عقیدۂ ختم نبوت قرآن وحدیث کی روشنی میں

عقیدۂ ختم نبوت قرآن وحدیث کی روشنی میں فتنۂ قادیانیت اسلام کے خلاف ایک سازش<o:p></o:p> <o:p></o:p>        اَلْحَمْدُ لِلّٰهِ رَبِّ الْعَالَمِيْنْ، وَالصَّلوٰةُ وَالسَّلَامُ عَلَی سَيِّدِ الْاَنْبِيَاءِ وَالْمُرْسَلِيْنْ، وَعَلٰي آلِهِ الطَّيِّبيِْنَ الطَّاهِرِيْنْ، وَاَصْحَابِهِ الْاَکْرَمِيْنَ اَجْمَعِيْنْ،وَعَلٰي مَنْ اَحَبَّهُمْ وَتَبِعَهُمْ بِاِحْسَانٍ اِلٰی يَوْمِ الدِّيْنْ - <o:p></o:p> <o:p></o:p>        اَمَّا بَعْدُ ! فاَعُوْذُ بِاللّٰهِ مِنَ الشَّيْطٰنِ الرَّجِيْمِ، بِسمِ اللّٰهِ الرَّحْمٰنِ الرَّحِيْمِ :<o:p></o:p> مَا کَانَ مُحَمَّدٌ أَبَا أَحَدٍ مِّنْ رِّجَالِکُمْ وَلٰکِنْ رَّسُولَ اللّٰهِ وَخَاتَمَ النَّبِيِّينَ وَکَانَ اللّٰهُ بِکُلِّ شَیْءٍ عَلِيمًا-<o:p></o:p> (سورة الاحزاب۔40)<o:p></o:p> <o:p></o:p> دینِ اسلام کا یہ مسلمہ عقیدہ ہے کہ رب العالمین نے اپنے حبیب سید المرسلین صلی اللہ علیہ وسلم کو خاتم النبیین بناکر مبعوث فرمایا ، حضور پاک علیہ الصلوۃ والسلام کے بعد اب کوئی رسول اور کسی بھی قسم کا نبی دنیا میں  آنے والا نہیں  ،ہمیشہ کے لئے آپ ہی کی نبوت ورسالت قائم رہے گی۔<o:p></o:p> <o:p></o:p>      واضح رہے کہ ان دنوں  فتنۂ قادیانیت زور پکڑرہاہے ،اور اسلام کے نام پر عام مسلمانوں  کے عقیدۂ ختم نبوت کو برباد کرنے کی ناپاک کوشش کی جارہی ہے ، یہ قادیانی فرقہ کی جانب سے ایک گہری سازش ہے ، یہ لوگ اپنے کو ’’احمدی ‘‘کہتے ہیں  اور مسلمانوں  جیسا لباس پہنتے ہیں  اورنام بھی مسلمانوں  جیسا رکھتے ہیں ،لیکن ختم نبوت کے بارے میں  قرآن کریم واحادیث شریفہ کی روشنی میں  عطاکردہ عقیدہ نہیں  رکھتے اور حضور اکرم صلی اللہ علیہ وسلم کو آخری نبی نہیں  مانتے، بلکہ کہتے ہیں  کہ حضور اکرم صلی اللہ علیہ وسلم کی امت میں  ظِلِّی وبُرُوْزِی نبی ہوسکتا ہے جس کو’’ امتی نبی ‘‘کہتے ہیں ۔ (معاذاللہ) <o:p></o:p> <o:p></o:p>      اسی بنیاد پر مرزاغلام احمد قادیانی نے نبوت کا دعوی کیا تھا ‘یہ لوگ اس کونبی مانتے ہیں  ، جب کہ ہر مسلمان کے نزدیک ختم نبوت ایک ایسا بنیادی عقیدہ ہے کہ اس میں  ذرہ برابر بھی فرق آنے سے آدمی دائرۂ اسلام سے خارج ہوجاتا ہے ،یہ فرقہ مختلف ممالک اور دیہاتوں  میں  آج بھی فتنہ پرورسازشوں  میں  مصروف ہے ۔<o:p></o:p> <o:p></o:p> غلام احمد قادیانی کے جھوٹے دعوے اور کفریات <o:p></o:p> <o:p></o:p>      مرزا غلام احمد قادیانی نے اپنی کتابوں  میں  مختلف باطل دعوے کئے :<o:p></o:p> دعوی مجددیت، محدّثیت ،مثلیت عیسی علیہ السلام ،عیسویت ،بالآخر اس نے نبوت کا دعوی کردیا۔(نعوذباللہ من ذٰلک)<o:p></o:p> <o:p></o:p>      چنانچہ وہ اپنی کتاب "ازالۃ الاوہام" ،حصہ دوم ص221 میں  لکھتاہے :’’اسی لئے خدائے تعالی نے براہین احمدیہ میں  بھی اس عاجز کانام امتی بھی رکھااور نبی بھی‘‘۔(نعوذباللہ من ذلک)<o:p></o:p> <o:p></o:p>       اس نے الہام خداوندی کا نام لے کر (العیاذ باللہ )اپنے باطل دعوی کو اللہ تعالی کی طرف منسوب کرتے ہوئے اپنے آپ کو انبیاء کرام کا مثیل قرار دیا اور حضور ختمی مرتبت صلی اللہ علیہ وسلم کے ہمسر ہونے کا بھی دعوی کیا ہے ، جیسا کہ وہ لکھتاہے :’’اور پھر آخرمثیل ٹہرانے کی یہاں  تک نوبت پہنچی کہ باربار یااحمد کے خطاب سے مخاطب کرکے ظلی طورپرمثیل سیدالانبیاء وامام الاصفیاء حضرت مقدس محمد مصطفی صلی اللہ علیہ وسلم قراردیا‘‘۔ (ازالۃ الاوہام ،حصہ اول ص105)(نعوذباللہ من ذلک)<o:p></o:p> <o:p></o:p>      کذَّاب ودَجَّال غلام احمد قادیانی کے باطل دعووں  کاجواب دینے کیلئے سیدی شیخ الاسلام ‘عارف باللہ ‘امام محمد انواراللہ فاروقی بانی جامعہ نظامیہ علیہ الرحمۃ والرضوان نے دوضخیم جلدوں  پر مشتمل کتاب ’’افادۃالافہام ‘‘تصنیف فرمائی ،اس میں  آپ نے اس کا حرفاً حرفاً ردکیا  و نیز’’انوار الحق ‘‘نامی ایک کتاب تصنیف فرمائی ،جس کے ذریعہ اس کے باطل نظریات کا دندان شکن جواب دیا اور اس کو دائرۂ اسلام سے خارج قرار دیا۔<o:p></o:p> <o:p></o:p>      ’’اِفَادَۃُالافہام ‘‘کی ابتداء میں  حضرت شیخ الاسلام  رحمۃ اللہ تعالی علیہ نے ’’مَفَاتِیْحُ الْاَعْلَام ‘‘کے نام سے ایک فہرست مرتب فرمائی ،جس میں  اس کی اُن عبارتوں  کو جمع کیا جن سے گمراہی وضلالت اور کفروارتداد واضح ہو تا ہے۔ <o:p></o:p> <o:p></o:p>      اس قسم کی بہت سی عبارتیں  قادیانیوں  کی کتابوں  میں  موجود ہیں ، جن سے اس کا  دَجْل ومکراور نبوت کا دعوی کرنا واضح طور پر ثابت ہوتاہے جبکہ مسلمانوں  کا بنیادی عقیدہ ہے کہ حضرت سیدنا محمد مصطفی صلی اللہ علیہ والہ وسلم  ہی خاتم النبیین ہیں  ، آپ کے بعد کسی قسم کا کوئی نبی ظلی ،بروزی یا جزوی طور پر آنے والانہیں ، آپ کی ذات اقدس پر سلسلۂ نبوت ختم کردیا گیا ہے ، آپ کے بعد نہ نبوت تامہ ہے اور نہ ناقصہ ۔<o:p></o:p> <o:p></o:p>      <o:p></o:p>  جب غلا م احمد قادیانی نے اپنی کتابوں  میں  نبوت کا دعوی کیا ہے جیسا کہ ابھی اس کی عبارتوں  سے معلوم ہوا، ان صراحتوں  کے باوجود بھی قادیانیوں  کا کہنا ہے کہ ’’اس نے نبوت کا دعوی نہیں  کیا‘‘ اور وہ یہ کہتے ہیں  کہ اہل اسلام نے خلاف واقعہ بات ،دروغ گوئی اور حقیقت کے خلاف بات کہی ہے ، لیکن مسلمہ حقیقت تو یہی ہے کہ حضرت نبی اکرم صلی اللہ علیہ وسلم کو خاتم النبیین مانتے ہوئے بھی آپ کے بعد کسی اور کو کسی اعتبار سے نبی تسلیم کرنا نص قطعی کے خلاف اور کفر وارتداد ہے ۔<o:p></o:p> <o:p></o:p> عقیدۂ ختم نبوت نص قطعی سے ثابت<o:p></o:p> <o:p></o:p>      اللہ تعالی کا ارشاد ہے:<o:p></o:p> <o:p></o:p> مَا کَانَ مُحَمَّدٌ أَبَا أَحَدٍ مِّنْ رِّجَالِکُمْ وَلٰکِنْ رَّسُولَ اللّٰهِ وَخَاتَمَ النَّبِيِّينَ وَکَانَ اللّٰهُ بِکُلِّ شَیْءٍ عَلِيْمًا -<o:p></o:p> <o:p></o:p>  ترجمہ : محمد مصطفی  صلی اللہ علیہ وسلم تمہارے مَردوں  میں  سے کسی کے والد نہیں  ،لیکن آپ اللہ تعالی کے برگزيدہ رسول اورسب انبیاء کے سلسلہ نبوت کوختم کرنے والے ہیں  اوراللہ تعالی ہر چیز کو جاننے والا ہے۔ <o:p></o:p> (سورۃ الاحزاب۔40)<o:p></o:p> <o:p></o:p>      قرآن کریم کی اس آیت کریمہ سے یہ حقیقت واضح ہوگئی کہ فخرموجودات ‘وجہ تخلیق کائنات حضرت سیدنا محمد مصطفی صلی اللہ علیہ والہ وسلم ہی آخری نبی ہیں ،آپ کے بعد کوئی نبی یا رسول آنے والے نہیں  ، سلسلۂ نبوت ورسالت آپ کی ذات اقدس پر ختم کردیا گیا، آپ کے بعد کسی نبی کا آنا محال وناممکن ہے ،قصر نبوت میں  ایسی کوئی جگہ ہی باقی نہیں  کہ آپ کے بعد کوئی نبی اس کو پُر کرسکے ،رسالت ونبو ت آپ ہی پر تمام ہوگئی ۔<o:p></o:p> <o:p></o:p> متواترالمعنی احادیث شریفہ سے ثبوت<o:p></o:p> <o:p></o:p>        کتب صحاح وسنن ،معاجم ومسانید میں  اس مضمون کی متعدد احادیث شریفہ موجودہیں  جوتواترمعنوی کادرجہ رکھتی ہیں  چنانچہ صحیح بخاری شریف میں  حدیث پاک ہے : <o:p></o:p>      عَنْ أَبِي هُرَيْرَةَ رضي الله عنه أَنَّ رَسُولَ اللَّه صلی الله عليه وسلم قَالَ إِنَّ مَثَلِی وَمَثَلَ الأَنْبِيَاءِ مِنْ قَبْلِی کَمَثَلِ رَجُلٍ بَنَی بَيْتًا فَأَحْسَنَهُ وَأَجْمَلَهُ ، إِلاَّ مَوْضِعَ لَبِنَةٍ مِنْ زَاوِيَةٍ ، فَجَعَلَ النَّاسُ يَطُوفُونَ بِهِ وَيَعْجَبُونَ لَهُ ، وَيَقُولُونَ هَلاَّ وُضِعَتْ هَذِهِ اللَّبِنَةُ .قَالَ فَأَنَا اللَّبِنَةُ ، وَأَنَا خَاتِمُ النَّبِيِّينَ .<o:p></o:p> <o:p></o:p> <o:p></o:p>  ترجمہ:سیدنا ابوہریرہ رضی اللہ عنہ سے روایت ہے کہ حضرت رسول اللہ صلی اللہ علیہ والہ وسلم  نے ارشادفرمایا:بے شک میری مثال اور مجھ سے پہلے انبیاء کرام کی مثال ایسی ہے جیسے ایک شخص نے ایک محل تعمیر کیا او ر اسے مکمل خوبصورتی اور عمدگی کے ساتھ بنایا سوائے ایک گوشہ میں  ایک اینٹ کی جگہ کے ، لوگ اس کے گرد چکر لگاتے ہیں  اور اس پرخوشی کا اظہار کرتے او رکہتے ہیں " یہ اینٹ کیوں  نہ لگائی گئی؟" تو حضور صلی اللہ علیہ وسلم نے ارشاد فرمایا: میں  ہی وہ اینٹ ہوں  اور میں  ہی آخری نبی ہوں  ۔<o:p></o:p> (صحیح البخاری، ج1کتاب المناقب، باب خاتم النبیین ،ص501،حدیث نمبر:353 5)<o:p></o:p> <o:p></o:p> سلسلۂ نبوت منقطع ہوچکا ‘ ظلی یابروزی نبی کی آمد ناممکن <o:p></o:p>      حضو رنبی اکرم صلی اللہ علیہ والہ وسلم  کی ذات مقدسہ سے متعلق ختم نبوت کایہ عقیدہ کہ ’’آپ ہی آخری نبی ہیں  آپ کے بعد کوئی نبی ورسول آنے والا نہیں  ہے۔‘‘اسلام کے بنیادی عقائد میں  سے ہے ،جوقرآن مجید اوراحادیث شریفہ کے عبارت النص اوراجماع امت سے ثابت ہے، جس کا انکار کرنا یا اس میں  کسی قسم کی کوئی تاویل کرنا صریح کفر ہے۔<o:p></o:p>      <o:p></o:p> اللہ تعالی نے سرکاردوعالم حضرت سیدنا محمد مصطفی صلی اللہ علیہ والہ وسلم  کو خاتم الانبیاء والمرسلین کے منصب عظیم پر فائز فرمایا ہے ۔<o:p></o:p> <o:p></o:p>      جامع ترمذی شریف ج2ص53میں  ہے:<o:p></o:p> <o:p></o:p> قَالَ رَسُولُ اللَّهِ  صلی الله عليه وسلم إِنَّ الرِّسَالَةَ وَالنُّبُوَّةَ قَدِ انْقَطَعَتْ فَلاَ رَسُوْلَ بَعْدِیْ وَلاَ نَبِیَّ .<o:p></o:p> <o:p></o:p> ترجمہ:حضرت رسول اللہ صلی اللہ علیہ وسلم نے ارشاد فرمایا:بیشک رسالت ونبوت بالیقیں  منقطع ہوچکی ہے، میرے بعد نہ کوئی رسول ہوسکتا ہے اورنہ کوئی نبی ۔ <o:p></o:p> <o:p></o:p> (جامع الترمذی ،ج2ص53،حدیث نمبر:2441)<o:p></o:p> <o:p></o:p>      اس واضح ارشاد کے باوجود حضرت ختمی مرتبت صلی اللہ علیہ والہ وسلم کے بعد کسی بھی طور پر ظلی ، بروزی ،مثلی ،جزوی نبی کا ماننا صریح کفر ہے ،اگر کوئی مسلمان یہ عقیدہ رکھے تو وہ دائرۂ اسلام سے خارج اورمرتد ہوجاتا ہے ۔<o:p></o:p> <o:p></o:p>      سنن ابن ماجہ شریف میں  حدیث پاک ہے :حضرت نبی اکرم صلی اللہ علیہ والہ وسلم  ارشاد فرماتے ہیں  :<o:p></o:p> <o:p></o:p> وَأَنَا آخِرُ الأَنْبِيَاءِ وَأَنْتُمْ آخِرُ الأُمَمِ .<o:p></o:p> <o:p></o:p> ترجمہ:میں  آخری نبی ہوں  اور تم آخری امت ہو۔<o:p></o:p> <o:p></o:p> (سنن ابن ماجہ ،ابواب الفتن با ب فتنۃ الدجال،حدیث نمبر:4215)<o:p></o:p> <o:p></o:p>        انبیاء کرام ورسل عظام کی بعثت مخلوق کی ہدایت ورہنمائی کے لئے ہوتی رہی ، جب کوئی رسول وصال کرتے تو دوسرے رسول کی بعثت ہوجاتی لیکن حضرت خاتم الانبیاء صلی اللہ علیہ والہ وسلم  کو اللہ تعالی نے ساری مخلوق اور تمام کائنات کے لئے رسول بناکر بھیجا ، صحیح مسلم شریف  میں  ارشاد مبارک ہے:<o:p></o:p> <o:p></o:p> وَأُرْسِلْتُ إِلَى الْخَلْقِ کَافَّةً وَخُتِمَ بِىَ النَّبِيُّونَ . <o:p></o:p> <o:p></o:p> ترجمہ:میں  ساری مخلوق کی طرف رسالت کی شان کے ساتھ بھیجاگیا ہوں  اور مجھ پر سلسلۂ نبوت ختم کردیا گیا۔<o:p></o:p> <o:p></o:p> (صحیح مسلم ، ج 1 کتاب المساجدو مواضع الصلوۃ ص  199،حدیث نمبر:1195)<o:p></o:p> <o:p></o:p>      حضوراکرم صلی اللہ علیہ والہ وسلم کی رسالت ساری مخلوق کے لئے او رقیامت تک آنے والی ساری انسانیت کے لئے ہے ، جب تک دنیا قائم ہے شریعت محمدیہ علی صاحبھا الصلوۃ والسلام ہی نافذرہے گی ،کسی اور نبی کی ضروت نہیں  اور نہ کسی دوسری شریعت کی حاجت ہے ۔<o:p></o:p> <o:p></o:p>      اللہ تعالی نے شریعت محمد یہ کو مکمل کردیا ہے، ارشادخداوندی ہے: <o:p></o:p> <o:p></o:p> اَلْيَوْمَ أَکْمَلْتُ لَکُمْ دِينَکُمْ وَأَتْمَمْتُ عَلَيْکُمْ نِعْمَتِى وَرَضِيتُ لَکُمُ الْإِسْلَامَ دِينًا. <o:p></o:p> <o:p></o:p>  ترجمہ:آج میں  نے تمہارے لئے تمہار ے دین کو مکمل کیا اور تم پر اپنی نعمت تمام کردی اور تمہارے لئے دین اسلام سے راضی ہوگیا۔<o:p></o:p> (سورۃ المائدۃ ۔3) <o:p></o:p> <o:p></o:p> حضورصلی اللہ علیہ وسلم کے بعدکوئی نبی نہیں  <o:p></o:p> <o:p></o:p>      جب حضرت خاتم الانبیاء صلی اللہ علیہ والہ وسلم پر نبوت مکمل ہوچکی ہے ،آپ کی شریعت ہمیشہ کیلئے ہے تو پھر آپ کے بعد کسی نبی کا آنا محال وناممکن ہے، آپ کے بعد نبوت نہیں  ہوگی البتہ خلافت ہوگی جیسا کہ صحیح بخاری شریف میں  حدیث مبارک ہے :<o:p></o:p> <o:p></o:p>        عَنِ النَّبِیِّ  صلى الله عليه وسلم قَالَ  کَانَتْ بَنُو إِسْرَائِيلَ تَسُوسُهُمُ الأَنْبِيَاء ُ، کُلَّمَا هَلَکَ نَبِیٌّ خَلَفَهُ نَبِیٌّ، وَإِنَّهُ لاَ نَبِیَّ بَعْدِى ، وَسَيَکُونُ خُلَفَاء ُ فَيَکْثُرُونَ .<o:p></o:p> <o:p></o:p>  ترجمہ:حضرت نبی اکرم صلی اللہ علیہ والہ وسلم  سے روایت ہے آپ نے ارشاد فرمایا: بنی اسرائیل کی سیادت وقیادت انبیاء کرام کیا کرتے تھے، جب کبھی کوئی نبی وصال کرتے ان کے جانشین دوسرے نبی آتے اور میرے بعد کوئی نبی نہیں  اور عنقریب خلفا ء ہوں  گے اور بہت ہوں  گے ۔<o:p></o:p> <o:p></o:p> (صحیح البخاری، ج 1،کتاب الانبیاء،باب ماذکر عن بنی اسرائیل ،ص 491،حدیث نمبر:3455)<o:p></o:p> <o:p></o:p>      کنز العمال"باب فضا ئل الصحا بۃ" میں  حضرت نبی اکرم صلی اللہ علیہ وسلم کا ارشاد مبارک ہے:<o:p></o:p>  لِیْ النُّبُوَّةُ وَلَکُمُ الْخِلَافَةُ .<o:p></o:p>  ترجمہ : میرے لئے نبوت ہے اور تمہارے لئے خلافت ہے ۔<o:p></o:p> (کنز العمال ،باب فضا ئل الصحا بۃ مفصلا مرتبا علی ترتیب الحروف )<o:p></o:p> <o:p></o:p>      نیز کنزالعمال  میں  حضرت نبی اکرم صلی اللہ علیہ وسلم کا ارشاد پاک ہے: <o:p></o:p> <o:p></o:p> اَنَا خَاتِمُ الْاَنْبِيَاءِ وَمَسْجِدِىْ خَاتِمُ مَسَاجِدِ اْلاَنْبِيَاءِ .<o:p></o:p> <o:p></o:p> ترجمہ:میں  نبیوں  میں  آخری نبی ہوں  اور میری مسجد انبیاء کی مساجد میں  آخری مسجد ہے ۔<o:p></o:p> <o:p></o:p> (کنزالعمال ،کتاب الفضائل من قسم الافعال،الباب الثامن،فضل الحرمین والمسجد الاقصی ،حدیث نمبر:34999)<o:p></o:p> <o:p></o:p>     عقیدۂ ختم نبوت میں  تاویل ،نصوص قطعیہ کے انکار کے مترادف <o:p></o:p> <o:p></o:p>            عقیدۂ ختم نبوت مسلمانوں  کا بنیادی عقیدہ ہے ،اس میں  کسی قسم کی تاویل کرناکہ جس سے کسی جھوٹے دعویدار نبوت کے لئے کوئی امکان پیداہوونیز حضرت نبی اکرم صلی اللہ علیہ والہ وسلم کے بعد ظلی ، بروزی ، جزوی کسی طریقہ کی نبوت ماننا اورکسی بھی قسم کی نبوت کا دعوی کرنا،دراصل عقید ۂ ختم نبوت سے اعراض ،نصوص قطعیہ متواترہ کا انکار اور کفر و ارتداد ہے ۔<o:p></o:p> <o:p></o:p>      حضرت نبی اکرم صلی اللہ علیہ والہ وسلم  نے جب کسی کو اپنا نائب مقرر فرمایا تو ساتھ ساتھ آپ صلی اللہ علیہ والہ وسلم نے اس کے بعد نبوت کی نفی بھی فرمادی تاکہ اس کے ذریعہ کسی دجال، کذاب، نبوت کا دعوی کرنے والے کو کسی اعتبار سے کوئی شِقْ نکالنے کا موقع ہی باقی نہ رہے ۔<o:p></o:p> <o:p></o:p>       صحیح بخاری شریف میں  حدیث شریف ہے‘ حضرت نبی اکرم صلی اللہ علیہ والہ وسلم  نے غزوۂ تبوک کے موقع پر حضرت علی  مرتضي کرم اللہ وجہہ کو اپنا نائب مقرر فرماتے ہوئے ارشاد فرمایا :<o:p></o:p> اَلاَ تَرْضَی أَنْ تَکُونَ مِنِّی بِمَنْزِلَةِ هَارُونَ مِنْ مُوسَی إِلاَّ أَنَّهُ لَيْسَ نَبِیٌّ بَعْدِي . <o:p></o:p> <o:p></o:p> ترجمہ: کیا تم اس بات سے راضی نہیں  کہ میرے لئے ایسے ہوجاؤ جیسے ہارون (علیہ السلام ) موسی(علیہ السلام) کے لئے تھے ،مگر یہ کہ میرے بعد کسی بھی قسم کا کوئی نبی نہیں  آسکتا۔<o:p></o:p> ( صحیح البخاری، ج2،کتاب المغازی ،باب غزوۃ تبوک وھی غزوۃ العسرۃ،ص633،حدیث نمبر:4416)<o:p></o:p> <o:p></o:p>        <o:p></o:p>  نگاہ نبوت امت میں  اُٹھنے والے فتنوں  کو دیکھ رہی تھی ،اس لئے مُخْبِر صَادِق حضور صلی اللہ علیہ والہ وسلم  نے ہرقسم کے شبہ کا ازالہ فرمایا ،اور ہرطرح کے وہم کو دفع کیا۔<o:p></o:p> <o:p></o:p> موسی علیہ السلام بھی آئیں  تو حضور صلی اللہ علیہ والہ وسلم  کی اتباع واطاعت کے  سوا کوئی چارہ نہیں <o:p></o:p> <o:p></o:p>       حضور اکرم صلی اللہ علیہ والہ وسلم  سے پہلے جو نبی ورسول ،صاحب شریعت گذرے وہ اگر حضرت خاتم الانبیاء صلی اللہ علیہ والہ وسلم  کے زمانہ میں  ہوتے تو آپ صلی اللہ علیہ والہ وسلم کے امتی ہی ہوتے ، نبی یا رسول کی حیثیت سے نہیں  ہوتے او رآپ ہی کی شریعت پر عمل پیرا ہوتے ، آپ کی اتباع واطاعت کے سوا ان کے لئے کوئی اور صورت نہ ہوتی ، جیسا کہ سنن دارمی میں  سیدنا جابررضی اللہ عنہ سے روایت ہے:<o:p></o:p> <o:p></o:p>        عَنْ جَابِرٍ : اَنَّ عُمَرَ بْنَ الْخَطَّابِ أَتَی رَسُولَ اللَّهِ صلی الله عليه وسلم بِنُسْخَةٍ مِنَ التَّوْرَاةِ فَقَالَ : يَا رَسُولَ اللَّهِ هَذِهِ نُسْخَةٌ مِنَ التَّوْرَاةِ . فَسَکَتَ فَجَعَلَ يَقْرَأُ وَوَجْهُ رَسُولِ اللَّهِ صَلَّی اللهُ عَلَيْهِ وَسَلَّمَ يَتَغَيَّرُ ، فَقَالَ أَبُو بَکْرٍ : ثَکِلَتْکَ الثَّوَاکِلُ ، أَمَا تَرَی مَا بِوَجْهِ رَسُولِ اللَّهِ صَلَّی اللهُ عَلَيْهِ وَسَلَّمَ ؟ فَنَظَرَ عُمَرُ إِلَی وَجْهِ رَسُولِ اللَّهِ صَلَّی اللهُ عَلَيْهِ وَسَلَّمَ فَقَالَ : أَعُوذُ بِاللَّهِ مِنْ غَضَبِ اللَّهِ وَمِنْ غَضَبِ رَسُولِهِ ، رَضِينَا بِاللَّهِ رَبًّا وَبِالإِسْلاَمِ دِيْناً وَبِمُحَمَّدٍ نَبِيًّا. فَقَالَ رَسُولُ اللَّهِ صَلَّی اللهُ عَلَيْهِ وَسَلَّمَ : وَالَّذِی نَفْسُ مُحَمَّدٍ بِيَدِهِ لَوْ بَدَا لَکُمْ مُوسَی فَاتَّبَعْتُمُوهُ وَتَرَکْتُمُونِی لَضَلَلْتُمْ عَنْ سَوَاءِ السَّبِيلِ ، وَلَوْ کَانَ حَيًّا وَأَدْرَکَ نُبُوَّتِی لاَتَّبَعَنِی  . <o:p></o:p>      ترجمہ:سیدنا جابر رضی اللہ عنہ سے روایت ہے کہ ایک مرتبہ حضرت عمر بن خطاب رضی اللہ عنہ نے حضرت رسول اللہ صلی اللہ علیہ والہ وسلم  کی خدمت میں  تورات کا نسخہ لاکر عرض کیا : یا رسول اللہ صلی اللہ علیہ والہ وسلم  !یہ تورات کا نسخہ ہے، تو حضرت رسول اکرم صلی اللہ علیہ والہ وسلم  خاموش ہوگئے ،حضرت  عمر رضی اللہ عنہ پڑھنے لگے ،ادھر حضرت رسول اللہ صلی اللہ علیہ وسلم کاچہرۂ مبارک متغیر ہونے لگا ، سیدنا ابوبکر رضی اللہ عنہ نے یہ دیکھ کر کہا: رونے والیاں  تم پر روئیں  !<o:p></o:p>      کیاحضرت رسول اللہ صلی اللہ علیہ والہ وسلم  کے چہرۂ مبارک کونہیں  دیکھتے ؟ حضرت عمر رضی اللہ عنہ حضرت رسول اللہ صلی اللہ علیہ والہ وسلم  کو دیکھتے ہی عرض کرنے لگے: میں  اللہ کے غضب سے اوراس کے رسول صلی اللہ علیہ والہ وسلم  کے غضب سے اللہ کی پناہ چاہتا ہوں !ہم اللہ تعالی کے رب ہونے پر راضی ہیں  اور اسلام کے دین ہو نے پر اور حضرت سیدنا محمد مصطفی صلی اللہ علیہ واٰلہ وصحبہ وسلم کے ہمارے نبی ہونے پرراضی ہیں ،پھر حضرت رسول اللہ صلی اللہ علیہ وسلم نے ارشاد فرمایا:اس ذات کی قسم جس کے قبضۂ قدرت میں  محمد صلی اللہ علیہ وسلم کی جان ہے!اگرموسی (علیہ السلام)تمہارے لئے ظاہر ہوجاتے پھر تم ان کی پیروی کر نے لگتے اورمجھے چھوڑدیتے تو ضرور تم سیدھے راستہ سے گمراہ ہوجاتے،اگر وہ ہوتے اور میرا زمانۂ پاتے تو ضرورمیری پیروی کرتے۔<o:p></o:p> <o:p></o:p> (سنن الدارمی ،کتاب المقدمۃ،باب ما یتقی من تفسیر حدیث النبی،حدیث نمبر:443)<o:p></o:p> <o:p></o:p>      حضرت شیخ الاسلام عارف باللہ امام محمد انوار اللہ فاروقی بانی جامعہ نظامیہ علیہ الرحمۃ والرضوان  اس حدیث شریف کی تشریح میں  رقمطرازہیں  : ’’اب ہر شخص سمجھ سکتا ہے کہ جب عمر رضی اللہ عنہ کے سے صحابیٔ بااخلاص کی صرف اتنی حرکت اسقدر ناگوار طبع غیور ہوئی تو کسی زید وعمر و کی اس تقریر سے جو خود خاتمیت میں  شک ڈالتی ہے کیسی اذیت پہنچتی ہوگی؟کیا یہ ایذارسانی خالی جائیگی ؟ہرگز نہیں  ! حق تعالی فرماتا ہے: <o:p></o:p> <o:p></o:p>        إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِی الدُّنْيَا وَالْآَخِرَةِ وَأَعَدَّ لَهُمْ عَذَابًا مُهِينًا(الاحزاب۔57) <o:p></o:p> نسئل اللّٰه تعالیٰ توفيق الادب وهو ولی التوفيق۔ (انوار احمدی، ص55).<o:p></o:p> <o:p></o:p> حضرت عیسی علیہ السلام کا بحیثیت امتی نزول<o:p></o:p> <o:p></o:p>      حضرت نبی اکرم صلی اللہ علیہ وسلم نے قیامت کی علامتوں  میں  ایک علامت یہ بتلائی ہے کہ حضرت عیسی علیہ السلام آسمان سے اتریں  گے ،وہ آپ صلی اللہ علیہ والہ وسلم کی دنیا میں  تشریف آوری سے پہلے اپنے زمانہ میں  نبی ورسول تھے لیکن جب قیامت کے قریب امت محمدیہ علی صاحبھا الصلوۃ والسلام میں  آئیں  گے تو آپ حضور اکرم صلی اللہ علیہ واٰلہ وسلم کے ایک امتی او رخلیفہ ہوں گے جیساکہ تفسیر درمنثور میں  سورۃالنساء کی تفسیر کے تحت بحوالۂ طبرانی حدیث پاک ہے :<o:p></o:p>      عَنْ أَبِی هُرَيْرَةَ، قَالَ:قَالَ رَسُولُ اللَّهِ صَلَّی اللَّهُ عَلَيْهِ وَآلِهِ وَسَلَّمَ:"أَلا إِنَّ عِيسَی ابْنَ مَرْيَمَ لَيْسَ بَيْنِی وَبَيْنَهُ نَبِیُّ وَلا رَسُولٌ اَلا اِنَّهُ خَلِيْفَتِیْ فِیْ اُمَّتِیْ مَنْ بَعْدِیْ .<o:p></o:p> <o:p></o:p> ترجمہ:سیدنا ابوہریرہ رضی اللہ عنہ سے روایت ہے انہوں  نے فرمایا حضرت رسول اللہ صلی اللہ علیہ وسلم نے ارشاد فرمایا: بے شک عیسی بن مریم (علیھما السلام) میرے درمیان اور ان کے درمیان نہ کوئی نبی ہے او رنہ کوئی رسول، مگروہ میرے بعد میری امت میں میرے نائب وخلیفہ ہوں  گے۔<o:p></o:p> <o:p></o:p> (معجم کبیر للطبرانی ، حدیث نمبر:169) <o:p></o:p> <o:p></o:p> ہرقسم کے شبہ کا ازالہ <o:p></o:p> <o:p></o:p>      نصوص قطعیہ سے واضح ہواکہ حضور اکرم صلی اللہ علیہ وسلم کے بعد کوئی نبی نہیں ، جس پر آیت قرآنیہ کی عبارۃ النص اورمتواتر احادیث شریفہ دلالت کرتی ہیں ۔<o:p></o:p> <o:p></o:p>       اتنی وضاحت کے ساتھ نبوت کی نفی کرنے کے بعد او رہرپوشیدہ شبہ اور خفی شائبہ کو دفع کرنے کے بعد کوئی نبوت کے ا قسام بناکر اپنے آپ کو ظلی یا بروزی یا جزوی نبی کہے تو اسکے کذاب اور دجال ہونے میں  کوئی شک نہیں  ،جو مسلمان اس کی بات مانے اوراس کی اتباع کرے وہ دائرۂ اسلام سے خارج او رمرتد ہے، اس کا اسلام سے کوئی تعلق نہیں ۔<o:p></o:p> <o:p></o:p> قیامت قائم نہیں  ہوگی جب تک کہ تیس کے قریب دجال ،کذاب ظاہر نہ ہوں  <o:p></o:p> <o:p></o:p>      حضرت نبی اکرم صلی اللہ علیہ وسلم نے امت میں اٹھنے والے فتنوں  سے آگاہ فرمایااور نبوت کا دعوی کرنے والے کذابوں  اور دجالوں  کے بارے میں  خبردی۔<o:p></o:p> <o:p></o:p>      چنانچہ جامع ترمذی شریف میں  حدیث پاک ہے:<o:p></o:p> <o:p></o:p> وَإِنَّهُ سَيَکُونُ فِی أُمَّتِی ثَلاَثُونَ کَذَّابُونَ کُلُّهُمْ يَزْعُمُ أَنَّهُ نَبِیٌّ وَأَنَا خَاتَمُ النَّبِيِّينَ لاَ نَبِیَّ بَعْدِي .<o:p></o:p> <o:p></o:p> ترجمہ:میری امت میں  تیس جھوٹے ہوں  گے ان میں  سے ہر ایک دعوی کرے گا کہ وہ نبی ہے حالانکہ میں  آخری نبی ہوں  میرے بعد کوئی نبی نہیں  ۔<o:p></o:p> <o:p></o:p> (جامع الترمذی، ج2،ابواب الفتن،باب لاتقوم الساعۃ حتی یخرج کذابون ص45،حدیث نمبر:2380)<o:p></o:p> <o:p></o:p>      نیز صحیح بخای شریف میں  حدیث مبارک ہے :<o:p></o:p> <o:p></o:p> وَلاَ تَقُومُ السَّاعَةُ حَتَّی يُبْعَثَ دَجَّالُونَ کَذَّابُونَ قَرِيبًا مِنْ ثَلاَثِينَ ، کُلُّهُمْ يَزْعُمُ أَنَّهُ رَسُولُ اللَّهِ .<o:p></o:p> <o:p></o:p>      ترجمہ:قیامت اس وقت تک قائم نہیں  ہوگی جب تک کہ تقریباً تیس دجال ،کذاب ظاہر نہ ہوں  ، ان میں  ہرایک دعوی کرے گا کہ وہ اللہ کارسول ہے ۔<o:p></o:p> <o:p></o:p> ( صحیح البخای ، ج1کتاب المناقب،باب علامات النبوۃ فی الاسلام ص509،حدیث نمبر:3609)<o:p></o:p> <o:p></o:p> ختم نبوت سے متعلق قادیانی تأویل ، فقہاء،مفسرین ومحدثین کا تحقیقی جواب<o:p></o:p> <o:p></o:p>      سرکار دوعالم باعث تخلیق آدم حضرت سیدنا محمدمصطفی صلی اللہ علیہ والہ وسلم تما م نبیوں  اور رسولوں  کے خاتم اور آخرہیں  ،آپ کے بعد کسی طور پرکوئی نبی نہیں  ،نہ کامل نبی ہے اور نہ ناقص نبی ہے ،نہ آپ صلی اللہ علیہ وسلم کی امت میں  کوئی نبی ہے اورنہ کوئی مستقل نبی آنے والا ہے، ہر قسم کی نبوت کی نفی فرمادی گئی۔<o:p></o:p> <o:p></o:p>      اہل اسلام کے نزدیک یہ ایسا متفق علیہ ،اساسی اور بنیادی مسئلہ ہے جس میں  کسی قسم کی تا ویل نکالنے ، احتمال پیداکرنے کی کوئی گنجائش نہیں  ہے،اس عقیدہ پر تمام مفسرین ومحدثین ،فقہاء ومجتہدین ، ائمۂ اعلام وعلماء اسلام کا اجماع واتفاق رہا ہے،بنظر اختصار یہاں  چند اَعْلَامِ امت کی عبارتیں  بیان کی جاتی ہیں ۔<o:p></o:p> <o:p></o:p>      مدارک التنزیل وحقائق التاویل میں  آیت ختم نبو ت کی تفسیر میں  مذکور ہے :<o:p></o:p> <o:p></o:p> لاينبأ احد بعده وعيسی ممن نبیء قبله وحين ينزل ينزل عاملا علی شريعة محمد صلی الله عليه وسلم کانه بعض امته . <o:p></o:p> <o:p></o:p> ترجمہ:حضور صلی اللہ علیہ وسلم کے بعد کسی کو نبی نہیں  بنایا جائے گا اور حضرت عیسی علیہ السلام آپ کے پہلے والے انبیاء کرام میں سے ہیں  اور جب زمین پر اترینگے شریعت محمدیہ علی صاحبہا الصلوۃ والسلام پر عمل کرتے ہوئے اتریں  گے گویا وہ آپ کے ایک امتی ہیں ۔<o:p></o:p> <o:p></o:p>      علامہ بدر الدین عینی رحمۃاللہ علیہ عمدۃ القاری ج12، کتاب التفسیرص566  میں  تحریر فرماتے ہیں :<o:p></o:p> <o:p></o:p> هذه اکبر نعم الله عزوجل علی هذه الامة حيث اکمل لهم دينهم فلا يحتاجون الی دين غيره ولاالی نبی غير نبيهم ولهذا جعله الله خاتم الانبياء وبعثه الی الانس والجن .<o:p></o:p> <o:p></o:p> ترجمہ:یہ اس امت پر اللہ بزرگ وبرتر کی عظیم ترین نعمتوں  میں  سے ہے کہ اس نے ان کے لئے ان کے دین کو مکمل کردیا تو انہیں  کسی دوسرے دین کی حاجت نہیں  اور نہ انہیں  اپنے نبی کے سوا کسی نبی کی ضرورت ہے ،اسی لئے اللہ تعالی نے حضور صلی اللہ علیہ وسلم کو نبیو ں  کا سلسلہ ختم کرنے والابنایا اور آپ کو تمام جن وانس کی طرف مبعوث فرمایا۔<o:p></o:p> <o:p></o:p>      علامہ قاضی عیاض رحمۃ اللہ علیہ شفاء شریف ص 392،393میں  تحریر فرماتے ہیں :<o:p></o:p> <o:p></o:p>  وکذلک من ادعی منهم انه يوحی اليه وان لم يدع النبوة او انه يصعد الی السماء ويدخل الجنة وياکل من اثمارها ويعانق الحور العين کلهم کفار مکذبون للنبی صلی الله عليه وسلم لانه اخبر انه خاتم النبيين لا نبی بعده واخبر عن الله تعالی انه خاتم النبيين وانه ارسل کافة للناس واجمعت الامة علی حمل هذا الکلام علي ظاهره وان مفهومه المراد به دون تاويل ولا تخصيص فلا شک فی کفر هولاء الطوائف کلها قطعا اجماعا سمعا. <o:p></o:p> <o:p></o:p>    ترجمہ:اسی طرح جوشخص دعوی کرے کہ اس کی جانب وحی کی جاتی ہے اگر چہ وہ نبوت کا دعویدار نہ ہو تو یہ کافر ہے اور حضرت نبی اکرم صلی اللہ علیہ وسلم کو جھٹلانے والے ہیں  کیونکہ حضور صلی اللہ علیہ وسلم نے ارشادفرمایاہے کہ آپ خاتم الانبیاء ہیں  ،آپ کے بعد کوئی نبی نہیں  ،یہ حضور صلی اللہ علیہ وسلم نے اللہ تعالی کی جانب سے خبر دی کہ آپ صلی اللہ علیہ وسلم آخری نبی ہیں  اور تمام لوگوں  کے لئے بھیجے گئے ہیں  اور ساری امت اس کلام کے ظاہری معنی مراد لینے پر متفق ہوچکی ہے اور اس بات پر بھی متفق ہوچکی ہے کہ اس کا مفہوم اور مرادی معنی لینے میں  کسی تاویل یا تخصیص کی ضرورت نہیں ، اس لئے قطعی طور پر کتاب وسنت اور اجماع امت کی روشنی میں  ان فرقوں  کے کافر ہونے میں  کوئی شک وشبہ نہیں ۔<o:p></o:p> <o:p></o:p>      فتاوی عالمگیری ج2ص263 میں  ہے: <o:p></o:p> <o:p></o:p> اذالم يعرف الرجل ان محمدا صلی الله عليه وسلم آخرالانبياء عليهم وعلی نبينا السلام فليس بمسلم کذا فی اليتيمة . <o:p></o:p> <o:p></o:p>      ترجمہ:اگرکوئی شخص یہ اعتقاد نہ رکھے کہ حضرت محمد صلی اللہ علیہ وسلم آخری نبی ہیں  تو وہ مسلمان ہی نہیں ۔<o:p></o:p> <o:p></o:p> اہل اسلام کیلئے حضرت شیخ الاسلام کی خیر خواہی <o:p></o:p> <o:p></o:p>      حضرت شیخ الاسلام بانی جامعہ نظامیہ رحمۃ اللہ علیہ احادیث شریفہ کے ذریعہ غلام احمد قادیانی کے جھوٹے دعوی کاجواب دینے کے بعد رقمطراز ہیں  :’’چنانچہ بخاری وغیر ہ کی احادیث صحیحہ صاف کہہ رہی ہیں  کے آنحضرت صلی اللہ علیہ وسلم کے بعد جو کوئی نبوت کا دعوی کرے وہ دجال اور کذاب ہے۔<o:p></o:p> <o:p></o:p>      کیا اب بھی مسلمانوں  کواس باب میں  شبہ ہوسکتا ہے کہ مرزا صاحب نے جولکھا ہے کہ ان کو نہ ماننے والا کافراور دوزخی ہے ‘یہ بات صحیح او رمطابق واقع کے ہوسکتی ہے؟ اگر نبی صلی اللہ علیہ وسلم کی صحیح حدیثوں  کا بھی دل پر کچھ اثرنہ ہوتو سوائے اِنَّالِلّہِ پڑھنے کے ہم کچھ نہیں  کہہ سکتے ،البتہ اپنے مسلمان بھائیوں  سے اتنا تو ضرور کہیں  گے کہ اپنے نبی کریم صلی اللہ علیہ وسلم کے ارشاد ات کو ہر وقت پیش نظر رکھیں  ورنہ ہرزمانے میں  بہکانے والے اقسام کی تدابیر سوچتے رہتے ہیں ‘‘۔(افادۃ الافہام حصہ اول ص292/293)<o:p></o:p> <o:p></o:p> شیخ الاسلام کی مسلمانوں کو نصیحت <o:p></o:p> <o:p></o:p>      مرزا غلام احمد قادیانی کے فتنہ سے آگاہ و متنبہ کرتے ہوئے حضرت بانی جامعہ نظامیہ علیہ الرحمہ اس سے دور رہنے کی تلقین فرماتے ہیں  : ہم اپنے ہم مشربوں  سے خیرخواہانہ کہتے ہیں  کہ اس قسم کی تقریر وں  سے اپنے ایمان کو صدمہ نہ پہنچنے دیں او رقرآن وحدیث کے مقابلے میں  کسی کی بات نہ سنیں ۔ (افادۃ الافہام حصۂ دوم ص 132)<o:p></o:p> <o:p></o:p>      قادیانی نے حضور نبی اکرم صلی اللہ علیہ وسلم کو موسی علیہ السلام کا مثیل قراردیا جس کی زبردست تردیدکرنے کے بعدحضرت شیخ الاسلام رحمۃاللہ علیہ مسلمانوں  کو نصیحت فرمارہے ہیں :مسلمانو! مرزاصاحب نے تمہارے نبی افضل الانبیاء علیہ وعلیہم الصلوۃ والسلام کو موسی علیہ السلام کا مثیل ‘قرار دیا کیا اب بھی کسی اور کا مثیل سننے کا انتظار ہے ؟کیا تمہارے اور تمہارے اسلاف کے کان ایسے ناملائم الفاظ سننے کے آشناتھے ،کب تک مرزاصاحب کی ایسی باتیں  سنا کرو گے؟ توبہ کرو!اگر نجات چاہتے ہو تو ان کی ایک نہ سنواور اپنے اسلاف کا اتباع کرو!۔(افادۃ الافہام حصۂدوم ص47)<o:p></o:p> <o:p></o:p> نبوت کے جھوٹے دعویدارسے معجزہ طلب کرنے والا بھی کافر <o:p></o:p> <o:p></o:p>      <o:p></o:p> فقہاء کرام نے تو یہاں  تک فرمایا ہے کہ اگرکوئی شخص نبوت کا دعوی کرنے والے سے اس کی نبوت پر معجزہ طلب کرے اور یہ طلب اس کے اظہار عجزورسوائی کے لئے نہ ہوتو یہ طلب کرنے والا بھی کافر قرار پاتاہے جیساکہ فتاوی عالمگیری ج2ص263میں  ہے: <o:p></o:p> <o:p></o:p> وکذالک لو قال انا رسول الله او قال بالفارسية من پيغمبرم يريد به من پيغام می برم يکفر ولو انه حين قال هذه المقالة طلب غير منه المعجزة قيل يکفرالطالب , والمتاخرون من المشائخ قالوا ان کان غرض الطالب تعجيزه وافتضاحه لايکفر.<o:p></o:p> <o:p></o:p>      ترجمہ:اسی طرح اگر کوئی کہے کہ میں  اللہ کارسول ہوں  یافارسی میں  کہے کہ میں  پیغمبر ہوں  جس سے مرادیہ لے کہ میں  پیغام پہنچانے والا ہوں  ،تب بھی وہ کافر ہوجائیگا۔ اوراگر اس  کے اس دعوی پرکسی نے معجزہ طلب کیا تووہ بھی کافر ہوجائے گا،اور متأخرین فقہاء نے فرمایا ہے کہ اگراسکو عاجز کرنے اور رسواکرنے کی غرض سے معجزہ طلب کرے تووہ کافرنہیں ہوگا۔<o:p></o:p> <o:p></o:p>      نصوص بالا کی روشنی میں  عرب وعجم ،شرق وغرب ‘شمال وجنوب کے جملہ علماء اسلام نے بالاتفاق مرزاقادیانی اور اس کے متبعین کو خارج عن الاسلام اور مرتد قرار دیاہے۔<o:p></o:p> <o:p></o:p> قادیانیوں  کے ساتھ تعلقات کی ممانعت<o:p></o:p> <o:p></o:p>      کتاب وسنت اور اجماع امت کی روشنی میں  یہ فرقہ دائرۂ اسلام سے خارج،مرتد وبے دین ہے،دراصل فتنۂ قادیانیت اسلام کے خلاف ایک سازش ہے، اس فرقہ کے ساتھ تعلقات رکھنااور اسکے جلسوں  میں  شریک ہونا عامۃ المسلمین کیلئے ناجائزوحرام ہے ،ان کے مذہب کو حق سمجھتے ہوئے ان سے تعلقات رکھنا اور ان کے جلسوں  میں  شریک ہونا بجائے خود کفر وارتداد ہے۔  <o:p></o:p> <o:p></o:p>      اللہ تعالی کاارشاد ہے :<o:p></o:p> <o:p></o:p>   وَإِمَّا يُنْسِيَنَّکَ الشَّيْطَانُ فَلَا تَقْعُدْ  بَعْدَ الذِّکْرَی مَعَ الْقَوْمِ الظَّالِمِينَ .<o:p></o:p> <o:p></o:p>      ترجمہ:اور اگر شیطان تمہیں  بھلادے تو یاد آنے کے بعد ظالم قوم کے ساتھ نہ بیٹھو۔ <o:p></o:p> <o:p></o:p> (سورۃالانعام۔68)<o:p></o:p> <o:p></o:p> اور ارشاد خداوندی ہے :<o:p></o:p> <o:p></o:p> وَلَا تَرْکَنُوا إِلَی الَّذِينَ ظَلَمُوا فَتَمَسَّکُمُ النَّارُ .<o:p></o:p> <o:p></o:p>      ترجمہ:اور ظالموں  کی طرف نہ جھکو کہ تمہیں  آتش جہنم آچھوئے گی۔ <o:p></o:p> <o:p></o:p> (سورۃ ھود۔113)<o:p></o:p> <o:p></o:p>      حضور اکرم صلی اللہ علیہ وسلم نے اس جیسے بے دین وبدمذہب فرقہائے باطلہ کی صحبت وتعلقات سے اجتناب کرنے کی سخت تاکید فرمائی ہے ، چنانچہ صحیح مسلم شریف میں  روایت ہے:<o:p></o:p> <o:p></o:p> قَالَ رَسُولُ اللَّهِ صلی الله عليه وسلم  يَکُونُ فِی آخِرِ الزَّمَانِ دَجَّالُونَ کَذَّابُونَ يَأْتُونَکُمْ مِنَ الأَحَادِيثِ بِمَا لَمْ تَسْمَعُوا أَنْتُمْ وَلاَ آبَاؤُکُمْ فَإِيَّاکُمْ وَإِيَّاهُمْ لاَ يُضِلُّونَکُمْ وَلاَ يَفْتِنُونَکُمْ  .<o:p></o:p> <o:p></o:p>      ترجمہ:حضور ختمی مرتبت صلی اللہ علیہ والہ وسلم ارشاد فرماتے ہیں  :آخری زمانہ میں  دجال کذاب ، فریب دینے والے جھوٹے لوگ آئیں  گے تمہارے پاس ایسی باتیں لائیں  گے جن کو نہ تم نے سنا ہے اورنہ تمہارے آباء واجداد نے، تم ان سے دور رہو!اورانہیں  اپنے سے دور رکھو!کہ کہیں  وہ تمہیں  گمراہ نہ کرڈالیں اورکہیں  تمہیں فتنہ میں  مبتلا نہ کرڈالیں  ۔<o:p></o:p> <o:p></o:p>   (صحیح مسلم ، ج1ص10،حدیث نمبر:16)<o:p></o:p> <o:p></o:p>      اورسنن ابن ماجہ شریف میں  حدیث پاک ہے:<o:p></o:p> <o:p></o:p> إِنْ مَرِضُوا فَلاَ تَعُودُوهُمْ وَإِنْ مَاتُوا فَلاَ تَشْهَدُوهُمْ وَإِنْ لَقِيتُمُوهُمْ فَلاَ تُسَلِّمُوا عَلَيْهِمْ .<o:p></o:p> <o:p></o:p>  ترجمہ:اور اگر وہ بیمار ہوجائیں  توتم انکی عیادت نہ کرو،اوراگرو ہ مرجائیں  تو ان کے جنازہ میں  شرکت نہ کرو،اوراگران سے ملاقات ہوجائے تو انہیں  سلام مت کرو!<o:p></o:p> <o:p></o:p> (سنن ابن ماجہ ،مقدمہ ،باب فی القدر،ص10حدیث نمبر:97)<o:p></o:p> <o:p></o:p>      اللہ تعالی اپنے حبیب کریم خاتم النبیین شفیع المذنبین صلی اللہ علیہ والہ وسلم کے صدقہ وطفیل تمام اہل اسلام کو باطل فرقوں  اور بطور خاص فتنۂ قادیانیت کی جعلسازیوں  سے محفوظ ومامون رکھے اور عقیدۂ ختم نبوت پر استقامت نصیب فرمائے اور جو سادہ لوح ان کے دام فریب کا شکار ہوکر مرتد ہوچکے ہیں  انہیں  پھر سے اسلام کی دولت لازوال عطا فرمائے۔ <o:p></o:p> <o:p></o:p>        آمِيْن بِجَاهِ سَّيِدِنَا طٰهٰ وَيٰسٓ صَلَّی الله تَعَالَی وَبَارَکَ وَسَلّّمَ عَلَيْهِ وَعَلٰی آلِهِ وَصَحْبِهِ اَجْمَعِيْنَ وَاٰخِرُ دَعْوَانَا اَنِ الْحَمْدُ لِلّهِ رَبِّ الْعَالَمِيْنَ . <o:p></o:p>      از:مولانا مفتی حافظ سید ضیاء الدین نقشبندی دامت برکاتہم<o:p></o:p> شیخ الفقہ جامعہ نظامیہ وبانی ابو الحسنات اسلامک ریسرچ سنٹر حیدرآباد الہند<o:p></o:p> <a href="http://www.ziaislamic.com/">www.ziaislamic.com</a><o:p></o:p>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

عقیدۂ ختم نبوت قرآن وحدیث کی روشنی میں

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

&#1593;&#1602;&#1740;&#1583;&#1730; &#1582;&#1578;&#1605; &#1606;&#1576;&#1608;&#1578; &#1602;&#1585;&#1570;&#1606; &#1608;&#1581;&#1583;&#1740;&#1579; &#1705;&#1740; &#1585;&#1608;&#1588;&#1606;&#1740; &#1605;&#1740;&#1722;

عقیدۂ ختم نبوت قرآن وحدیث کی روشنی میں