گستاخانہ فلمسازی بدترین جرم

اللہ تعالی نے اپنے حبیب پاک صلی اللہ علی وسلم کو سردار انبیاء وتاجدار مرسلین بنایا، آپ کو عظمت ورفعت ، شرافت وبزرگی بخشی ، آپ کی ذات اقدس کو ساری مخلوق میں سب سے زیادہ باعظمت ، والاقدر ، صاحبِ شرافت وبزرگی بنایا، اللہ تعالی کا ارشاد ہے :<o:p></o:p>  إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا لِتُؤْمِنُوا بِاللَّهِ وَرَسُولِهِ وَتُعَزِّرُوهُ وَتُوَقِّرُوهُ ۔<o:p></o:p> ترجمہ : (اے حبیب صلی اللہ علیہ وسلم ) بے شک ہم نے آپ کو گواہ ، خوشخبری دینے والا اور ڈرانے والا بناکر بھیجا تاکہ (اے لوگو!)تم اللہ اور اس کے رسول پر ایمان لے آؤ، ان کی تعظیم وتوقیر کرو۔ (سورۃ الفتح : 8/9)<o:p></o:p>        مذکورہ آیات مبارکہ میں حضرت نبی اکرم صلی اللہ علیہ وسلم کی حددرجہ ادب واحترام ، تعظیم وتکریم کرنے کا حکم دیا گیاہے ، اسی حکم کے باعث صحابہ کرام علیہم الرضوان حضور اکرم صلی اللہ علیہ وسلم کی خدمت اقدس میں پیکر ادب بنے رہتے ،جس کی مثال صلح حدیبیہ سے متعلق صحیح بخاری شریف کی مندرجۂ ذیل حدیث پاک میں ملتی ہے ، صلح حدیبیہ کے موقع پر مشرکین مکہ کے نمائندہ عروہ بن مسعود ثقفی نے (وہ اس وقت تک اسلام قبول نہیں کئے تھے )صحابہ کرام کا بارگاہ نبوی میں ادب واحترام دیکھنے بعد اپنی قوم کے سامنے تاثّر پیش کرتے ہوئے کہا:<o:p></o:p>  أَىْ قَوْمِ ! وَاللَّهِ لَقَدْ وَفَدْتُ عَلَى الْمُلُوكِ ، وَوَفَدْتُ عَلَى قَيْصَرَ وَكِسْرَى وَالنَّجَاشِىِّ وَاللَّهِ إِنْ رَأَيْتُ مَلِكًا قَطُّ ، يُعَظِّمُهُ أَصْحَابُهُ مَا يُعَظِّمُ أَصْحَابُ مُحَمَّدٍ  صلى الله عليه وسلم مُحَمَّدًا ، وَاللَّهِ إِنْ تَنَخَّمَ نُخَامَةً إِلاَّ وَقَعَتْ فِى كَفِّ رَجُلٍ مِنْهُمْ ، فَدَلَكَ بِهَا وَجْهَهُ وَجِلْدَهُ ، وَإِذَا أَمَرَهُمُ ابْتَدَرُوا أَمْرَهُ وَإِذَا تَوَضَّأَ كَادُوا يَقْتَتِلُونَ عَلَى وَضُوئِهِ ، وَإِذَا تَكَلَّمَ خَفَضُوا أَصْوَاتَهُمْ عِنْدَهُ ، وَمَا يُحِدُّونَ إِلَيْهِ النَّظَرَ تَعْظِيمًا لَهُ ۔ <o:p></o:p> ترجمہ : اے میری قوم ! قسم بخدا! میں بادشاہوں کے دربار وں میں وفد لے کر جاچکاہوں ، میں قیصر وکسریٰ اور نجاشی کے دربار میں بحیثیتِ نمائندہ گیا ہوں، اللہ کی قسم ! میں نے کوئی ایسا بادشاہ نہیں دیکھا جس کے درباری اُس کی اس طرح تعظیم کرتے ہوں جس طرح محمد صلی اللہ علیہ وسلم کے اصحاب ان کی تعظیم کرتے ہیں ، اللہ کی قسم ! جب آپ تھوکتے ہیں تو آپ کا لعاب دہن اُنہی میں سے کسی کی ہتھیلی پر گرتاہے ، اُسے وہ اپنے چہرہ اور بدن پر مل لیتا، جب آپ کوئی حکم فرماتے ہیں تو وہ حکم کی تعمیل کے جھپٹتے ہیں ، جب آپ وضو فرماتے ہیں تو ایسا معلوم ہوتاہے کہ لوگ وضو کا استعمال کیا ہوا پانی حاصل کرنے کے لئے آپس میں لڑنے کے لئے آمادہ ہوجائیں گے ، وہ آپ کی خدمت میں اپنی آوازوں کو پست رکھتے ہیں اور حددرجہ تعظیم کی وجہ سے آپ کو آنکھ بھر کر نہیں دیکھ سکتے ۔(صحیح البخاری ، کتاب الشروط ، باب الشروط فی الجھاد والمصالحۃمع اہل العرب وکتابۃ الشروط،حدیث نمبر:2732.2731) <o:p></o:p>        اس حدیث پاک سے اندازہ کیا جاسکتا ہے کہ اہل اسلام اپنے نبی اکرم صلی اللہ علیہ وسلم سے غایت درجہ محبت رکھتے ہیں اور آپ کی انتہائی عظمت بجالاتے ہیں ۔ <o:p></o:p> بے مثال ذات شریفہ کا رول ادا کرنا،ممکن نہیں<o:p></o:p>        حضور اکرام صلی اللہ علیہ وسلم کی ذات اقدس بے مثال ہے ، پروردگارِ عالم نے کائنات میں اس قدر عظمت ورفعت والا ایک ہی وجود بنایاہے ، سورۃ البقرۃ میں اللہ تعالی کا ارشاد ہے :<o:p></o:p>  فَأْتُوا بِسُورَةٍ مِنْ مِثْلِهِ۔<o:p></o:p> ترجمہ : اس جیسی کوئی سورت لے آؤ۔ (سورۃ البقرۃ:23)<o:p></o:p>        مذکورہ آیت کریمہ کی ایک تفسیر یہ کی گئی ہے کہ حضور صلی اللہ علیہ وسلم کی طرح کوئی شخصیت لے آؤ ۔<o:p></o:p> یہ خدائی چیلنج بتلاتاہے کہ آپ جیساکوئی وجود کائناتِ پست وبالا میں نہیں ۔ <o:p></o:p> جیساکہ تفسیر مدارک التنزیل وحقائق التاویل میں ہے :<o:p></o:p>  والضمير لما نزلنا أى بسورة كائنة من مثله يعنى فأتوا بسورة مما هو على صفته فى البيان الغريب وعلو الطبقة فى حسن النظم أو لعبدنا أى فأتوا ممن هو على حاله من كونه اميا لم يقرأ الكتب ولم يأخذ من العلماء۔( تفسیر مدارک التنزیل وحقائق التاویل، سورۃ البقرۃ:23)<o:p></o:p>        اس کی تائید خصائص الکبریٰ کی اس روایت سے ہوتی ہے کہ حضرت جبرئیل امین علیہ السلام بھی آپ کے فضل و کمال میں یکتا ہونے  کا اعلان کررہے ہیں ۔ بیہقی طبرانی اور ابن عساکر کی روایت ہے قلبت الارض مشارقھا و مغاربھا فلم اجد رجلا افضل من محمد صلی اللّٰہ علیہ وسلم۔  میں نے زمین کے مشرق و مغرب کو چھان ڈالا لیکن پیکر حمد و ثناء حضرت سیدنا محمد صلی اللہ علیہ وسلم سے زیادہ فضیلت والا کسی کو نہ پایا ۔ (خصائص کبریٰ ج1ص318)<o:p></o:p> اللہ تعالی نے حضور صلی اللہ علیہ وسلم کو اس شان کے ساتھ مبعوث فرمایاکہ آپ کی صورت وسیرت بے مثال ہے ، اخلاق وکردار لاجواب ہے ، شمائل مبارکہ سراپائے اقدس بے نظیر ہیں ، اخلاق عظیمہ سے متعلق اللہ تعالی کا ارشاد ہے :<o:p></o:p>  وَإِنَّكَ لَعَلَى خُلُقٍ عَظِيمٍ ۔<o:p></o:p> ترجمہ : اور بے شک آپ شاندار اخلاق پر ہیں ۔ (سورۃ نٓ:1)<o:p></o:p> "خلق عظیم"حضرت نبی اکرم صلی اللہ علیہ وسلم ہی کی خصوصیت ہے ، انبیاء کرام جیسی عظیم ہستیوں میں بھی کوئی ،،خلق عظیم ،، سے متصف نہیں ، حضور صلی اللہ علیہ وسلم کے اخلاق عظیمہ یا کوئی ایک صفت عالیہ حاصل کرنا تو بڑی ہی اونچی بات ہے ، صحابہ کرام تمام امت میں سب سے زیادہ بزرگ افراد ہیں اور ان حضرات کا یہ عقیدہ ہے کہ تمام صحابہ کرام حضور صلی اللہ علیہ وسلم کی کسی ایک حالت وکیفیت کے برابر نہیں ہوسکتے ، جیسے آپ کے بیٹھنے کی کیفیت ، اُٹھنے کی حالت ، چلنے کی ہیئت وغیرہ ۔ <o:p></o:p>        جیساکہ صحیح بخاری شریف میں حدیث پاک ہے ، صحابہ کرام علیہم الرضوان جیسی پاکیزہ ہستیوں نے یک زبان ہوکر عرض کیا :<o:p></o:p>  إِنَّا لَسْنَا كَهَيْئَتِكَ يَا رَسُولَ اللَّهِ !<o:p></o:p> ترجمہ :یارسول اللہ صلی اللہ علیہ وسلم ! ہم سب مل کر آپ کی کسی ایک حالت کی طرح نہیں ہوسکتے ۔(صحیح البخاری،کتاب الایمان،باب قول النبی انا اعلمکم باللہ ، حدیث نمبر:20 )<o:p></o:p>        اسلامی اصول کے مطابق کسی بھی شخص کا رول اختیار کرکے اداکاری کرنا ،دھوکہ دہی کے دائرہ میں آتاہے اور حضرت نبی اکرم صلی اللہ علیہ وسلم کارول اختیار کرنے کا کوئی شخص تصور نہیں کرسکتا، ایسی باعظمت وبے مثال ذات ِ اقدس کا رول اداکرنے کی فکر بھی بدبختانہ وگستاخانہ حرکت ہے چہ جائیکہ اس رول کو ادا کیاجائے۔ <o:p></o:p>        اہل اسلام حضور صلی اللہ علیہ وسلم کی منسوبات شریفہ کا بھی نہایت ادب کرتے ہیں اور اس کی تنقیص شان ہرگز گوارا نہیں کرتے ، بطور مثال صحیح بخاری شریف کی حدیث پاک ملاحظہ ہو :<o:p></o:p>  حَدَّثَنَا مُعْتَمِرٌ قَالَ سَمِعْتُ أَبِى أَنَّ أَنَسًا رضى الله عنه قَالَ قِيلَ لِلنَّبِىِّ صلى الله عليه وسلم  لَوْ أَتَيْتَ عَبْدَ اللَّهِ بْنَ أُبَىٍّ . فَانْطَلَقَ إِلَيْهِ النَّبِىُّ  صلى الله عليه وسلم  وَرَكِبَ حِمَارًا ، فَانْطَلَقَ الْمُسْلِمُونَ يَمْشُونَ مَعَهُ ، وَهْىَ أَرْضٌ سَبِخَةٌ ، فَلَمَّا أَتَاهُ النَّبِىُّ  صلى الله عليه وسلم فَقَالَ إِلَيْكَ عَنِّى ، وَاللَّهِ لَقَدْ آذَانِى نَتْنُ حِمَارِكَ . فَقَالَ رَجُلٌ مِنَ الأَنْصَارِ مِنْهُمْ وَاللَّهِ لَحِمَارُ رَسُولِ اللَّهِ  صلى الله عليه وسلم أَطْيَبُ رِيحًا مِنْكَ .<o:p></o:p> ترجمہ : حضرت معتمر رضی اللہ عنہ نے بیان کیا : میں نے اپنے والد سے سنا کہ سیدنا انس رضی اللہ عنہ نے فرمایا: حضرت نبی اکرم صلی اللہ علیہ وسلم سے گزارش کی گئی کہ اگر آپ عبداللہ بن ابی (جومنافق تھا)کے پاس تشریف لے جائیں تو بہتر ہوگا (شاید وہ توبہ کرلے) تو حضور صلی اللہ علیہ وسلم اس کے پاس دراز گوش پر سوار ہوکر تشریف لائے اور مسلمان آپ کے ساتھ چلے جب کہ وہ کیچڑ والی زمین تھی ، جب حضرت نبی اکرم صلی اللہ علیہ وسلم اُس کے پاس تشریف لائے تو بدبخت نے کہا: مجھ سے دور رہیں ، اللہ کی قسم ! آپ کی سواری کی بو سے مجھے تکلیف ہورہی ہے ۔ نعوذ باللہ من ذالک ، اسی وقت حاضرین میں سے ایک انصاری صحابی نے کہا : قسم بخدا ! اس میں کوئی شک نہیں کہ اللہ کے رسول صلی اللہ علیہ وسلم کی سواری تجھ سے زیادہ خوشبودار ہے ۔ (صحیح بخاری ، کتاب الصلح، باب ماجاء فی اصلاح بین الناس، حدیث نمبر:2691 )<o:p></o:p> گستاخانہ فلمسازی ناقابل معافی جرم<o:p></o:p>        شریعت اسلامیہ میں کسی جاندار کا کارٹون بنانا، ممنوع وناجائز ہے ، برگزیدہ ہستیوں جیسے صالحین ِامت اور صحابہ کرام کے کارٹونس بنانا اور زیادہ سخت ممنوع عمل ہے ، یہ دراصل اُن ہستیوں کی گستاخی وتنقیص ہے ، اس سے واضح ہوگیا کہ حضرت نبی اکرم صلی اللہ علیہ وسلم کا نعوذباللہ کارٹون بنانا، ممنوع ہے ، آپ کی شان اقدس میں گستاخی ہے ، تو پھر اُن لوگوں نےکیسی شقاوت وبدبختی کا اظہار کیا ہےجنہوں نے حضور صلی اللہ علیہ وسلم کی باعظمت شخصیت پر فلم سازی کی ۔ <o:p></o:p> اس گستاخانہ فلم میں اسلام کے خلاف کئی امور کوغلط انداز میں پیش کیاگیا ، مسلمانوں کو ظالم ودہشت گرد، بتلایاگیا،اگر فلمساز بدبختوں نے اسلامی تاریخ کے مطابق بھی فلم بنائی ہوتی تب بھی یہ انتہائی مذموم وگستاخانہ حرکت ہے ، اس لئے کہ حضرت نبی اکرم صلی اللہ علیہ وسلم کی ذات اقدس کی نسبت محض فلمسازی ہی ناقابل معافی جرم اور انتہائی درجہ کی گستاخی ہے ۔ <o:p></o:p> گستاخانہ فلم سے مسلمانوں کے جذبات مجروح<o:p></o:p>           مذکورہ آیات مبارکہ واحادیث کریمہ سے واضح ہوتاہے کہ اہل اسلام ذات رسالتمآب صلی اللہ علیہ وسلم کا اور آپ کی صفات جمیلہ کا بے انتہاء ادب بجالاتے ہیں ، آپ کی منسوبات شریفہ کا نہایت درجہ احترام کرتے ہیں ، گستاخانہ فلم کے ذریعہ مسلمانوں کی اس قدر معظم ومقدس شخصیت کی تنقیص وگستاخی کی گئی ، اس سے ساری دنیامیں مسلمانوں کے جذبات مجروح ہوئے ہیں اور مسلمانوں کو شدید روحانی تکلیف پہنچی ہے، اس فلم کے ذریعہ بدبخت گستاخوں نے احترام وتقدس کے حدود پامال کئے ، تہذیب وشائستگی کے دائرہ کو چاک کیا ، بدتمیزی وبے حیائی کا طوفان بپا کیا ، بداخلاقی وبدکرداری کی انتہا کو پہنچ گئے ، چودہ صدیوں سے دیگر مذاہب کے رہنماؤں نے جن کی ہرآئنہ تعریف کرکے خراج پیش کیا؛ان کی توہین کرنے کی اجازت کوئی سنجیدہ ودانشور شخص نہیں دےسکتا۔<o:p></o:p>  کسی کی توہین آمیز حرکت سے نبی اکرم صلی اللہ علیہ وسلم کی عظمت ورفعت میں کچھ بھی کمی نہیں آتی ، تاہم مسلمانوں کو اس گستاخی کا اپنی تمام صلاحیتوں کا استعمال کرتے ہوئے پُر امن جواب دینا چاہئے ، اس کے لئے مسلمان زبان وقلم ، اثرورسوخ ، ہر ذریعہ کو بروئے کار لائیں ، پرنٹ میڈیا والکٹرانک میڈیا کا استعمال کریں  اور عملی میدان میں آگے بڑھتے ہوئے قانونی چارہ جوئی کریں ، ملکی وبین الاقوامی سطح پر مذہبی تشخص کی حفاظت اور شعائرِاسلام کے تحفظ کے لئے قرارداد منظور کی جائے ، اس سلسلہ میں تمام مسلم ممالک پیش پیش رہیں ۔<o:p></o:p> ہم مسلمان اس بات کا سختی سے مطالبہ کرتے ہیں کہ اس توہین آمیز وگستاخانہ فلم کو گوگل ، یوٹیوب اور دیگر تمام ویب سائٹس سے عالمی طور پر مستقل حذف کردیا جائے ، اس کے ہر چھوٹے بڑے کلپس (Clips)اور تصاویر (Images)کو بلاک کیا جائے اور فلمسازی میں حصہ لینے والے تمامافراد کے خلاف کارروائی کی جائے ، اس کے لئے ساری دنیا کے مسلم حکمراں اور ذی اثر شخصیتیں مذکورہ مطالبہ کی تکمیل کے لئے امریکہ پر دباؤ ڈالیں۔ <o:p></o:p> سوشیل میڈیا کو قانون کی لگام دی جائے<o:p></o:p>         اظہار رائے کی آزادی کا یہ مطلب ہرگز نہیں کہ  مذہبی شخصیتوں کی توہین کی جائے ان کے احترام  کو پامال کیا جائے، احترام مذاہب اور اظہار رائے کی آزادی کے درمیان ٹکراؤ نہیں بلکہ توازن ہونا چاہئے ،امریکہ میں جس طرح عیسائی مذہب کی توہین کرنے پر سزادی جاتی ہے ، دیگر تمام مذاہب اور مذہبی مقدس شخصیتوں سے متعلق اسی طرح قانون بنایا جائے ، اقوام متحدہ میں اُسے منظور کیا جائے ؛ تاکہ کوئی شخص مذہب یا کسی مذہبی شخصیت کی توہین کرکے فساد بپا نہ کرسکے ، گوگل ، یوٹیوب اور اس طرح کی جتنی ویب سائٹس گستاخانہ مواد کی اشاعت کرتی ہیں مسلمانوں کی چاہئے کہ اُسے اپنے اپنے ملک میں مستقل طور پر بلاک کردیں اور خود مسلم ممالک متحدہ طور پر ،، مسلم یوٹیوب ،، لانچ کریں ، اس کے دو فائدے ہوں گے ، ایک تو کچھ عرصہ بعد عالمی طور پر سوشیل میڈیا میں خود مسلمانوں کا حصہ ہوگا ، دوسرے گستاخانہ مواد فراہم کرنے والی ویب سائٹس کے ناظرین کم ہوں گے ۔ <o:p></o:p> از:مولانا مفتی حافظ سید ضیاء الدین نقشبندی دامت برکاتہم<o:p></o:p> شیخ الفقہ جامعہ نظامیہ وبانی ابو الحسنات اسلامک ریسرچ سنٹر<o:p></o:p>  <a href="http://www.ziaislamic.com/">www.ziaislamic.com</a><o:p></o:p> <o:p> </o:p>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Burning Topics

گستاخانہ فلمسازی بدترین جرم

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Burning Topics

&#1711;&#1587;&#1578;&#1575;&#1582;&#1575;&#1606;&#1729; &#1601;&#1604;&#1605;&#1587;&#1575;&#1586;&#1740; &#1576;&#1583;&#1578;&#1585;&#1740;&#1606; &#1580;&#1585;&#1605;

گستاخانہ فلمسازی بدترین جرم