارے رب!ہم کو اس جہنم سے نکال دے،اگر ہم دوبارہ (ایسا عمل)کریں تو بیشک ہم ظالم ہیں،ارشاد ہوگا:ذلت ورسوائی کے ساتھ اسی جہنم میں پڑے رہواور مجھ سے بات مت کرو-(سورۃ المؤمنون:108)<o:p></o:p>        زندگی کا ایک ایک لمحہ اس قدر بیش بہا،گراں قیمت اور قابل قدر ہے کہ اہل جنت کوجنت میں داخل ہونے کے بعد بھی لمحات حیات کے بے فائدہ گزرجانے پرحسرت ہوگی-<o:p></o:p> مسند امام احمد اور کنزالعمال شریف ،کتاب السلام وفضائلہ،حق المجالس والجلوس میں حدیث پاک ہے:<o:p></o:p>        عَنْ أَبِیْ هُرَيْرَةَ عَنِ النَّبِیِّ صلی الله عليه وسلم قَالَ  مَا قَعَدَ قَوْمٌ مَقْعَداً لاَ يَذْکُرُونَ اللَّهَ عَزَّ وَجَلَّ وَيُصَلُّونَ عَلَی النَّبِیِّ إِلاَّ کَانَ عَلَيْهِمْ حَسْرَةً يَوْمَ الْقِيَامَةِ وَإِنْ دَخَلُوا الْجَنَّةَ لِلثَّوَابِ . <o:p></o:p> <o:p></o:p> ترجمہ:کوئی قوم ایسی محفل نہیں سجاتی جس میں وہ اللہ کا ذکر نہیں کرتی اور حضرت نبی پاک صلی اللہ علیہ وسلم کی خدمت اقدس میں درودشریف نہیں پڑھتی مگر یہ کہ وہ محفل قیامت کے دن ثواب کی کمی وجہ سے ان کےلئے حسرت کاسبب ہوتی ہے اگرچہ وہ جنت میں داخل ہوجائیں ۔ <o:p></o:p> <o:p></o:p>      (مسند الامام احمد ، حدیث نمبر10225۔ کنزالعمال ،کتاب السلام وفضائلہ،حق المجالس والجلوس،حدیث نمبر25454)<o:p></o:p> <o:p></o:p> روز حشر عمر‘ علم‘ مال اور جسم سے متعلق سوالات<o:p></o:p> <o:p></o:p>      اعمال کے حساب وکتاب کا معاملہ وقت ہی سے متعلق ہے ،عمر کے اوقات کے بارے میں بروزقیامت سوال کیا جائے گا۔ <o:p></o:p> <o:p></o:p>      جامع ترمذی شریف میں حدیث پاک ہے: <o:p></o:p> <o:p></o:p> لاَ تَزُولُ قَدَمَا عَبْدٍ يَوْمَ الْقِيَامَةِ حَتَّی يُسْأَلَ عَنْ عُمْرِهِ فِيمَا أَفْنَاهُ وَعَنْ عِلْمِهِ فِيمَا فَعَلَ وَعَنْ مَالِهِ مِنْ أَيْنَ اکْتَسَبَهُ وَفِيمَا أَنْفَقَهُ وَعَنْ جِسْمِهِ فِيمَا أَبْلاَهُ ۔<o:p></o:p> <o:p></o:p>      ترجمہ: انسان کے قدم اس وقت تک نہیں ہٹیں گے جب تک کہ چار چیزوں کے بارے میں سوال نہ کیا جائے:اس کی عمر کے بارے میں کہ اسے کہاں گزاراہے؟ اس کے علم کے بارے میں کہ اس پر کہاں تک عمل کیا؟ اس کے مال کے بارے میں کہ اسے کہاں سے کمایا ہے اور کہاں خرچ کیا ہے؟ اور اس کے جسم کے بارے میں کہ اس کی توانائیوں کو کہاں صرف کیا ہے؟۔ <o:p></o:p> <o:p></o:p>      (جامع الترمذی ‘ ابواب صفۃ القیامۃ‘ باب فی القیامۃ‘ حدیث نمبر2602۔ کنزالعمال ،کتاب القیامۃ من قسم الاقوال،الباب الاول فی امورتقع قبلہا،الحساب ،حدیث نمبر38983)<o:p></o:p>      حبیب پاک صلی اللہ علیہ وسلم کے یہ راہنما یانہ مقدس ارشادات وقت کی قدردانی کرنے کی ترغیب دے رہے ہیں،غفلت وکوتاہی اورتضییع اوقات سے منع کررہے ہیں۔ <o:p></o:p> <o:p></o:p> اوقات اور ان کی نہ رکنے والی رفتار‘ لمحۂ فکر<o:p></o:p> <o:p></o:p>      وقت اپنی رفتا رکے ساتھ گزررہا ہے، ہم نے پچھلے سال کے بارہ مہینے بسر کئے ،52 ہفتے گزارے،کامل ایک سال کا سفر طئے کیا، رخصت ہورہے سال کا اختتام ہم سے سوال کررہا ہے کہ جس سال کوتم رخصت کررہے ہواس کے لمحات وساعات کی تم نے کیا قدردانی کی؟<o:p></o:p> <o:p></o:p>      لیل ونہار کی رفتار ہم سے یہ استفسار کررہی ہے کہ گزشتہ سال تم کس حدتک احکام اسلام پرعمل پیرارہے؟ آخری دن کا آفتاب ڈوبتے ڈوبتے دریافت کررہا ہے کہ تم نے صبح وشام حدودشریعت کی کس حدتک پاسداری وپاسبانی کی؟<o:p></o:p> <o:p></o:p>      اس موقع پر ہم اپنے اعمال کا محاسبہ کریں، جیسا کہ حضرت عمر رضی اللہ عنہ نے فرمایاہے:<o:p></o:p> <o:p></o:p> عَنْ عُمَرَ قَالَ فِیْ خُطْبَتِهٖ حَاسِبُوْا أَنْفُسَکُمْ قَبْلَ أَنْ تُحَاسَبُوْا فإنَّه  أْهوَنُ لِحِسَابِکُمْ، وَزِنُوْا أنْفُسَکُمْ قَبْلَ أنْ تُوْزَنُوْا وَتَزَيَّنُوْا لِلْعَرْضِ الأَکْبَرِ يَوْمَ ( تُعْرَضُوْنَ لَا تَخْفٰی مِنْکُمْ خَافِيَةٌ) ۔<o:p></o:p> <o:p></o:p>        ترجمہ: سیدنا عمر رضی اللہ عنہ نے اپنے خطبہ میں ارشاد فرمایا:۔ تم اپنے آپ کا محاسبہ کرواس سے پہلے کہ تم سے محاسبہ کیا جائے کیونکہ وہ تمہارے حساب کے لئے آسانی کا باعث ہے اور تم اپنے نفسوں کا جائزہ لو اس سے پہلے کہ تمہارا جائزہ لیا جائے اور بڑی پیشی کے لئے تیار رہوجس دن تمہیں بارگاہ رب العزت میں پیش کیا جائے گا تمہاری کوئی پوشیدہ چیزچھپی نہیں رہے گی۔ <o:p></o:p> <o:p></o:p>      (کنزالعمال،کتاب المواعظ والرقائق والخطب والحکم من قسم الافعال،خطب عمرومواعظہ رضی اللہ عنہ،حدیث نمبر: 44203) <o:p></o:p> <o:p></o:p>      حدیث پاک پرعمل کرتے ہوئے ہم رخصت ہورہے سال کے شب وروزپر نظردوڑائیں،ہم نے حقوق اللہ کس حدتک اداکئے،نمازوں کی ادائیگی کا کیا معاملہ رہا،کیا ہم نے نمازیں برغبت وشوق باجماعت اداکی ہیںیاآخری وقت تک ٹالتے اورمؤخر کرتے رہے؟ کیاہم نے فریضۂ زکوۃ کیلئے صحیح طور پراموال کا حساب کیایاتنگدستوں اورناداروں کا حق لے لیا؟ کیا ہم نے رمضان المبارک کے روزوں کا تقوی وپرہیزگاری کے ساتھ اہتمام کیا یا ماہ رمضان کی حرمت کو پامال کیا؟ ،ماہ رمضان کے ذریعہ ہم نے پرہیزگاری کے سلسلہ میں کتنی ترقی کی۔<o:p></o:p> <o:p></o:p>      ہم اپنے رات ودن کودیکھیں کہ حقوق العباد کی ادائیگی کس طور پرہوئی ،ہم نے والدین کی اطاعت وفرمانبرداری کی یا ان کی خدمت میں تساہل برتا؟ اولاد کی تربیت کاحق اداکیا یاکوئی کسرباقی رہ گئی؟ رشتہ داروں سے حسن سلوک اور پڑوسیوں سے اچھابرتاؤقائم رکھا یا بے تعلقی وبدسلوکی نے سلسلہ منقطع کردیا؟ ملنے جلنے والوں کے ساتھ محبت ومودت کے ساتھ پیش آئے یانفرت وعداوت کی آگ بھڑکائی؟قرابتداروں، ہمسایوں اور دیگراحباب کے ساتھ نشست وبرخاست ،مجالست ومخالطت میں ہمارا اخلاقی معیار کتنابلندرہا ؟ <o:p></o:p> <o:p></o:p> سال نو کے آغاز پر زندگی کے ہر گوشہ کا محاسبہ<o:p></o:p> <o:p></o:p>      ہم اس سال کوخیرباد کہتے ہوئے غورکرلیں کہ کیا تجارت وکاروبار میں ہم نے احکام شریعت کو پیش نظر رکھا یا محض تجارتی فائدہ کی بنیاد پر معاملات کرتے رہے؟ کیا ہم نے حلال وحرام کے درمیان فرق کیا یا ہر قسم کے مال کو اپنا لقمہ بنا لیا؟ ملازمین ومزدوروں سے کام لیتے ہوئے کیا ہم نے انہیں طاقت کے مطابق ذمہ داری دی یا ان پر طاقت سے زائد بوجھ ڈال کر ظلم کے مرتکب ہوئے؟ <o:p></o:p> <o:p></o:p>      ہمارا محاسبہ زندگی کے ہرشعبہ اور ہرگوشہ سے متعلق ہو،نہ صرف محاسبہ بلکہ آئندہ کےلئے منصوبہ بندی کی جائے کہ سال گزشتہ جوکوتاہی اور سہل انگاری ہوئی وہ دہرائی نہیں جائیگی،حصول تعلیم کی بات ہو یاکاروباروتجارت کامعاملہ ،احکام شریعت کے مطابق مکمل نظم ونسق،انتظام وانصرام کے ساتھ کیاجائیگا۔ <o:p></o:p> <o:p></o:p>      شخصی وانفرادی ،ملی واجتماعی،سماجی ومعاشرتی ،معاشی واقتصادی ،سیاسی ومذہبی،ملکی وبین الاقوامی ہرجہت میں اور ہرسطح پرہمیں غورکرنا چاہئیے کہ ہم نے ترقی کے کتنے زینے طے کئے،پستی وزوال سے کتنا دوچار ہوئے، ترقی کی راہیں کیارہیں،پستی وزوال کے وجوہ واسباب کیاتھے۔ <o:p></o:p> <o:p></o:p> <o:p></o:p> نعمت عمر پر شکر گزاری‘ طاعت پر استقامت کاعہد کریں<o:p></o:p> <o:p></o:p>      جس شخص نے یہ بارہ مہینے اسلامی احکام پرعمل پیرارہ کرگزارے،شریعت اسلامیہ پرکاربندرہ کربسرکئے، حدودشریعت پھلانگنے اورقانون الہی کوپائے مال کرنے کی جرأت وجسارت نہیں کی تو وہ خوش نصیب بارگاہ الہی میں شکرگزار رہے، خود اپنے لئے اور تمام عالم اسلام کےلئے اطاعت واتباع کاجذبہ لئے ہوئے ،دل کے آشیانہ میں محبت رسول صلی اللہ علیہ وسلم کی شمع جلاتے ہوئے استقامت واستقلال کے ساتھ آئندہ برس وتمام عمر گزارنے کی دعاکرے ۔ <o:p></o:p> <o:p></o:p>      اور جس شخص کی حالت اس سے جداگانہ ہو،جس کا سالِ گزشتہ اللہ اور اس کے حبیب صلی اللہ علیہ وسلم کی مرضی کے خلاف گزراہو،اس سے کوتاہیاں سرزدہوگئی ہوں ،اسے چاہئیے کہ اپنے اعمال سیئہ پرکف افسوس ملے ،ندامت کے آنسو بہائے اوریہ محکم ارادہ کرلے کہ میں آئندہ زندگی کا ہرلمحہ اس طرح گزاروں گا جس طرح زندگی بخشنے والے کا حکم ہے ،ہرساعت حبیب پاک صلی اللہ علیہ وسلم کی اطاعت شعاری ووفاداری کے جذبہ سے سرشار رہونگا، ہرگھڑی دل آپ صلی اللہ علیہ وسلم کی محبت سے شادوآبادرہے گا۔ <o:p></o:p> <o:p></o:p>      سال نو کاآغاز یقینا اللہ کی نعمت ہے ،ایک مدت کا اختتام اور دوسری مدت کا آغاز عطاء الہی ہے ،اس انعام خداوندی اور عطاء الہی پر پیش گاہ ذوالجلال میں نذرانۂ شکر پیش کرنا چاہئے لیکن اس موقع پرباہم مبارکبادی دینا، تہنیت پیش کرنا شرعاً منع تو نہیں ہے تاہم سلف صالحین وبزرگان دین نے ہمیشہ ماحول اوررسم ورواج سے بالاتر ہوکر مقاصد کوپیش نظر رکھا، دینی اغراض کو اپنا مطمح نظربنایا اور اخروی منافع پر اپنی تمام تر توجہ مرکوز کی۔ <o:p></o:p> <o:p></o:p> اسلامی سال کا آغاز واختتام ایثاروقربانی کا آئینہ دار<o:p></o:p> <o:p></o:p>      اسلامی سال کا آغاز توخلیفۂ دوم فاروق اعظم رضی اللہ عنہ کی شہادت اورسید الشہداء امام حسین رضی اللہ تعالی عنہ کی شہادت عظمی سے ہوتا ہے اوراختتام حج وقربانی اور خلیفۂ سوم عثمان غنی رضی اللہ عنہ کی شہادت کے مہینہ پرہوتا ہے ،سال کا آغاز واختتام اس جانب اشارہ کررہاہے کہ اہل اسلام کے شب وروز،ماہ وسال خالص اللہ تعالی کے لئے ہونے چاہئیے، آٹھوں پہر اس کی رضا وخوشنودی مقصود ہو۔ <o:p></o:p> <o:p></o:p> مسلمان اپنے اقدار کی حفاظت کریں<o:p></o:p> <o:p></o:p>      لیکن وائے برحال مسلماناں کہ مقاصد سے دور رسم ورواج میں مبتلا ہوچکے ہیں اور رسم ورواج بھی ایساکہ ہماری مسلمانی کوداغدارکررہا ہے، کیا دین اسلام میں رقص وسرود کاکوئی جواز نکالاجاسکتا ہے؟ کیا شراب میں،جو ام الخبائث ہے، مدہوش ومجنون کردینے کااثرباقی نہیں رہا؟  <o:p></o:p> <o:p></o:p>      پھرکیا وجہ ہے کہ مسلمان اپنے تقدس کوخودپائے مال کرکے اِن اخلاقی رذائل کواختیارکرچکے ہیں،ان افعال کے کرگزرنے سے ان کے لئے نہ شریعت مانع رہی اور نہ اخلاق،جب کہ قوم مسلم تووہ قوم ہے جس نے گزشتہ صدیوں میںتجارت وکاروبار، سیاست وحکومت ،اخلاق وکردار، امانت وصداقت ،تہذیب وتمدن ہر گوشۂ عمل میں اقوام عالم کی امامت وپیشوائی کی اور آج ہرپستی وزوال اس کے دامن سے وابستہ ہے، اس کسمپرسی کے عالم میں ہم مسلمان اگر عزت ووقار اورترقی وعروج چاہتے ہیں تواسلامی تعلیمات پرپھرسے عمل کرنے لگیں ،قرآن کریم کودوبارہ مضبوطی سے تھام لیں،سنت نبوی علی صاحبہا الصلوۃ والسلام کواپنا دستور عمل بنالیں، صحابۂ کرام علیہم الرحمۃ والرضوان کاطریقہ اختیارکریں ،اہل بیت نبوت سے وابستگی رکھیں ،سلف صالحین واہل اللہ کے بتلائے ہوئے راستہ پر چلتے رہیں، کامیابی وکامرانی ہمارے قدم چومے گی،فتح ونصرت ہمارا مقدرہوگی۔ <o:p></o:p> <o:p></o:p> نہیں اقبال ناامیداپنی کشتِ ویراں سے<o:p></o:p> <o:p></o:p> ذرا نم ہو تو یہ مٹی بڑی زرخیز ہے ساقی<o:p></o:p> <o:p></o:p>          اللہ تعالی ہمیں وقت کی قدر دانی کرنے اور وقت کو اس کی رضا وخوشنودی کے لئے گزارنے کی توفیق عطا فرمائے۔<o:p></o:p> آمین وآخردعوانا ان الحمد للہ رب العالمین ۔<o:p></o:p>        مولانا مفتی حافظ سید ضیاء الدین نقشبندی دامت برکاتہم العالیہ<o:p></o:p> شیخ الفقہ جامعہ نظامیہ وبانی ابو الحسنات اسلامک ریسرچ سنٹر<o:p></o:p>  <a href="http://www.ziaislamic.com/">www.ziaislamic.com</a><o:p></o:p> <o:p> </o:p> <o:p> </o:p>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Burning Topics

سال نو کا پیغام'عالم انسانیت کے نام

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Burning Topics

&#1587;&#1575;&#1604; &#1606;&#1608; &#1705;&#1575; &#1662;&#1740;&#1594;&#1575;&#1605;'&#1593;&#1575;&#1604;&#1605; &#1575;&#1606;&#1587;&#1575;&#1606;&#1740;&#1578; &#1705;&#1746; &#1606;&#1575;&#1605;

سال نو کا پیغام'عالم انسانیت کے نام