خودکشی ایک سنگین جرم

خودکشی ایک سنگین جرم دنیادارالامتحان ہے، ہر وقت , ہر منزل پرآدمی کو نئے نئے مسائل ومشکلات   سے گزرنا پڑتا ہے اور وہی شخص اس میں کامیاب  ہے جو ہر طرح کی مشکلات کا پامردی سے  مقابلہ کرے, جس  خالق کائنات نے انسان کو پیدا کیا، ماں کے شکم سے لے کر زندگی کے آخری مرحلہ  تک اس کی حفاظت ونگرانی فرمائی, اس کو سکون و راحت کی نعمت سے سرفراز کیا، جب وہی خدا اپنے بندوں کا   مصائب ومشکلات کے ذریعہ امتحان لیتا ہے تو بعض لوگ مشکلات  وآزمائش میں صبر کا دامن چھوڑ بیٹھتے  ہیں اور جلد بازی و بے صبری میں متاع حیات ہی کو ختم کردیتےہیں،لیکن وہ موت کے بعد بھی چین وسکون حاصل نہیں کرسکتے ۔ مقام افسوس ہے کہ آج کوئی، عشق میں ناکامی پر خودکشی جیسے سنگین جرم کا ارتکاب کررہا ہے اور کوئي طالب علم امتحانات میں ناکا می کے باعث مایوس ہوکر  خودکشی جیسے سنگین جرم کا ارتکاب کررہاہے جبکہ دین اسلام نے   خود كشى کو حرام اور  گناہ كبيرہ قرار دیا  ہے، خودکشی اللہ تعالی  کی رحمت سے مایوسی کفر ہے-  انسان  اپنے جسم و جان کا خود مالک نہیں ہے بلکہ صرف امین ہے، اس لئے  اس کو خلاف مرضی خدا استعمال نہیں کرسکتا ، ارشاد الہی : وَلَا تُلْقُوا بِأَيْدِيكُمْ إِلَى التَّهْلُكَةِ- ترجمہ:اور تم اپنے آپ کو ہلاکت میں نہ ڈالو۔ (سورۃ البقرۃ&rlm;:195)۔ نیز سورۃ النساءمیں ارشاد ہے: وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا ۔ وَمَنْ يَفْعَلْ ذَلِكَ عُدْوَانًا وَظُلْمًا فَسَوْفَ نُصْلِيهِ نَارًا وَكَانَ ذَلِكَ عَلَى اللَّهِ يَسِيرًا-   ترجمہ: اور اپنے آپ کو قتل نہ کرو،بیشک  اللہ تم پر نہایت مہربان ہے” اور جو ظلم و زیادتی کی بنیاد پر اس  کا ارتکاب کربیٹھے  تو عنقریب ہم اسے جہنم میں ڈال دیں گے اور یہ کام اللہ پر آسان ہے-(سورۃ النساء: 29/30)  اگر کوئي مصیبت پہنچ جائےتو، ہم اپنی زندگی کا خاتمہ کرکے اس مصیبت سے نجات  توحاصل نہیں کرسکتے،حضرت نبى اكرم صلى اللہ عليہ  والہ وسلم نے ارشاد فرمایا كہ خود كشى كرنے والے شخص كو  دوزخ میں اسى طرح کا عذاب دىا جائےگا جس طرح اس نے اپنے آپ كو قتل كيا ہو گا- صحيح بخارى،صحيح مسلم میں سیدنا ابو ہريرہ رضى اللہ تعالى عنہ سےروایت ہے : عَنْ أَبِى هُرَيْرَةَ رَضِىَ اللهُ عَنْهُ عَنِ النَّبِىِّ صَلَّى اللهُ عَلَيْهِ وَسَلَّمَ قَالَ : مَنْ تَرَدَّى مِنْ جَبَلٍ فَقَتَلَ نَفْسَهُ ، فَهْوَ فِى نَارِ جَهَنَّمَ ، يَتَرَدَّى فِيهِ خَالِدًا مُخَلَّدًا فِيهَا أَبَدًا ، وَمَنْ تَحَسَّى سَمًّا فَقَتَلَ نَفْسَهُ ، فَسَمُّهُ فِى يَدِهِ ، يَتَحَسَّاهُ فِى نَارِ جَهَنَّمَ خَالِدًا مُخَلَّدًا فِيهَا أَبَدًا ، وَمَنْ قَتَلَ نَفْسَهُ بِحَدِيدَةٍ ، فَحَدِيدَتُهُ فِى يَدِهِ ، يَجَأُ بِهَا فِى بَطْنِهِ- ترجمہ:حضرت نبى اكرم صلى اللہ عليہ  والہ وسلم نے ارشاد فرمایا : جس کسی نے پہاڑ سے گر کر خودکشی کرلی وہ جہنم کی آگ میں ہمیشہ ہمیشہ کے لئے اسی طرح گرتا رہے گا۔ جس کسی نے زہر پی کر خودکشی کرلی تو زہر اس کے ہاتھ میں ہوگا اور جہنم کی آگ  میں وہ ہمیشہ ہمیشہ  زہر پیتا رہے گا اور جس نے  لوہے کے  ہتھیار سے خودکشی کرلی تو وہ ہتھیار اس کے ہاتھ میں ہوگا جس سے وہ جہنم کی آگ میں مسلسل اپنا پیٹ چاک کرتا رہے گا – (صحیح بخاری شریف، باب شرب السم ، والدواء به ، وبما يخاف منه . حدیث نمبر:5778-صحیح مسلم شریف ،حدیث نمبر:313)     صحیح بخاری اور صحیح مسلم میں حدیث پاک ہے: عَنْ أَنَسِ بْنِ مَالِكٍ رَضِىَ اللهُ عَنْهُ قَالَ النَّبِىُّ صَلَّى اللهُ عَلَيْهِ وَسَلَّمَ لاَ يَتَمَنَّيَنَّ أَحَدُكُمُ الْمَوْتَ مِنْ ضُرٍّ أَصَابَهُ ، فَإِنْ كَانَ لاَ بُدَّ فَاعِلاً فَلْيَقُلِ اللَّهُمَّ أَحْيِنِى مَا كَانَتِ الْحَيَاةُ خَيْرًا لِى ، وَتَوَفَّنِى إِذَا كَانَتِ الْوَفَاةُ خَيْرًا لِى  . ترجمہ:حضرت انس بن مالک رضي اللہ تعالی عنہ سے روایت ہے ،آپ نے فرمایا کہ حضرت نبی اکرم صلی اللہ علیہ والہ وسلم نے ارشاد فرمایا :اگر کسی کو تکلیف پہنچے تو وہ ہرگز موت کی تمنا نہ کرے۔ زیادہ سے زیادہ یہ کہہ سکتا ہے کہ اے اللہ! مجھے اس وقت تک زندہ رکھ جب تک میرے لئےزندگی بہتر اور خیر کی ہو اور اگر میرے لئےموت بہتر ہو تو مجھے موت دیدے- (صحیح بخاری،کتاب المرضى، باب تمنى المريض الموت . حدیث نمبر:5671)   جو لوگ جن عارضی  مصیبتوں سے بچنے کے لئے  خود کشی کرتے ہیں، اس سے بڑی مصیبتیں ان کی منتظر رہتی  ہیں۔  مصائب ومشکلات سے تنگ آ کر یا امتحانات میں ناکا م ہونے کی بنا پر  خود کشی  نہ کی جائے بلکہ اس بات کا یقین رکھیں  کہ زندگی اللہ تعالیٰ کی بہت بڑی نعمت ہے۔  مصیبت آج ہے کل ٹل جائے گی ،آج ناکام ہوئے کل کامیاب ہوجائینگے،ہمیں حضرت  رسول اللہ صلی اللہ علیہ والہ وسلم  کے اسوۂ حسنہ کے مطابق کامل توکل اور قناعت اختیار کرنا چاہئیے ۔ انسان کسی بھی مصیبت پر دکھی نہ ہو بلکہ جو بھی اللہ تعالیٰ کی طرف سے فیصلہ  ہو ، اسے دل و جان سے قبول کرلے،اللہ تعالیٰ نے جس قدر  عطا فرمایا ہے  اسی پر خوش رہے،اس سے زیادہ کی کوشش اگر چہ انسان ضرورکرتا ہے لیکن جو بھی اسے مل جائے اسے اپنے رب کی اعلیٰ ترین نعمت سمجھتے ہوئے خوش رہے اور جو اسے نہیں ملا ، اس پر غمگین نہ ہو  بلکہ ہمیشہ اللہ کی رحمت سے امید رکھتے ہوئے اپنی کوششوں کو جاری رکھے، انشاء اللہ  فتح ونصرت مقدر بنے گي- از:حضرت ضیاء ملت مولانا مفتی حافظ سید ضیاء الدین نقشبندی دامت برکاتہم العالیہ شیخ الفقہ جامعہ نظامیہ بانی ابو الحسنات اسلامک ریسرچ سنٹر  <a href="../../../../">www.ziaislamic.com</a>

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

خودکشی ایک سنگین جرم

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

Mufti Maulana Syed Zia Uddin Naqshbandi Quadri

Shaik-ul-Fiqh - Jamia Nizamia

News

&#1582;&#1608;&#1583;&#1705;&#1588;&#1740; &#1575;&#1740;&#1705; &#1587;&#1606;&#1711;&#1740;&#1606; &#1580;&#1585;&#1605;

خودکشی ایک سنگین جرم