فضائل شعبان احادیث وآثار کی روشنی میں

اللہ تعالی نے اپنے حبیب پاک صلی اللہ علیہ والہ وسلم کی نسبت سے اس امت کو اپنی بے پایاں رحمتوں اور بیکراں نعمتوں سے سرفراز فرمایاہے , سابقہ امتوں میں خطاکاروں اور معصیت شعاروں کی بخشش ومعافی کے لئے سخت احکام تھے حتی کہ بنی اسرائیل کے لئے گوسالہ پرستی کے جرم کی معافی کے سلسلہ میں فرمایا: فَتُوبُوا إِلَى بَارِئِكُمْ فَاقْتُلُوا أَنْفُسَكُمْ -<o:p></o:p> ترجمہ:توتم اپنے پیدا کرنے والے رب کی بارگاہ میں توبہ کرو! پس ایک دوسرے کو قتل کرڈالو-(اس طرح کہ تم میں جونیک ہیں مجرموں کو قتل کرڈالیں )- (سورۃالبقرۃ۔54)      حبیب پاک صلی اللہ علیہ والہ وسلم سے ارشاد فرماتا ہے :<o:p></o:p>        قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ –      ترجمہ:اے حبیب (صلی اللہ علیہ والہ وسلم  )فرمادیجئے، اے میرے بندو! جنہوں نے اپنی جانوں پر زیادتی کی ہے تم اللہ کی رحمت سے مایوس نہ ہو،بیشک اللہ تعالی  تمام گناہوں کو معاف کرنے والا ہے ، بے شک وہی خوب بخشنے والا حددرجہ مہربانی فرمانے والا ہے ۔(سورۂ زمر۔53) <o:p></o:p> اللہ تعالی کا ابرلطف وکرم یو ں توہرآن برستارہتاہے لیکن اس نے اپنے گنہگار بندوں کی خصوصی بخشش ومغفرت کے لئے بعض ایام ولیالی کو متعین فرمایا ہے ، انہیں مقدس ایام وشہور میں ایک بابرکت مہینہ شعبان کا بھی ہے ۔      حبیب پاک صلی اللہ علیہ والہ وسلم کو ہمیشہ اپنی گنہگار امت کی فکر رہتی ہے، اسی لئے صبح وشام ہر گھڑی وہر آن ان کی بخشش ونجات کے لئے حق تعالی سے معروضہ فرماتے رہتے ہیں ،  اللہ تعالی اپنے حبیب کریم صلی اللہ علیہ والہ وسلم  کو راضی وخوش رکھنا چاہتا ہے ،  اسی لئے اپنے محبوب کے تصدق میں ہررات کے آخیر حصہ میں آسمان دنیاپر تجلی فرماکر بخشش ونجات ، کامیابی وسعادت کے خزانے سرفرازفرماتاہے ، اس نعمت وسعادت سے اس کے مقربین وصالحین بندے ہی بہرہ مند ہوتے ہیں ،جیساکہ ان کا وصف بیان کیا گیا ہے: <o:p></o:p> كَانُوا قَلِيلًا مِنَ اللَّيْلِ مَا يَهْجَعُونَ ، وَبِالْأَسْحَارِ هُمْ يَسْتَغْفِرُونَ –<o:p></o:p> ترجمہ: وہ راتوں میں تھوڑی دیرسوتے ہیں اور رات کے اخیر حصہ میں مغفرت طلب کرتے ہیں۔ (سورۃ الذاریات۔17/18)  <o:p></o:p>      اب رہا عام لوگ' وہ توخواب غفلت میں پڑے رہتے ہیں، نہ شب بیداری کے عادی ہیں اورنہ سحر خیزی کے خوگر ۔ <o:p></o:p> شب براءت ماہ شعبان میں ہونے کی حکمت      رب نے چاہا کہ محبوب کے تمام غلاموں کو اپنی بے پایاں نعمتوں سے مالامال فرمائے چنانچہ سال کے بارہ مہینوں میں ایک رات ایسی متعین فرمادی کہ اس میں سورج کے ڈوبتے ہی آسمان دنیاپر نزول اجلال فرماکر ہر قسم کے لوگوں کو مغفرت وعافیت سے نوازتا ہے، چونکہ حبیب کریم صلی اللہ علیہ والہ وسلم  نے ماہ شعبان کواپنا مہینہ قراردیا ہے لہذا اللہ رب العزت نے رحمت عامہ ومغفرت شاملہ کی اس مقدس رات کو بطور خاص شعبان المعظم میں رکھا ۔ شعبان کے پانچ حروف اور ان کے معانی:      شعبان کے حروف سے متعلق رموز و اسرار بیان فرماتے ہوئے حضرت سید الاولیاء غوث اعظم سیدنا عبد القادر جیلانی رحمۃ اللہ تعالی علیہ  فرماتے ہیں :<o:p></o:p> شعبان میں پانچ (5)حروف ہیں، (1)ش<o:p></o:p> (2) ع<o:p></o:p> (3) ب<o:p></o:p> (4) ا<o:p></o:p> (5) ن <o:p></o:p>  ش سے شرف (بزرگی) مراد ہے –<o:p></o:p> ع سے علو (بلندی)-<o:p></o:p>  ب سے بِر (نیکی)  <o:p></o:p>  الف سے( الفت ومحبت)<o:p></o:p> اور<o:p></o:p> نون سے نور (روشنی) مراد ہے-<o:p></o:p> ان حروف سے اس بات کی طرف اشارہ ہے کہ ماہ شعبان میں بندوں کو رب کی یہ نعمتیں عطا ہوں گی ۔ احوال زندگی اور تغیر زمانہ او راس کی بے ثباتی سے درس عبرت دیتے ہوے شعبان کی اہمیت حضرت غوث اعظم دستگیر رضی اللہ عنہ نے یوں بیان فرمائی ہے :  <o:p></o:p>        لان الايام ثلاثة امس وهو اجل. واليوم وهو عمل. وغدا وهو امل ۔ ۔ ۔ وکذلک الشهور ثلاثة رجب فقد مضی و ذهب فلا يعود. و رمضان وهو منتظر لاتدري هل تعيش الی ادراکه ام لا ،و شعبان وهو واسطة بين شهرين فليغتنم الطاعة فيه۔<o:p></o:p> (الغنية لطالبی طریق الحق ج1، ص188)        ترجمہ:زندگی کے تین(3) احوال ہیں:<o:p></o:p> (1)ماضی کی حالت ،<o:p></o:p> (2) موجودہ حالت ،<o:p></o:p> اور<o:p></o:p> (3)مستقبل کی حالت-<o:p></o:p> اسی طرح مہینے تین ہیں :<o:p></o:p> (1)"رجب" وہ تو گذر گیا پھر نہیں لوٹے گا۔<o:p></o:p> (2)"رمضان "کا انتظارکیا جارہا ہے، تم نہیں جانتے کہ اس کو پانے کے لئے زندہ رہوگے یا نہیں <o:p></o:p> اور<o:p></o:p> (3)" شعبان"<o:p></o:p>  دو مہینوں کے درمیان واسطہ ہے، اس میں اطاعت و فرمانبرداری کو غنیمت سمجھنا چاہئے۔  <o:p></o:p> شعبان، کثرت درودکا مہینہ:  <o:p></o:p>      اس ماہ مقدس میں آیت درود نازل ہوئی او ردرود شریف کا حکم آیا ہے، اسی لئے اس مہینہ میں کثرت سے درود شریف پڑھنے کا حکم ہے جیسا کہ " الغنیۃ لطالبی طریق الحق  "میں ہے۔  وهو شهر تفتح فيه الخيرات ، و تنْزَل فيه البرکات،  و تترک فيه الخطيئات ، و تکفر فيه السيئات ، و تکثر فيه الصلوة علی محمد صلی الله عليه وسلم خيرالبريات. وهو شهر الصلوة علی النبی المختار ۔ <o:p></o:p> ترجمہ:یہ وہ مہینہ ہے جس میں بھلائیوں کے دروازے کھولے جاتے ہیں، برکتیں نازل ہوتی ہیں، خطائیں درگذرکردی جاتیں ہیں ، گناہوں کومٹا دیا جاتا ہے اور حضرت نبی اکرم صلی اللہ علیہ والہ وسلم  کی خدمت اقدس میں کثرت سے ہدیۂ درود نچھاور کیا جاتا ہے ، جو مخلوق میں سب سے بہتر ذات گرامی ہیں اور یہ مہینہ نبی مختار صلی اللہ علیہ والہ وسلم  پر درود  وسلام پیش کئے جانے کا خصوصی مہینہ ہے ۔ (الغنية لطالبی طریق الحق ،ج1،ص188)  <o:p></o:p> حضرت شیخ الاسلام عارف باللہ امام محمد انوار اللہ فاروقی بانی جامعہ نظامیہ علیہ الرحمۃ والرضوان" فتوحات ربانیہ شرح اذکار نوویہ" کے حوالہ سے فرماتے ہیں: "شیخ محمد بن علی رحمۃ اللہ تعالی علیہ نے حافظ ابو ذر ہروی رحمۃ اللہ تعالی علیہ کا قول نقل کیاہے کہ درود شریف کا حکم "2ھ"  میں نازل ہوا ، بعض کہتے ہیں مہینہ شعبان کا تھا، اسی واسطہ شعبان کو" شہر الصلوۃ "کہتے ہیں۔<o:p></o:p> (انوار احمدی شریف ، ص61) ماہ شعبان کو غنیمت جانیں!<o:p></o:p>      دل کا میل اور روح کا زنگ دور کرنے اور گناہوں سے پاکیزگی حاصل کرنے کے لئے، سیدالمرسلین صلی اللہ علیہ والہ وسلم  کے وسیلہ سے دربار حق تعالی میں دعا کی جاتی ہے جیسا کہ حضرت غوث اعظم رحمۃ اللہ علیہ فرماتے ہیں: <o:p></o:p> فينبغی لکل مؤمن لبيب ان لا يغفل فی هذا الشهر بل يتاهب فيه لاستقبال شهر رمضان بالتطهر من الذنوب والتوبة عما فات وسلف فيما مضی من الايام فيتضرع الی الله تعالی فی شهر شعبان ويتوسل الی الله تعالیٰ بصاحب الشهر محمد صلی الله عليه وسلم حتی يصلح فساد قلبه ويداوی مرض سره۔ <o:p></o:p> ترجمہ: ہر صاحب عقل مؤمن کو چاہئے کہ اس مہینہ میں غفلت نہ برتے بلکہ اسی ماہ میں سابقہ غفلتوں اورکوتاہیوں سے توبہ کے ذریعہ گناہوں سے پاک ہوکر رمضان المبارک کے استقبال کی تیاری کرے اور اللہ تعالی کی بارگاہ میں تضرع وزاری کرے اورشعبان کے مہینہ میں بارگاہ خداوندی میں صاحب مہینہ پیکر حمد وثناحضرت نبی اکرم صلی اللہ علیہ وسلم کا وسیلہ لے یہاں تک کہ اس کے دل کا فساد دور ہواور اس کے باطن کا مرض دفع ہو۔ (الغنية لطالبی طریق الحق ج1 ص188)  <o:p></o:p> شعبان میرا مہینہ ہے :      سنن دیلمی کی روایت میں ہے، حضرت ابوہریرہ رضی اللہ عنہ سے روایت ہے ،حضور اکرم صلی اللہ علیہ والہ وسلم نے ارشاد فرمایا: <o:p></o:p>      شعبان شهری و رجب شهر الله و رمضان شهر امتی، شعبان هوالمکفر و رمضان هوالمطهر۔        ترجمہ:شعبان میرا مہینہ ہے، رجب اللہ تعالیٰ کا مہینہ ہے اور رمضان میری امت کا مہینہ ہے،شعبان، خطاؤں کی معافی دلانے والا اور رمضان پاک و صاف کرنے والا ہے۔ <o:p></o:p> (دیلمی -<o:p></o:p>  کنز العمال ،تابع لکتاب الفضائل،حدیث نمبر :35126-<o:p></o:p>  الغنية لطالبی طریق الحق ،ج1، ص187-<o:p></o:p>  ما ثبت بالسنۃ)      حضور اکرم صلی اللہ علیہ والہ وسلم نے رجب کو اللہ تعالیٰ کا مہینہ فرمایا،ویسے ہر مہینہ اللہ تعالیٰ کاہے، مگر ماہ رجب میں اللہ تعالیٰ نے حبیب پاک علیہ الصلوٰۃ والسلام کو لامکاں میں طلب فرماکر اپنے دیدار پرانوارسے مشرف فرمایا اور بے شمار نعمتیں عطا فرمائی،اس مناسبت سے یہ اللہ کامہینہ ہے۔ <o:p></o:p> اور شعبان کو اپنا مہینہ فرمایا تاکہ امت اس نسبت سے عبادات و اذکار میں مشغول اور حق کی رضا جوئی میں مصروف رہ کر ظاہر و باطن کو تجلیٔ صفات الٰہی کے قابل اور قلب و روح کو فیضان جمال مصطفوی کا اہل بنائے۔      بندہ جب اس منزل پر فائز ہوگا تو آنے والے مہینہ رمضان المبارك کی حقیقی برکتوں سے مستفیض، خصوصی رحمتوں کا مستحق اور معنوی لذتوں سے آشنا ہوگا ،چونکہ یہ مہینہ حضوراکرم صلی اللہ علیہ والہ وسلم  کا مہینہ ہے اس لئے وہ تمام مہینوں سے ممتاز اور خصوصی فضیلت کا حامل ہے جیسا کہ حضرت غوث اعظم دستگیر رضی اللہ عنہ فرماتے ہیں۔      قال الله تعالیٰ و ربک يخلق مايشاء ويختار فالله تعالیٰ اختارمن کل شیء اربعة ثم اختار من الاربعة واحدا : من الملائکة جبريل و ميکائيل و اسرافيل و عزرائيل ثم اختار منهم جبريل . و اختار من الانبياء عليهم الصلوة والسلام اربعة : ابراهيم و موسی و عيسی و محمدا صلی الله عليهم اجمعين ، و اختار منهم محمدا صلی الله عليه وسلم- واختار من الصحابة رضی الله عنهم اربعة: ابابکر و عمر و عثمان و عليا رضی الله عنهم ، ثم اختار منهم ابابکر رضی الله عنه ۔ ۔ ۔ واختار من الشهور اربعة :رجب و شعبان و رمضان والمحرم، و اختار منها شعبان و جعله شهر النبی صلی الله عليه وسلم فکما ان النبی صلی الله عليه وسلم افضل الانبياء کذلک شهره افضل الشهور۔<o:p></o:p>      ترجمہ:اللہ تعالیٰ نے فرمایا اور آپ کا رب جو چاہتا ہے پیدا فرماتا اوراختیار فرماتا ہے، اللہ تعالیٰ نے ہر چیز سے چار کومنتخب فرمایا، پھر چار میں سے ایک کو فضیلت کے لئے پسند فرمایا، فرشتوں سے حضرت جبریل وحضرت میکائیل ،حضرت اسرافیل وحضرت عزرائیل علیہم السلام کو چن لیا، پھر ان میں سے حضرت جبرئیل کو فضیلت کے لئے پسند فرمایا ۔اور انبیاء کرام علیہم الصلوٰۃ والسلام میں سے حضرت ابراہیم ، حضرت موسیٰ، حضرت عیسیٰ اور سیدنا محمد صلی اللہ علیہ وسلم کو اختیار فرمایا اوران میں سے حضرت سیدنا محمد صلی اللہ علیہ وسلم کو مصطفی بنایا ۔اور صحابہ کرام رضی اللہ عنہم سے چار صحابہ کومنتخب فرمایا۔ حضرات ابوبکر و عمر، عثمان و علی رضی اللہ عنہم، پھر ان میں سے حضرت سیدنا ابوبکر رضی اللہ عنہ کو خصوصی فضیلت عطا فرمائی اوراسی طرح مہینوں میں سے چار کومنتخب فرمایا: رجب، شعبان، رمضان، محرم۔ ان میں سے شعبان کو پسند فرمایا اور اس کو حضرت نبی اکرم صلی اللہ علیہ وسلم کا مہینہ قراردیا ،تو جس طرح حضور نبی اکرم صلی اللہ علیہ وسلم انبیاء کرام میں افضل ہیں اسی طرح آپ کا مہینہ تمام مہینوں میں افضل ہے۔ (الغنية لطالبی طریق الحق ج1، ص187) <o:p></o:p> شعبان، کفارۂ ذنوب کا مہینہ      عن انس بن مالک قال قال رسول الله صلی الله عليه وسلم خيرة الله من الشهور شهر رجب وهو شهر الله، من عظم شهر الله رجب فقد عظم امر الله ومن عظم امر الله ادخله جنات النعيم واوجب له رضوانه الأکبر،وشعبان شهری فمن عظم شهر شعبان فقد عظم امری ومن عظم امری کنت له فرطا وذخرا يوم القيامة وشهر رمضان شهر امتی فمن عظم شهر رمضان و عظم حرمته ولم ينتهکه وصام نهاره وقام ليله وحفظ جوارحه خرج من رمضان وليس عليه ذنب يطلبه الله به ۔      ترجمہ:حضرت انس بن مالک رضی اللہ عنہ سے روایت ہے، آپ نے فرمایا :حضرت رسول اللہ صلی اللہ علیہ وسلم نے ارشاد فرمایا: اللہ تعالی کے برگذیدہ مہینوں میں رجب کا مہینہ ہے ، اور وہ اللہ کا مہینہ ہے جس شخص نے اللہ کے مہینہ رجب کی تعظیم کی یقینا اس نے اللہ کے حکم کی تعظیم کی اورجس نے اللہ کے حکم کی تعظیم کی اللہ تعالی اس کونعمتوں والی جنتوں میں داخل فرمائے گا۔اوراپنی بڑی خوشنودی عطا فرمائیگا۔اور شعبان میرا مہینہ ہے ،جس کسی نے ماہ شعبان کی تعظیم کی یقینا اس نے میرے حکم کی تعظیم کی ،اور جس نے میرے حکم کی تعظیم کی تو میں قیامت کے دن اس کے لئے کام بنانے والا اور بھلائیوں کا ذخیرہ رہوں گا۔اور ماہ رمضان میری امت کا مہینہ ہے، جس شخص نے ماہ رمضان کی تعظیم کی اوراس کے تقدس کا پاس ولحاظ رکھا اور اس کاتقدس پامال نہ کیااور اس کے دن میں روزہ رکھا اور اس کی رات میں قیام کیا اوراپنے اعضاء کی حفاظت کی تو وہ رمضان سے اس طرح نکلے گا کہ اس پر کوئی گناہ نہ ہوگا جس پر اللہ تعالی اس سے مواخذہ کرے ۔<o:p></o:p> (بیہقی شعب الایمان ،حدیث نمبر:3652-کنزالعمال تابع لکتاب الفضائل ، حدیث نمبر: 35217) ماہ شعبان کی دیگر مہینوں پرفضیلت:      وعن انس بن مالک رضی الله عنه انه قال ان النبی صلی الله عليه وسلم قال فضل رجب علی سائر الشهور کفضل القراٰن علی سائر الکلام و فضل شعبان علی سائر الشهور کفضلی علی سائر الانبياء وفضل رمضان علی سائر الشهور کفضل الله تعالیٰ علی سائر خلقه۔<o:p></o:p>  (الغنية لطالبی طریق الحق ج1، ص188) ترجمہ:حضرت انس بن مالک رضی اللہ عنہ سے روایت ہے کہ حضور نبی اکرم صلی اللہ علیہ وسلم نے ارشادفرمایا: ماہ رجب کی فضیلت تمام مہینوں میں ایسی ہے جیسے قرآن شریف کی فضیلت تمام آسمانی کتابوں پر۔ اور شعبان کی فضیلت تمام مہینوں پر ایسی ہے جیسے میری فضیلت تمام انبیاء کرام پر ۔اور رمضان کی فضیلت تمام مہینوں پر ایسی ہے جیسی اللہ تعالیٰ کی فضیلت تمام مخلوق پرہے۔ ماہ شعبان اور صحابہ کرام کا اہتمام: وعن انس بن مالک رضی الله عنه انه قال کان اصحاب النبی صلی الله عليه وسلم اذا نظروا الی هلال شعبان اکبوا علی المصاحف يقرء ونها واخرج المسلمون زکوة اموالهم ليتقوی بها الضعيف والمسکين علی صيام شهر رمضان و دعا الولاة اهل السجن فمن کان عليه حد اقاموه عليه والاخلوا سبيله وانطلق التجار فقضوا ما عليهم و قبضوا مالهم حتی اذا نظروا الی هلال رمضان اغتسلوا واعتکفوا۔ ترجمہ: حضرت انس بن مالک رضی اللہ عنہ سے روایت ہے کہ حضرت نبی اکرم صلی اللہ علیہ وسلم کے صحابہ کرام جب ماہ شعبان کا چاند دیکھتے تو قرآن شریف کو سینہ سے لگائے رہتے اور تلاوت میں مصروف رہتے ، مسلمان اپنے اموال کی زکاۃ نکالتے تاکہ کمزور اور مسکین اس کو حاصل کرکے ماہ رمضان کے روزہ رکھنے پر قوت حاصل کریں ،حکام و ذمہ داران ،قیدیوں کو طلب کرتے اور ان میںجوحدشرعی کے مستحق تھے، ان پر حد جاری کرتے، ورنہ ان کورہاکردیتے تاجر حضرات اپنے ذمہ جو حقوق ہیں انہیںادا کردیتے اور جو چیزیںوصول طلب تھیں انہیں حاصل کرلیتے حتیٰ کہ جب رمضان کاچانددیکھ لیتے تو غسل کرکے اعتکاف کااہتمام کرتے۔<o:p></o:p> (الغنية لطالبی  طریق الحق ج1،ص 188) کیسا بابرکت زمانہ تھا اور کیسے فرشتہ صفت تھے وہ حضرات! سال کا ایک حصہ روزوں میں اور اکثر راتیں قیام وسجود میں گذارتے۔ کھانا حسرت بھری نگاہ سے ان کی طرف دیکھتا تھا کہ کب ان حضرات کا لقمہ بننے کی سعادت ملے اور بستر تمنائی تھے کہ کب راحت جسمانی کا سامان فراہم کریں لیکن وہ ہمہ تن اپنے مولی کی رضاکے طالب بن کرماہی بے آب کی طرح ذکروعبادت میں گریہ زاری کرتے ہوئے رہتے،قرآن پاک ان نفوس رحمت نشاں کی صفت میں ناطق ہے: <o:p></o:p> والذين يبيتون لربهم سجدا وقياما۔<o:p></o:p>  ترجمہ: اور جو اپنے پروردگار کے حضور سجدہ ریزی وقیام میں راتیں گذارتے۔(سورۃ الفرقان ۔64) نیز ارشاد الہی ہے: <o:p></o:p> تتجافی جنوبهم عن المضاجع يدعون ربهم خوفاوطمعا۔<o:p></o:p> ترجمہ:ان کے پہلو بستروں سے علحدہ رہتے ہیں اپنے رب کو خوف اور امید کی کیفیت سے پکار تے ہیں(سورہ السجدہ ۔16) رمضان کی جب آمد آمد ہوتی ہے یہ حضرات تو یوں استقبال کرتے کہ گویا یہ نعمت پھر حاصل نہ ہوگی۔ صحابہ کرام رضوان اللہ علیہم اجمعین کی یہ پاکیزہ زندگی ہم لوگوں کے لیے اسوہ و نمونہ اور درس عبرت و نصیحت ہے ،ہمارے لیل و نہار غفلت کا شکارہیں، خیال و فکر میں مادیت کا تسلط ہے، قلب و جگر میں بے ثبات دنیا کی محبت جاگزیں ہے۔<o:p></o:p> <o:p> </o:p> اللهم صل صلوةكاملة وسلم سلاما تاما على سيدنا محمد الذي تنحل به العقد وتنفرج به الكرب وتقضي به الحوائج وتنال به الرغائب وحسن الخواتيم ويستسقي الغمام بوجهه الكريم وعلي اله وصحبه في كل لمحة ونفس بعددكل معلوم لك<o:p></o:p> از: مولانا مفتی حافظ سید ضیاء الدین نقشبندی دامت برکاتہم العالیہ <o:p></o:p> شیخ الفقہ جامعہ ظامیہ وبانی ابو الحسنات اسلامک ریسرچ سنٹر <o:p></o:p> <a href="http://www.ziaislamic.com/">www.ziaislamic.com</a><o:p></o:p> <o:p> </o:p>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

فضائل شعبان احادیث وآثار کی روشنی میں

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

&#1601;&#1590;&#1575;&#1574;&#1604; &#1588;&#1593;&#1576;&#1575;&#1606; &#1575;&#1581;&#1575;&#1583;&#1740;&#1579; &#1608;&#1570;&#1579;&#1575;&#1585; &#1705;&#1740; &#1585;&#1608;&#1588;&#1606;&#1740; &#1605;&#1740;&#1722;

فضائل شعبان احادیث وآثار کی روشنی میں