Advanced Search
English
हिंदी
 
 
     
خبریں
Share |
 
ولادت باسعادت پر اظہار مسرت' حضرت محدث دکن کی نفیس بحث
 

ولادت باسعادت پر اظہار مسرت' حضرت محدث دکن کی نفیس بحث

صاحبو !حضرت کی پیدائش کی جس قدر خوشی ہو کم ہے، تولد کی خوشی منانے صرف ایک میں ہی نہیں کہہ رہا ہوں بلکہ خدا خود حکم دے رہا ہے، قرآن خود سکھا رہا ہے :

مصطفٰے کی دوستی ایمان ہے

شاہد اس پر آیتِ قرآن ہے

 قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ - (پ11 ع 6 سورۂ یونس :58)

 ( آپ کہہ دیجئے کہ بس لوگوں کو خدا کے اس انعام اور رحمت پر خوش ہونا چاہيئے )

 لفظ" رحمت " سے مراد' دین کی نعمت ہوتی ہے، جس طرح حکم ہے کہ مسجد میں آتے ہی پڑھیں :" اللهم افتح لنا ابواب رحمتک "اس دُعا میں لفظ" رحمت " سے مراد دین کی نعمت ہے۔

 لفظ" فضل" سے مراد دنیا کی نعمت ہوتی ہے، جس طرح مسجد سے باہر آتے وقت کی دُعا " اللهم انی اسئلک من فضلک " اس دُعا میں لفظ" فضل "سے مراد دُنیا کی نعمت ہے۔

 اس قاعدہ کے لحاظ سے آیت مُبارکہ قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ - ( پ11 ع 6 سورۂ یونس :58)

 میں لفظ "فضل" اور لفظ" رحمت" سے دین اور دُنیا کی تمام نعمتوں کی اصل و جڑ مراد لینے کا اہتمام کیا گیا ہے ۔

 وہ اصل و جڑ، جس کا اہتمام کیا گیا آقائے نامدار ،سرکار دوعالم، رسول اﷲ صلی اﷲ علیہ وسلم کی پیدائش ہے ۔

 حضرت محمد مصطفٰی صلی اﷲ علیہ وسلم کے تشریف لانے سے دُنیا اور دین کی سب نعمتیں ملیں، اس لیے تاکید پر تاکید اور حصر پر حصر کر کے یہ بتلادیا ہے کہ اگر خوشی کے قابل کوئی چیز ہے تو حضرت رسول اﷲ صلی اﷲ علیہ وسلم کی پیدائش ہے ، اس پر بے حد خوش ہونا چاہيئے ’’ قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا.

 پر ہی بس نہیں کیا بلکہ اس کے بعد صراحت فرماتا ہے :" هُوَ خَيْرٌ مِمَّا يَجْمَعُونَ - ( پ11 ع 6 سورۂ یونس :58)

 یہ حضرت کی نعمت دنیا کی ان تمام نعمتوں سے بہترہے جن کو تم جمع کرکے اس پر خوش ہوتے ہو۔ 

 اس آیت میں" فضل و رحمت" سے مراد حضرت صلی اﷲ علیہ وسلم کی پیدائش ہونے کی دلیل یہ ہے کہ ایک اور جگہ اﷲ تعالےٰ ارشاد فرماتا ہے کہ :

 يَتْلُو عَلَيْهِمْ آَيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ ۔ (پ 28 ع 1 سورۃ الجمعۃ :2)

یہ نبی ایسے ہیں کہ ’’ آیتیں تلاوت کرتے ہیں ‘ ظاہری و باطنی نجاستوں سے پاک کرتے ہیں، ان کو حکمت کی باتیں سکھلاتے ہیں، سب کھلی گمراہی میں تھے ‘ یہی منشاء ہے حضرت کے پیدا ہونے کا‘ اس وجہ سے حضور رحمت اور فضل ہیں۔

مومنوں کے دل پر فرحت ہے نمود

قدسیاں پڑہتے ہیں الحمد اور درود

جومسلماں آپ کے ہیں اُمتی

ان پہ واجب ہے تولد کی خوشی

از :میلاد نامہ

حضرت محدث دکن ابوالحسنات سید عبداللہ شاہ نقشبندی مجددی قادری رحمة اللہ علیہ

www.ziaislamic.com

 

 
 
  NS1: 1335   
ولادت باسعادت پر اظہار مسرت' حضرت محدث دکن کی نفیس بحث

  NS1: 1334   
اللہ کے محبوب بندوں سے عداوت غضب الہی کا موجب

  NS1: 1333   
حضرت ابو بکروحضرت عمر کا دور خلافت ‘امن وسلامتی اور منہج نبوت پر،حضرت مولائے کائنات رضی اللہ عنہ کی گواہی

  NS1: 1332   
نماز اسلام کا اہم ترین رکن۔نماز کی ادائی میں لاپرواہی نہ کی جائے۔حضرت ضیاء ملت دامت برکاتہم کا خطاب

  NS1: 1331   
حجاج ومعتمرین اللہ تعالی کے مہمان۔استطاعت کے باجود حج نہ کرنے پرسخت وعید

  NS1: 1330   
حضرت بندہ نواز رحمۃ اللہ علیہ علوم ومعارف کے بحر بے کراں

  NS1: 1329   
زجاجۃ المصابیح حنفی دلائل کا عظیم حدیثی انسائکلوپیڈیا

  NS1: 1328   
بحر العلوم حضرت محمد عبد القدیر حسرت صدیقی رحمۃ اللہ تعالی علیہ

  NS1: 1327   
عقائد ،اعمال اور اخلاق کی اصلاح ’’علم‘‘پر موقوف قرآن کریم کی پہلی وحی ’’علم‘‘سے متعلق

  NS1: 1326   
کرامات حضرت امام حسن مجتبی رضی اللہ عنہ

 
میل کریں    |    نقشبندی کیلنڈر    |    فوٹو گیلری    |    اپنے دوستوں کو بتائیں   |    رابطہ کریں
Copyright 2008 - Ziaislamic.com All Rights Reserved