حضرت عثمان غنی رضی اللہ عنہ حضورکے امانتداراورصاحب اسرارصحابی

حضرت عثمان غنی ذوالنورین رضی اللہ عنہ کو اللہ تعالی نے بے شمار فضائل وکمالات سے نوازا اور آپ کو اعلی اوصاف سے متصف فرمایا۔جودوسخااورحیاآپ کا امتیازی وصف تھا،آپ حضوراکرم صلی اللہ علیہ وآلہ وسلم کے امانت داراورصاحب اسرارصحابی ہیں۔جود وسخا کی صفت آپ میں بدرجہ اتم موجود تھی،جب بھی اعلاء کلمۃ الحق کے لئے مال کی ضرورت پیش آتی تو آپ بے دریغ اپنا مال خرچ کرتے۔مسلمان جس وقت غربت وتنگی سے دوچارتھے،قحط سالی کادورتھا،ایسے وقت اسلام دشمنوں نے مسلمانوں پرحملے کا ارداہ کرلیا،یہ سوچ کرکہ اگران تنگ حالات میں ان پر حملہ کردیا جائے توروئے زمین سے اہل اسلام کو مکمل طورپرنابودکیاجاسکتاہے۔