دل کی دنیا میں انقلاب بپا کرنے والی چار نصیحتیں

حضور اکرم صلی اللہ علیہ وسلم نے ایک روز حضرت ابوذر غفاری رضی اللہ عنہ سے ارشادفرمایا کہ اے ابوذر!کشتی کی اچھی طرح دیکھ بھال کرلو کیونکہ سمندر بہت گہرا ہے،اور زادراہ پوری توجہ سے اپنے ساتھ رکھو کہ سفر دوردرازکا ہے ، اور رخت سفرمختصر (بقدر ضرورت )ساتھ لوکہ گھاٹی دشوار گزار ہے ، اور اپنا ہر کام خلوص سے کروکیونکہ پر کھنے والا دانا وبینا ہے - ارشاد مبارک کا خلاصہ یہ ہے کہ دنیا وآخرت کے مابین عالم برزخ سے بھی آدمی کو گزرنا ہے اور سب سے پہلے منکر نکیر سے واسطہ پڑتاہے تو عقل مند وہ ہے جو موت کے بعد والی زندگی کیلئے پہلے ہی سے اعمال حسنہ کا ذخیرہ کرنے کی فکر میں رہے، یہی زادراہ ہے اور یہی متاع آخرت ، یہی رخت سفر ہے اورا سی پر نجات آخرت کا مدارہے اور اعمال حسنہ اسی وقت قابل قبول ہونگے جب انہیں خوش دلی اور خلوص قلبی سے محض رضائے الہی کی نیت سے انجام دیا جائے      ایک بزرگ نے فرمایا : چار چیزیں بڑی اچھی ہیں لیکن چار چیزیں اس سے بھی اچھی ہیں (1)شرم وحیاء مردوں میں پائی جائے تو قابل تعریف ہے لیکن عورتوں میں پائی جائے تو اور زیادہ قابل تعریف ہے (2)انصاف ودادرسی لائق تحسین عادت ہے لیکن حکام میں اس کا پایا جانا اور بھی زیادہ لائق تحسین ہے (3)بڑھاپے کے حدود میں داخل ہونےوالا اگر گناہوں پر نادم ہوکر تو بہ واستغفار کرے تو ستائش کے قابل ہے ، لیکن نوجوان اپنی جوانی میں اپنے اعمال پر نادم ہوتو اور بھی زیادہ ستائش کے قابل ہے ، اہل حاجت کی حاجت روائی تعریف کے لائق ایک خصلت ہے جب کہ مالدار اور تونگروں میں پائی جائے لیکن یہی خصلت اگر ناداروں اورتنگ دستوں میں موجود ہو تو اور بھی زیادہ قابل تعریف ہے ۔ کسی صاحب فراست نے کہاہے کہ چارخصلتیں بری ہیں، لیکن یہی خصلتیں کچھ او رلوگوں میں پائی جائیں تو اور زیادہ بُری مانی جاتی ہیں ، (1)گناہ نوجوان آدمی سے سرزد ہوتو بے شک بُرا ہے ، لیکن گئے گزر ے بوڑھے آدمی سے سرزد ہو تو او ربھی زیادہ بُرا ہے ، دنیا ، (2)طلبی میں جاہل کا مشغول رہنا توبُری بات ہے لیکن اس سے زیادہ بُری بات یہ ہے کہ اہل علم ، اس میں منہمک ہو جائے ،(3) اطاعت حق (اور خدا ورسول کے احکام کی بجاآوری)سے غفلت وسستی برتنا، بڑی معیوب بات ہے لیکن علماء اور طلبہ میں یہ عیب ہوتو اور بھی زیادہ معیوب ہوجاتا ہے ،(4) تکبر اور غرور ونخوت ، اہل ثروت میں موجود ہو تو بلا شبہ مذموم ہے ، لیکن ناداروں اور غرباء سے رونما ہو تو او ربھی زیادہ قابل مذمت ہے ۔ حضرت فاروق اعظم رضی اللہ تعالی عنہ فرماتے ہیں کہ سمندر چارہیں ، ایک خواہشات شیطانی ، یہ گناہوں کا سمندر ہے ،دوسرا نفس انسانی یہ آرزوؤں اور تمناؤں کا سمندر ہے، تیسرا موت یہ زندگیوں کا سمندر ہے ، اور چوتھا سمندرقبرہے ، یہ پشیمانیوں کا سمندر ہے۔ <a href="../../../../">www.ziaislamic.com</a>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

دل کی دنیا میں انقلاب بپا کرنے والی چار نصیحتیں

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

&#1583;&#1604; &#1705;&#1740; &#1583;&#1606;&#1740;&#1575; &#1605;&#1740;&#1722; &#1575;&#1606;&#1602;&#1604;&#1575;&#1576; &#1576;&#1662;&#1575; &#1705;&#1585;&#1606;&#1746; &#1608;&#1575;&#1604;&#1740; &#1670;&#1575;&#1585; &#1606;&#1589;&#1740;&#1581;&#1578;&#1740;&#1722;

دل کی دنیا میں انقلاب بپا کرنے والی چار نصیحتیں