Mufti Maulana Syed Zia Uddin Naqshbandi Quadri
Shaik-ul-Fiqh - Jamia Nizamia
Abul Hasanaat Islamic Research Center
Abul Hasanaat Islamic Research Center
<div style="text-align: right"><span style="font-family: alvi Nastaleeq v1.0.0"><span style="font-size: 22px">شوہر اور بیوی کو باہم الفت ومحبت،مودت ورحمت ، خوش اخلاقی وحسن معاشرت کے ساتھ رہنا چاہئیے ،اگر زوجین ایک دوسرے کے حقوق بحسن وخوبی اداکرتے رہیں، شوہر بیوی کی رہائش، خوراک و پوشاک اور دیگر ضروریات کی تکمیل کردے اور بیوی دستور کے مطابق شوہر کی اطاعت کرے تو ان کے درمیان فرحت ومسرت کا ماحول قائم رہتا ہے ۔ <br /> مفاہمت ومصالحت کے تین طریقے <br /> اگر کسی وجہ سے ناموافق حالات پیداہوں اور بیوی نافرمانی کرتی رہے تو باہمی مفاہمت ومصالحت سے کام لینا چاہئیے ،شوہر کو تین طریقوں سے معاملہ کو سلجھانے کی تاکید کی گئی <br /> (1) سب سے پہلے وہ بیوی کو نصیحت کرے <br /> (2) بستر علحدہ کرے <br /> (3) تادیب اور تنبیہ کرے ،اللہ تعالی کا ارشاد ہے ، <span style="font-family: traditional Arabic">وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا- <br /> </span>ترجمہ:اور وہ عورتیں جن کی نافرمانی کا اندیشہ ہوانہیں پہلے نرمی سے سمجھاؤپھرانہیںخوابگاہوں سے علحدہ کردواور (پھر بھی بازنہ آئیں تو )انہیں تنبیہ وتادیب کرو اگر وہ اطاعت کرنے لگیں تو ان پر کوئی راستہ مت تلاش کرو۔(سورۃ النساء۔34) <br /> طلاق کا اقدام کرنے سے پہلے ان مراحل میں سعی وکوشش کرنے اور سنجیدگی سے غور وفکرکرنے کی تاکید کی گئی لیکن شریعت مطہرہ میں اس کو طلاق کی شرط نہیں کہا گیا ، نیز طلاق کے وقت بیوی کا موجود ہونا یا اس کو طلاق کی اطلاع دینا طلاق واقع ہونے کے لئے شرط نہیں ،اگر شوہر طلاق دینا چاہے تو طلاق بائن یا طلاق مغلظہ کے بجائے طلاق رجعی کے لئے کہا گیا تاکہ عدت گذرنے تک شوہر کواپنے فیصلہ پر مزید غور فکر کرنے اور فیصلہ واپس لینے کی گنجائش رہے اور بیوی کی غلطی ہو تو وہ اپنی اصلاح کرلے۔اس کے باوجود کوئی شخص ان تمام طریقوں کو نظر انداز کرکے طلاق کا اقدام کر بیٹھے تو طلاق واقع ہوجائے گی۔ <br /> غصہ کی تین حالتیں اور طلاق کا حکم <br /> حالتِ غصہ کی طلاق کی بابت ردالمحتارج 2 ص463, میں غصہ کی تین حالتیں بیان کی گئی ہیں ،دوحالتوں میں طلاق واقع ہوتی ہے اور ایک حالت میں طلاق واقع نہیں ہوتی : <br /> (1) غصہ کی ابتدائی حالت ہو کہ جس کی وجہ عقل میں خلل وفتور نہ آیا ہو ،اپنی گفتگووالفاظ کوجانتا ہواوراپنے قصدوارادہ کو سمجھتاہو، ایسی حالت میں دی ہوئی طلاق واقع ہوجاتی ہے ۔ <br /> (2)غصہ کی انتہائی شدیدحالت ہو کہ حد جنون تک پہنچ جائے اورہوش وحواس باقی نہ رہیں،زبان سے نکلنے والے الفاظ جاننے اور سمجھنے کی صلاحیت ختم ہوجائے ،ایسے شدید غصہ کی حالت میںدی گئی طلاق واقع نہیں ہوتی اور اسکے دیگر اقوال واعمال خرید وفرخت ، نکاح وعتاق وغیرہ کابھی اعتبار نہیں ۔ <br /> (3)غصہ کی درمیانی حالت جومذکورہ دوحالتوں کے مابین ہو اور غصہ حد جنون کو نہ پہنچے،احناف کے پاس اس حالت میں بھی دی گئی طلاق واقع ہوجاتی ہے ۔ <br /> دوسری صورت میں ذکر کردہ غصہ کی انتہائی شدید حالت میںطلاق واقع نہ ہونے کا حکم اس وقت ہے جب کہ اس حالت کاثبوت دوعادل گواہوںکی گواہی سے ہو یاطلاق دینے والے کے حلفیہ بیان سے بشرطیکہ اس کا غصہ کی انتہائی شدید حالت میںآپے سے باہر ہوجانا بطور عادت لوگوںمیں معروف ہو۔ <br /> ردالمحتار ج 2ص463، میں ہے :وسئل نظما فيمن طلق زوجته ثلاثافی مجلس القاضی وهومغتاظ مدهوش فاجاب نظما ايضا بان الدهش من اقسام الجنون فلا يقع واذاکان يعتاده بان عرف منه الدهش مرة يصدق بلا برهان اه قلت وللحافظ ابن القيم الحنبلی رسالة فی طلاق الغضبان قال فيها انه علی ثلاثة اقسام احد ها ان يحصل له مبادیٔ الغضب بحيث لايتغيرعقله ويعلم مايقول ويقصده وهذا لااشکال فيه الثانی ان يبلغ النهاية فلا يعلم مايقول ولايريده فهذا لاريب انه لاينفذ شیٔ من اقواله الثالث من توسط بين المرتبتين بحيث لم يصرکالمجنون فهذا محل النظروالادلة تدل علی عدم نفوذ اقواله اه ملخصا من شرح الغاية الحنبلية لکن اشارفی الغاية الی مخالفته فی الثالث حيث قال ويقع طلاق من غضب خلافا لابن القيم۔ ۔ ۔ والذی يظهر لی ان کلا من المدهوش والغضبان لايلزم فيه ان يکون بحيث لايعلم مايقول بل يکتفی فيه بغلبة الهذيان واختلاط الجد بالهزل کما هو المفتی به فی السکران۔ <br /> اگر کوئی شخص ان تمام شرعی ہدایات کی خلاف ورزی کرتے ہوئے ، غور وفکر کے بغیرغصہ کی حالت میں طلاق دے اور بیک وقت ایک تلفظ میں تین طلاق دے توقرآن کریم وحدیث شریف کی رو سے طلاق واقع ہوجائے گی اور طلاق دینے والا گنہگار قرار پائیگا،شوہر کا غصہ کی ابتدائی یا درمیانی حالت میں ہونا ، بیوی کا موجود نہ ہونا ، یا بیوی کو اطلاع نہ پہنچنا طلاق واقع ہونے کو نہیں روکتا ،جب شوہرنے طلاق دی ہے تو جیسے طلاق دی واقع ہوگی ،ایک دی ہو تو ایک، تین دی ہوتو تین ۔بیوی کی غیر موجودگی میں طلاق کے لئے بیوی کی طرف طلاق کی نسبت کرنا یا نام کے ساتھ طلاق دینا ضروری ہے۔ <br /> بیک وقت تین طلاق کا شرعی حکم <br /> سہ بارہ طلاق کا طریقہ یقینا قرآن وحدیث کے خلاف اور گناہ ومعصیت ہے ،غور وفکر کے بغیر غصہ کی حالت میں طلاق دینے کی وجہ سے زوجین مزید مشکلات میں مبتلیٰ ہوجاتے ہیں،اس لئے سہ بارہ طلاق کاطریقہ اختیار نہیں کرنا چاہئیے اورمسلم معاشرے میں مرد حضرات کو اس سے واقف کرانا چاہئیے تاکہ سہ بارہ طلاق کا غیرشرعی طریقہ اختیار نہ کیاجائے او رمعصیت کی یہ راہ مسدود ہوجائے ،اس کے باوجود اگر کوئی شخص تین طلاق دے تو تین واقع ہوجائیں گی ۔ <br /> عہد نبوی میں ایک صاحب نے تین طلاق دی تو حضورپاک صلی اللہ علیہ وسلم نے اسے نافذقرار دیا،سنن ابوداؤد شریف کتا ب الطلاق ،باب فی اللعان ص 306، میں حدیث پاک ہے :عن سهل بن سعد في هذا الخبر قال فطلقها ثلاث تطليقات عند رسول الله صلی الله عليه وسلم فانفذه رسول الله صلي الله عليه وسلم۔ <br /> ترجمہ : حضرت سہل بن سعد رضی اللہ عنہ سے( حضر ت عویمر عجلانی رضی اللہ عنہ کے) واقعہ کے بارے میں روایت ہے انہوں نے فرمایا (عویمرعجلانی رضی اللہ عنہ)نے حضرت رسول اللہ صلی اللہ علیہ وسلم کے حضور اپنی بیو ی کو تین طلاق دی توحضرت رسول اللہ صلی اللہ علیہ وسلم نے ان کی تین طلاق کو نافذ قرار دیا ۔ <br /> اس حدیث شریف سے معلوم ہو تا ہے کہ تین طلاق کو کالعدم نہیںقرار دیا جاسکتا ،جمہور صحابہ و تابعین اور ائمہ اربعہ اہل سنت کا مذہب یہی ہے کہ تین طلاق دینے سے تین طلاق واقع ہوجاتی ہیں ۔ <br /> یہ مسئلہ احادیث مبارکہ سے ثابت او رصحابہ وتابعین ، فقہاء ومحدثین سے منقول ہونے کے بعد اس کے مقابل کسی کی رائے کو قبول نہیں کیا جاسکتا مقام غور ہے کہ غصہ کی حالت میں اگر کوئی شخص کسی دنیوی قانون کی خلاف ورزی کرے تو اس کو قابل سزا قرار دیا جاتا ہے اور وہی شخص اسلامی قانون کی خلاف ورزی کرے تو غصہ کی حالت کا عذر پیش کر کے رائے زنی کی جاتی ہے ، اہل اسلام قرآن وحدیث میں بتائے گئے اصول واحکام کے پابند ہیں ، لہذا تین طلاق کے سلسلہ میں دی گئی یہ رائے کہ غصہ کی حالت میں اور بیو ی کو اطلاع نہ پہنچنے کی صورت میں طلاق واقع نہیں ہوگی، ناقابل قبول ہے ۔ <br /> ردالمحتار ج 2 کتاب الطلاق ص 455, میں ہے وذهب جمهور الصحابة والتابعين ومن بعد هم من ائمة المسلمين الی انه يقع ثلاث ۔ ۔ ۔ ۔ ۔ ۔ وعن هذا قلنالوحکم حاکم بانها واحدة لم ينفذ حکمه لانه لايسوغ الاجتهاد فيه فهوخلاف لا اختلاف۔ </span></span></div>